Ballina

Etiketë: zgjedhjet 2025

  • Plani i LDK-së për stabilitet energjetik në Kosovë

    Në kuadër të planit për zhvillimin ekonomik, Lidhja Demokratike e Kosovë (LDK), ka paraparë disa projekte që pretendon se do të ndikojnë në uljen e importit të energjisë elektrike.

    Duke e konsideruar si të frikshëm importin e energjisë elektrike që po e bënë aktualisht Kosova, kandidati për deputet nga kjo parti, Berat Rukiqi, thotë se në programin e tyre “Rruga e Re” është ofruar zgjidhja e kësaj problematike.

    “Është Termocentrali me gaz i cili e siguron një tranzicion më të lehtë energjetik, i rritë kapacitetet prodhuese si dhe ndikon në zvogëlimin e kërkesës për energji elektrike”- tha Rukiqi.

    Ndërsa, plani tjetër për çka do të mund të përdoret Termocentrali me gaz, sipas tij, është edhe përdorimi për amvisëri dhe për ngrohje.

    Kjo, sipas Rukiqit, ndikon në uljen e konsumit të energjisë elektrike dhe në nevojën për të blerë energji elektrike nga shtetet e tjera.

    Si zgjidhje tjetër në këtë drejtim, ai e sheh edhe këmbimin e energjisë elektrike me Shqipërinë .

    Ndërkaq, kandidati Besian Mustafa foli më në detaje për atë se çfarë parasheh programi i LDK-së për një stabilitet energjetik në Kosovë.

    “Në programin tonë janë shtesë 500 MW, rritje të kapacitetit të Kosovës B nga 520MW në 560 MW. Mos të harrojmë që ky projekt është ndalur për shkak të sanksioneve nga BE, sepse financimi është paraparë të jetë i BE-së”- tha Mustafa.

    Për këtë, ai u zotua se për katër vitet e ardhshme “në krye me LDK-në”, do përmbushen 90% e nevojave gjatë vitit me energji elektrike.

    “Por, në 90 për qind të vitit do t’i plotësojmë këto nevoja. Atë 10 përqindëshin e ditëve, që i bie rreth një muaj, me gjasë do të përfundojmë duke importuar, por jo përmes oligarkëve që kanë qenë dhe anëtarë të kryesisë të partisë në pushtet”- tha ai.

    Ndër të tjera, me “ardhjen e LDK-së në pushtet” premtohet se Zyra e Rregullatorit për Energji (ZRRE), do jetë një institucion i pavarur, “për t’u siguruar që çmimi reflekton realitetin në terren, por edhe nevojat socio-ekonomike”. Kështu tha Mustafa.

    Ndërkaq në kuadër të kësaj është paraparë edhe një masë lehtësuese që adreson rritjen e çmimit të energjisë, e që është eliminimi i TVSH-së për energjinë elektrike.

    “Debat Përnime” është format i cili do të transmetohet për një muaj rresht deri një ditë para Zgjedhjeve parlamentare të 9 shkurtit 2025. Kandidatët për deputetë nga partitë politike garuese, përveç që prezantojnë Programin e tyre, përballen me pyetjet e Jeta Xharrës, kryeredaktorit të KALLXO.com, Kreshnik Gashit dhe Visar Prebrezës nga “Krypometër”.

    Lëvizja Vetëvendosje (LVV) ka zgjedhur që gjatë fushatës për Zgjedhjet e 9 shkurtit të mos marrë pjesë në disa nga mediat në Kosovë. Kjo parti e ka arsyetuar mospjesëmarrjen në emisionet politike të shfaqura në mediume të caktuara, me pretendimin se gjoja ato media janë në pronësi të oligarkëve.

     RTV Dukagjini është në listën e këtyre mediave të “piketuara” nga LVV, e pikërisht në këtë televizion transmetohet emisioni “Debat Përnime” – prodhim i KALLXO.com.

    Mirëpo, për dallim nga partia në pushtet, partitë e tjera opozitare kanë pranuar të marrin pjesë në këtë Debat dhe t’u përgjigjen pyetjeve të gazetarëve të Kallxo-it.

    Jeta Xharra, drejtuese e “DebatPërnime” tha në nisje të debatit se Kosova vazhdon të jetë mes vendeve më të varfëra në rajon, derisa ekonomia vazhdon të jetë e bazuar në tregti dhe në kokurrencë jolojale.

    “Midis qendrës të Prishtinës, makiatoja pihet pa fatura fiskale. Kontabanda dhe taksa doganore vazhdojnë të shmangen në kufi. Trepça nuk arrin as të paguaj rrymën që e harxhon e leje me gjeneru. Ferronikeli nuk është duke prodhu. Baza e ekonomisë vazhdon me qenë tregtia ‘blej ma lirë, shitë ma shtrenjtë’”- tha Xharra.

    Për më shumë lexoni në linkun në vijim:

    https://kallxo.com/gjate/central-me-gaz-aviokompani-dhe-investime-miliardeshe-plani-i-ldk-se-per-zhvillimin-ekonomik/

     

     

  • Nëse ka oligark në Kosovë, LDK konsideron se ai është Martin Berishaj

    Kandidatët për deputetë nga Lidhja Demokratike e Kosovës (LDK), në emisionin “Debat Përnime”, kanë shpalosur një pjesë të programit të tyre “Rruga e Re” e cila lidhet më fushën e ekonomisë.

    Në kuadër të këtij debati, ata u pyetën nëse në Kosovë ka oligarkë, siç pretendon kryeministri aktual, Albin Kurti.

    Lidhur më këtë çështje, Berat Rukiqi, tha se “për populistët është shumë e lehtë me jep kategorizime të tilla”. Dhe, pasi bëri interpretimin e definicionit “oligark”, ai tha se në Kosovë nuk ka të tillë.

    “Në Kosovë nuk ka oligarkë. Nuk kemi ne sektorë të minierave. Për ata që nuk na kuptojnë, le ta sqarojmë se çka është oligarkia. Oligarkia ka dalë si term në vendet e Lindjes, në atë tranzicionin e egër ku është plaçkit prona shtetërore e atyre shteteve dhe pastaj janë krijuar oligarkët nga asetët shtetërore. Nuk kemi të tillë në Kosovë”- tha Rukiqi, më 24.01.2025.

    Argument tjetër që në Kosovë nuk ka oligarkë, sipas tij, është edhe fakti se vetë tranzicioni që ka kaluar Kosova si shtet nuk mundëson një fenomen të tillë.

    Mirëpo, përkundër kësaj ky kandidat për deputet mendon se nëse në Kosovë ka një oligark, atëherë ai është Martin Berishaj, të cilin sipas tij, e ka krijuar vetë qeveria e drejtuar nga Albin Kurti.

    “Nëse ka oligarkë që e ka kriju kjo Qeveri, ai është Martin Berishaj”- tha ai.

    I pyetur se si do jetë qasja e LDK-së në rast se vjen në pushtet ndaj njerëzve të tillë, Rukiqi tha se “ LDK nuk e lufton [atë]. [Por] E lufton sistemi, rendi dhe ligji”.

    Madje, rastin e ambasadorit Berishaj, ai e konsideron konflikt të pastër interesi.

    “Është konflikt i pastër interesi në radhë të parë e pastaj edhe ato të gjitha kontratat tjera që janë në hetim. Nuk dua ta komentoj punën e organeve të rendit, por nëse ka një oligark që e ka përdor dhe keqpërdor një aset për shitblerje të energjisë dhe kontrata të dëmshme që janë nën hetim, ai është Martin Berishaj me plotë të tjerë”- thotë Rukiqi.

    Ndërsa, kandidati tjetër Besian Mustafa, lidhur më këtë përmendi institucionin e Autoritetit të Konkurrencës që e ka për detyrë kushtetuese dhe ligjore që të sigurojë që ka konkurrencë në përgjithësi, e që sipas tij, me ardhjen e kësaj qeverie ky institucion për dy vite u la jashtë funksionit, duke mos e emëruar bordin e tij.

    Përveç kësaj, sipas Mustafes, njëjtë u veprua edhe me Organin Shqyrtues të Prokurimit (OSHP) duke mos e emëruar bordin për dy vite, e që sipas tij, është kuptuar pse nuk ka ndodhë një emërim i tillë.

    “Sepse për katër vite keqpërdorën 280 milionë euro me tenderë njëburimor, që unë i quaj tenderë që u kanë dhënë dostave të tyre në dhoma të errëta- ti e merr këtë tender, ti këtë tender, ti 10 milionë, ti 15 milionë. Një qeveri që pretendon që ka oligarkë në Kosovë, bën saktësisht veprime që dërgon në bërjen e oligarkëve”- tha Mustafa.

    Për të njëjtën çështje foli edhe kandidati tjetër për deputet, Sokol Havolli. Sipas tij, oligarkë janë ata që përcaktojnë politikat e qeverisë dhe një gjë e tillë po ndodhë në sektorin e energjisë.

    “Kur ndërlidhemi me komentimin e termit oligark, ajo do të thotë kush i përcakton politikat e qeverisë. Ne e shohim sot kush i përcakton politikat e sektorit energjetik në Kosovë. Politikat e sistemit energjetik në nivel të Qeverisë i menaxhon Martin Berishaj”- tha Havolli.

    “Debat Përnime” është format i cili do të transmetohet për një muaj rresht deri një ditë para Zgjedhjeve parlamentare të 9 shkurtit 2025. Kandidatët për deputetë nga partitë politike garuese, përveç që prezantojnë Programin e tyre, përballen me pyetjet e Jeta Xharrës, kryeredaktorit të KALLXO.com, Kreshnik Gashit dhe Visar Prebrezës nga “Krypometër”.

    Lëvizja Vetëvendosje (LVV) ka zgjedhur që gjatë fushatës për Zgjedhjet e 9 shkurtit të mos marrë pjesë në disa nga mediat në Kosovë. Kjo parti e ka arsyetuar mospjesëmarrjen në emisionet politike të shfaqura në mediume të caktuara, me pretendimin se gjoja ato media janë në pronësi të oligarkëve.

    RTV Dukagjini është në listën e këtyre mediave të “piketuara” nga LVV, e pikërisht në këtë televizion transmetohet emisioni “Debat Përnime” – prodhim i KALLXO.com.

    Mirëpo, për dallim nga partia në pushtet, partitë e tjera opozitare kanë pranuar të marrin pjesë në këtë Debat dhe t’u përgjigjen pyetjeve të gazetarëve të Kallxo-it.

    Jeta Xharra, drejtuese e “DebatPërnime” tha në nisje të debatit se Kosova vazhdon të jetë mes vendeve më të varfëra në rajon, derisa ekonomia vazhdon të jetë e bazuar në tregti dhe në kokurrencë jolojale.

    “Midis qendrës të Prishtinës, makiatoja pihet pa faturë fiskale. Kontabanda dhe taksa doganore vazhdojnë të shmangen në kufi. Trepça nuk arrin as të paguaj rrymën që e harxhon e lëme më me gjeneru. Ferronikeli nuk është duke prodhu. Baza e ekonomisë vazhdon me qenë tregtia ‘blej ma lirë, shitë ma shtrenjtë’”- tha Xharra.

    Për më shumë lexoni në linkun në vijim:

    https://kallxo.com/gjate/central-me-gaz-aviokompani-dhe-investime-miliardeshe-plani-i-ldk-se-per-zhvillimin-ekonomik/

     

  • Haradinaj: Mitrovica do të jetë qytet model, vetëm me anëtarësimin e Kosovës direkt në NATO

    Aleanca për Ardhmërinë e Kosovës bashkë me partnerët e saj të koalicionit, Nismën Socialdemokrate, Konservatorët, Forumin Intelektual E-30, më 24.01.2025, e kanë vazhduar fushatën për Zgjedhjet e 9 shkurtit 2025 me një tubim në Mitrovicë.

    Kandidati për kryeministër i koalicionit, Ramush Haradinaj ka theksuar se Mitrovica do të jetë qytet model, i zhvilluar dhe i sigurt, vetëm me anëtarësimin e Kosovës direkt në NATO.

    “Mitrovica do të jetë qytet model, i zhvilluar dhe i sigurt, vetëm me anëtarësimin e Kosovës direkt në NATO. Mitrovica nuk është vetëm.” – ka thënë ai.

    Fushata pёr Zgjedhjet parlamentare nё Kosovё ka filluar zyrtarisht, mё 11.01.2025.

    Për njё muaj, partitë politike pritet të mbajnë tubime elektorale me qytetarët, për të fituar besimin e tyre në garën për Zgjedhjet parlamentare të 9 shkurtit 2025.

    Për këto Zgjedhje janë certifikuar 28 subjekte politike, me 1,280 kandidatë.

    Sipas Ligjit, gjatë periudhës së fushatës zgjedhore subjektet politike kanë të drejtë:

    – të organizojnë dhe të mbajnë tubime/ngjarje politike, tryeza të rrumbullakëta, konferenca për shtyp, fjalime, ose ndonjë aktivitet tjetër të ngjashëm, përmes së cilave ata mund t’i shprehin lirisht mendimet e tyre – me qëllim të fitimit të përkrahjes nga votuesit e tyre;

    – të publikojnë dhe të shpërndajnë afishe, reklama dhe material tjetër lidhur me një fushatë zgjedhore; të bëjnë fushatë përmes cilitdo operator televiziv, të radios apo kabllor, gjithashtu edhe përmes revistave, shtypit, rrjetit telefonik, sistemit postar ose çdo lloj mjeti tjetër reklamues – në pajtim me rregullat e KQZ-së dhe ligjet e tjera në fuqi.

    Këto do të jenë Zgjedhjet e para të rregullta, që Kosova mban që nga shpallja e pavarësisë më 2008.

  • Koalicioni për Familjen vizitë në Tregun e Gjelbër: Të përkushtuar për të mbështetur çdo punëtor të ndershëm

    Koalicioni për Familjen ka vazhduar fushatën për zgjedhjet e 9 shkurtit 2025.

    I pari këtij Koalicioni, Eman Rrahmani, ka njoftuar se më 24.01.2025 kanë vizituar Tregun e Gjelbër, aty ku sipas tij, bëhet puna më e ndershme për të krijuar e mbajtur ekonomitë familjare.

    “Takuam fermerë dhe tregtarë që, me përkushtim dhe punë të palodhur, sigurojnë furnizimin e vazhdueshëm me produkte ushqimore për familjet tona. Do të vazhdojmë të qëndrojmë të përkushtuar për të mbështetur çdo punëtor të ndershëm, duke siguruar që puna e tyre të jetë më efikase dhe ndikimi në ekonominë e vendit sa më i madh”- ka thënë ai.

    Koalicioni për Familjen e ka hapur zyrtarisht garën zgjedhore me një tubim në Prishtinë më 11.01.2025.

    Rrahmani ka thënë se subjektet tjera politike sot janë zmbrapsur dhe nuk guxojnë të shtyjnë ligje që cenojnë familjen.

    Fushata pёr zgjedhjet parlamentare nё Kosovё ka filluar zyrtarisht mё 11.01.2025.

    Për njё muaj, partitë politike pritet të mbajnë tubime elektorale me qytetarët, për të fituar besimin e tyre në garën për zgjedhjet parlamentare të 09.02.2025.

    Për këto zgjedhje janë certifikuar 28 subjekte politike me 1,280 kandidatë.

    Sipas Ligjit, gjatë periudhës së fushatës zgjedhore subjektet politike kanë të drejtë:

    – të organizojnë dhe të mbajnë tubime/ngjarje politike, tryeza të rrumbullakëta, konferenca për shtyp, fjalime, ose ndonjë aktivitet tjetër të ngjashëm, përmes së cilave ata mund t’i shprehin lirisht mendimet e tyre – me qëllim të fitimit të përkrahjes nga votuesit e tyre;

    – të publikojnë dhe të shpërndajnë afishe, reklama dhe material tjetër lidhur me një fushatë zgjedhore; të bëjnë fushatë përmes cilitdo operator televiziv, të radios apo kabllor, gjithashtu edhe përmes revistave, shtypit, rrjetit telefonik, sistemit postar ose çdo lloj mjeti tjetër reklamues – në pajtim me rregullat e KQZ-së dhe ligjet tjera në fuqi.

    Këto do të jenë zgjedhjet e para të rregullta që Kosova mban që nga shpallja e Pavarësisë më 2008.

  • Haradinaj në Fushë-Kosovë: Ky vend duhet të dalë nga terri 4-vjeçar i trajtimit vetëm si rrugë për të kaluar

    Aleanca për Ardhmërinë e Kosovës bashkë me partnerët e saj të koalicionit, Nismën Socialdemokrate, Konservatorët, Forumin Intelektual E-30, dhe Listën Ideal, më 23.01.2025 e kanë vazhduar fushatën për zgjedhjet e 09.02.2025 me një tubim në Fushë-Kosovë.

    Kandidati për deputet, Daut Haradinaj, ka thënë se ky vend duhet të dalë nga terri katërvjeçar i trajtimit vetëm si rrugë për të kaluar, aq afër qeverisë dhe aq larg projekteve kapitale.

    “Fushë Kosova është epiqendër e shqiptarëve, të gjithë adresë të parë e kanë këtë qytet e Lugina e ka shtëpi të dytë. Ky vend duhet të dal nga terri 4 vjeçar i trajtimit vetëm si rrugë për të kaluar, aq afër qeverisë dhe aq larg projekteve kapitale. Siguria e Kosovës vjen përmes NATO-s, përmes saj vjen edhe siguria ekonomike e zhvillimore. Ne si koalicion për Kosovën Fituese, kemi plan konkret dhe të realizueshëm për këtë etapë që po hyn Kosova”- ka thënë ai.

    Fushata pёr zgjedhjet parlamentare nё Kosovё ka filluar zyrtarisht mё 11.01.2025.

    Për njё muaj, partitë politike pritet të mbajnë tubime elektorale me qytetarët, për të fituar besimin e tyre në garën për zgjedhjet parlamentare të 09.02.2025.

    Për këto zgjedhje janë certifikuar 28 subjekte politike me 1,280 kandidatë.

    Sipas Ligjit, gjatë periudhës së fushatës zgjedhore subjektet politike kanë të drejtë:

    – të organizojnë dhe të mbajnë tubime/ngjarje politike, tryeza të rrumbullakëta, konferenca për shtyp, fjalime, ose ndonjë aktivitet tjetër të ngjashëm, përmes së cilave ata mund t’i shprehin lirisht mendimet e tyre – me qëllim të fitimit të përkrahjes nga votuesit e tyre;

    – të publikojnë dhe të shpërndajnë afishe, reklama dhe material tjetër lidhur me një fushatë zgjedhore; të bëjnë fushatë përmes cilitdo operator televiziv, të radios apo kabllor, gjithashtu edhe përmes revistave, shtypit, rrjetit telefonik, sistemit postar ose çdo lloj mjeti tjetër reklamues – në pajtim me rregullat e KQZ-së dhe ligjet tjera në fuqi.

    Këto do të jenë zgjedhjet e para të rregullta që Kosova mban që nga shpallja e Pavarësisë më 2008.