Ballina

Etiketë: zgjedhjet 2025

  • Koalicioni për Familjen premton Vetting në Polici dhe rritje të buxhetit për FSK-në

    Kandidatët për deputetë nga Koalicioni për Familjen, në emisionin “Debat Përnime”, me 26.01.2025, kanë shpalosur programin e tyre për siguri, drejtësi, arsim, ekonomi e shëndetësi.

    Bejtush Gashi, gjatë prezantimit të programit për fushën e sigurisë tha se me ardhjen e tyre në pushtet, në fokus do të kenë kthimin e dinjitetit të zyrtarëve të uniformës që garantojnë sigurinë e Kosovës.

    Nga Koalicioni për Familjen, premtohen reforma në Policinë e Kosovës, në aspektin e kuadrove dhe digjitalizimin e dhënies së shërbimeve nga ky institucion i rëndësishëm.

    “Fokusi jonë sidomos te rendi dhe siguria do të përqendrohet tek reforma e Policisë së Kosovës, e cila ka nevojë në aspektin e kuadrove që të reformohet, ndërsa të digjitalizohet në aspektin e shërbimeve, të ulë fatkeqësitë në komunikacion, të rrit komunikimin me qytetarët dhe të ngrit shkallën e besueshmërisë”- tha Gashi.

    Ndërsa në fazën e parë, sipas tij, vëmendje do t’i kushtohet sigurimit shëndetësor dhe ngritjës së mirëqenies për policët.

    “Fokusi do jetë në fazën e parë për me i zgjidh disa probleme që ky institucion përballet; sigurimi shëndetësor, ngritja e mirëqenies së zyrtarëve të uniformës, pa përjashtim dhe familjes së tyre të cilët jetojnë dhe varën prej kësaj page”- tha Gashi.

    Koalicioni për Familjen përmes fuqizimit të Akademisë së Kosovës për Siguri Publike do të ofrojë shërbime për trajnime të përhershme për zyrtarët policorë me qëllim të adaptimit të nevojave të këtij sektori, si dhe ofrim të arsimimit të avancuar për policët.

    Reforma e parë që do të bëhet në Policinë e Kosovës, sipas tij, do të jetë Vetting-u.

    “Reforma në Policin e Kosovës do filloj prej Vetting-ut, përkatësisht hetimit të së kaluarës për të gjithë pa përjashtim. Sipas ligjit dihet cilat pozita duhet t’i nënshtrohen këtij procesi. Dhe, në të njëjtën kohë, sigurimi jetësorë. Ligji është në proces andaj edhe këtë çështje do ta adresojmë dhe do angazhohemi që ky ligj do të kalojë”- tha ai.

    Tutje, kandidati Gashi, premtoi se me ardhjen e tyre në pushtet nuk do të ketë ndërhyrje operacionale në institucionin e Policisë së Kosovës, siç pretendon ai se është bërë nga Qeveria aktuale, pasi që ministria e ka për detyrë hartimin e politikave dhe strategjive sipas tij.

    Pa u diskutuat nuk mbeti as çështja e policëve serbë që dhanë dorëheqje në vitin 2022, duke i dorëzuar uniformat e Policisë së Kosovës.

    “Ka procedura të kthimit. Ata që i kanë shkel të gjitha procedurat do t’i nënshtrohen hetimit të kaluarës së tyre dhe gjithë ata që nuk kanë qenë të involvuar në aktivitete kriminale që janë zhvillu në ato komuna do t’i nënshtrohen procedurave që parashihen me akte ligjore dhe në të njëjtën kohë do t’u jepet mundësia që të rikthehen në uniformën e Policisë së Kosovës”- tha ai.

    Ndërsa, për Forcën e Sigurisë së Kosovës(FSK), ky koalicion premton rritje të buxhetit si dhe krijim të parakushteve për raporte më të mira me misionin ndërkombëtarë.

    “Në Forcën e Sigurisë së Kosovës do të vazhdojmë me intensitet për të rritur buxhetin për këtë institucion dhe në të njëjtën kohë do të përmbushet procedura e obligimeve, përkatësisht planit gjithëpërfshirës në fushën e mbrojtjes. Në të njëjtën kohë të dinamizohet dhe të krijohet një parakusht për raportet më të mira me pranin e misionit ndërkombëtar në Kosovë”- është shprehur Gashi.

    Pjesë e rëndësishme e sektorit të sigurisë, pa dyshim janë edhe zjarrfikësit. Koalicioni për Familjen zotohet se do përmirësoj kushtet e kësaj kategori, jo vetëm në aspektin e rritjes së pagave, por edhe në rekrutimin e zyrtarëve të rijnë.

    “Do të angazhohemi që të krijohen kushtet dhe në të njëjtën kohë të rritet numri i atyre që punojnë në këtë shërbim. Jo vetëm pagat dhe nevojat elementare që këto struktura kanë, por edhe të pranohen zyrtarë të rijnë në shërbimin zjarrfikës …”- tha ai.

    “DebatPërnime” është format i cili do të transmetohet për një muaj rresht deri një ditë para Zgjedhjeve parlamentare të 09 shkurtit 2025. Kandidatët për deputetë nga partitë politike garuese përveç që prezantojnë Programin e tyre, përballen me pyetjet e Jeta Xharrës, kryeredaktorit të KALLXO.com, Kreshnik Gashi dhe Visar Prebrezës nga “Krypometër”.

    Lëvizja Vetëvendosje (LVV) ka zgjedhur që gjatë fushatës për Zgjedhjet e 9 shkurtit të mos marrë pjesë në disa nga mediat në Kosovë. Kjo parti e ka arsyetuar mospjesëmarrjen në emisionet politike të shfaqura në mediume të caktuara, me pretendimin se gjoja ato media janë në pronësi të oligarkëve. 

    RTV Dukagjini është në listën e këtyre mediave të “piketuara” nga LVV, e pikërisht në këtë televizion transmetohet emisioni “Debat Përnime” – prodhim i KALLXO.com. 

    Mirëpo, për dallim nga partia në pushtet, partitë e tjera opozitare kanë pranuar të marrin pjesë në këtë Debat dhe t’u përgjigjen pyetjeve të gazetarëve të Kallxo-it.

    “Na s’jemi oligarkë. Asnjëri prej neve në KALLXO.com nuk jemi pasanika, as milionera e le më oligarka. Ne kemi qenë në RTK e na kanë largu prej RTK-së, saktë sepse kemi raportuar qysh oligarkët e kanë zhvat shtetin.” – ka deklaruar Jeta Xharra në hapje të Debatit të parë zgjedhor, në kuadër të “Debat Përnime”.

    Për më shumë lexoni në linkun në vijim:

    https://kallxo.com/gjate/futja-e-lendes-fetare-ne-shkolla-ndalimi-i-martesave-te-gjinise-se-njejte-dhe-krijimi-i-ministrise-per-banim-planet-e-koalicionit-per-familjen/

     

  • Limaj nga Malisheva: Po kthehemi në Parlament përsëri

    Aleanca për Ardhmërinë e Kosovës bashkë me partnerët e saj të koalicionit, Nismën Socialdemokrate, Konservatorët, Forumin Intelektual E-30, dhe Listën Ideal, më 26.01.2025 e kanë vazhduar fushatën për zgjedhjet e 09.02.2025 me një tubim në Malishevë.

    Kryetari i Nismës, Fatmir Limaj ka përmendur disa nga arritjet e Kosovës në kohën kur ai ka mbajtur pozita insitucionale.

    Ai ka thënë se Malisheva është bashkuar në projektin e madh të ‘Kosovës fituese’.

    “Malisheva po kthehet në Parlament për të luftuar përsëri. Pak e shumë, pritna në Parlament. Ne po vijmë. Koha është për t’i thënë jo mashtrimit e shpifjes, e ju e dini që ne kemi vepra të mëdha për Kosovën. Para katër viteve ka fitu një parti por ka humb Kosova”- u shpreh ai.

    Ai po ashtu ju ka berë thirrje bashkëatdhetarëve të votojnë për koalicionin.

    Kandidati i këtij koalcioni për kryeminister, Ramush Haradinaj e ka fillur fjalimin me një urim për të pranishmit duke thënë “urime që po ktheheni në Parlament e në Qeveri”.

    “I madh e i vogël kanë qenë në UÇK, e kanë pas me zemër angazhimin e luftën për liri. Ne nuk dojm me vajtu, me mashtru e pesë vjet në qeveri. Fatmir Limaj kur ka qenë në qeveri ka lenë vepra në Malishevë e në krejt Kosovën”- u shpreh Haradinaj.

    “Krejt Kosova ka me hy në NATO”- vazhdoi ai.

    Fushata pёr zgjedhjet parlamentare nё Kosovё ka filluar zyrtarisht, mё 11.01.2025.

    Për njё muaj, partitë politike pritet të mbajnë tubime elektorale me qytetarët, për të fituar besimin e tyre në garën për Zgjedhjet parlamentare të 9 shkurtit 2025.

    Për këto Zgjedhje janë certifikuar 28 subjekte politike, me 1,280 kandidatë.

    Sipas Ligjit, gjatë periudhës së fushatës zgjedhore subjektet politike kanë të drejtë:

    – të organizojnë dhe të mbajnë tubime/ngjarje politike, tryeza të rrumbullakëta, konferenca për shtyp, fjalime, ose ndonjë aktivitet tjetër të ngjashëm, përmes së cilave ata mund t’i shprehin lirisht mendimet e tyre – me qëllim të fitimit të përkrahjes nga votuesit e tyre;

    – të publikojnë dhe të shpërndajnë afishe, reklama dhe material tjetër lidhur me një fushatë zgjedhore; të bëjnë fushatë përmes cilitdo operator televiziv, të radios apo kabllor, gjithashtu edhe përmes revistave, shtypit, rrjetit telefonik, sistemit postar ose çdo lloj mjeti tjetër reklamues – në pajtim me rregullat e KQZ-së dhe ligjet e tjera në fuqi.

    Këto do të jenë Zgjedhjet e para të rregullta, që Kosova mban që nga shpallja e pavarësisë më 2008.

     

  • Gjuhë fyese gjatë fushatës e posterë pa leje – PZAP gjobit partitë politike

    Paneli Zgjedhor për Ankesa dhe Parashtresa (PZAP) ka publikuar 13 vendime që i mori më 25.01.2025.

    Disa ankesa janë konsideruar si të pabaza dhe për disa ankesa, PZAP ka gjobitur partitë politike.

    LVV u gjobit me 4 mijë euro, PDK u gjobit me 6 mijë euro, LDK me 4 mijë euro dhe Koalicioni për Familjen me 5 mijë euro, sipas vendimeve të datës 25.01.2025 që ka publikuar në ueb-faqe.

    Paneli Zgjedhor për Ankesa dhe Parashtresa ka gjobitur Partinë Demokratike të Kosovës me 3 mijë euro gjobë. Gjoba PDK-së i erdhi pas një ankese të LVV-së.

    LVV u ankua se në rrugën ‘Brigada 123’ në Suharekë u identifikuan banerë të Enver Hoxhajt dhe Qefsere Kuqit. PZAP ka gjet se u shfrytëzuan hapësirat publike pa marrë leje nga organet kompetente të komunës, prandaj edhe gjobiti PDK-në.

    4 mijë euro është gjoba që iu dha LDK-së për posterë në të njëjtën rrugë. Posterë të Shemsije Bytyqit, Lumir Abdixhikut, Shaqir Kryeziut, Urim Sukës dhe Selman Kolgecit.

    PZAP gjeti se njësos si PDK, edhe LDK nuk kishte marrë leje për vendosjen e këtyre banerëve.

    Ky organ i hodhi poshtë ankesat LVV-së për subjektin Srpska Demokratija.

    LVV u ankua për banerët e Aleksandër Arsenijeviq në ndërtesat publike në rrugën ‘Kneza Milosa’. PZAP nuk shqyrtoi këtë ankesë për shkak se për këtë rast është vendosur me vendimin Anr. 160/2025 me ç’rast subjekti Srpska Demokratija është gjobitur me 3 mijë e 500 euro.

    Partija Kosovskih Srba është gjobitur me 3 mijë e 500 euro pasi që LVV u ankua për banerët e kësaj partie në disa objekte dhe sheshin e Mitrovicës së Veriut.

    PZAP gjeti se me këtë rast u shfrytëzuan jashtëligjshëm ndërtesat/hapësirat publike, në kundërshtim me nenin 34 të Ligjit për Zgjedhjet e Përgjithshme.

    LVV-së iu refuzua një ankesë ndaj LDK-së. LVV u ankua se identifikoi disa flamuj të LDK-së në rrugën ‘Drenica’ dhe lagjen Kodra e Trimave në Prishtinë. PZAP gjeti se LDK kishte leje nga Komuna e Prishtinës për vendosjen e këtyre flamujve.

    LVV-së iu refuzua edhe ankesa për banerë të LDK-së në Istog. Ngjashëm si në Prishtinë, LDK kishte marrë leje edhe në Istog.

    3 mijë euro gjobë iu dha PDK-së për shkak të një fotografie të postuar në Facebook nga kandidati për deputet Faruk Bojaxhi, me hapësirat e brendshme dhe të jashtme të Bashkësisë Islame dhe Ipeshkvisë së Prizrenit, për qëllime elektorale.

    PZAP thotë se me promovimin e kandidaturës së tij për deputet me përfaqësues fetar, Bojaxhi ka shkeluar Rregulloren 07/2024.

    LVV-së iu refuzua ankesa ndaj LDK-së në Prishtinë, për banerë në rrugën ‘Ilaz Kodra’ dhe në ‘Kurriz’. LDK kishte pëlqimin nga Komuna e Prishtinës për vendosjen e banerit të kandiatit Florian Dushi.

    Ankesa e LVV-së ndaj PDK-së për posterin e Jakup Nurës në rrugën ‘Ilaz Kodra’ në Skenderaj u refuzua nga PZAP. KY institucion ka gjetur se kjo parti kishte pëlqimin e Komunës për vendosjen e posterit.

    E pabazuar u shpall edhe ankesa e PDK-së ndaj LVV-së për gjuhë fyese dhe denigruese. PDK në Dragash u ankua se asistenti i zyrës administrative të VV-së në këtë Komunë, Asri Qusaj ka përdorur gjuhë fyese në Facebook ndaj partive kundërshtare.

    PZAP thotë se në bazë të dëshmive të dorëzuara nuk mund të verifikohet se në cilën kohë ka ndodhur shkelja e pretenduar.

    LVV u gjobit me 4 mijë euro pas ankesës së PDK-së për një video të kandidatit për deputet Valon Ramadani.

    Në video, Ramadani i drejtohet kundërshtarëve politik me termin ‘hajna’. PZAP thotë se gjuha e tillë është në kundërshtim me nenin 34, pika 1.1 e Ligjit për Zgjedhjet e Përgjithshme.

    OJQ-ve Cel Kosova dhe Dylberizëm iu pranua ankesa me ç’rast Koalicionit për Familjen iu shqiptua gjobë prej 5 mijë eurove.

    Gjoba i shkoi këtij koalicioni pas një deklarate të kandidatit për deputet Jeton Haxhimustafa i cili sipas PZAP-së ka bërë shkelje të nenit 34, paragrafit 1, pika 1.11 të Ligjit për Zgjedhjet e Përgjithshme.

    Ankesa e Kosova Demokratik Turk Partisi kundër vendimit të KQZ-së për miratimin e dizajnit të fletëvotimit dhe broshurës për zgjedhjet, u hodh poshtë si e pasfatshme.

    Fushata pёr Zgjedhjet parlamentare nё Kosovё ka filluar zyrtarisht, mё 11.01.2025.

    Për njё muaj, partitë politike pritet të mbajnë tubime elektorale me qytetarët, për të fituar besimin e tyre në garën për Zgjedhjet parlamentare të 9 shkurtit 2025.

    Për këto Zgjedhje janë certifikuar 28 subjekte politike, me 1,280 kandidatë.

    Sipas Ligjit, gjatë periudhës së fushatës zgjedhore subjektet politike kanë të drejtë:

    – të organizojnë dhe të mbajnë tubime/ngjarje politike, tryeza të rrumbullakëta, konferenca për shtyp, fjalime, ose ndonjë aktivitet tjetër të ngjashëm, përmes së cilave ata mund t’i shprehin lirisht mendimet e tyre – me qëllim të fitimit të përkrahjes nga votuesit e tyre;

    – të publikojnë dhe të shpërndajnë afishe, reklama dhe material tjetër lidhur me një fushatë zgjedhore; të bëjnë fushatë përmes cilitdo operator televiziv, të radios apo kabllor, gjithashtu edhe përmes revistave, shtypit, rrjetit telefonik, sistemit postar ose çdo lloj mjeti tjetër reklamues – në pajtim me rregullat e KQZ-së dhe ligjet e tjera në fuqi.

    Këto do të jenë Zgjedhjet e para të rregullta, që Kosova mban që nga shpallja e pavarësisë më 2008.

  • Albin Kurti shpalos programin qeverisës të Vetëvendosjes për mandatin 2025-2029

    Kryeministri ende në detyrë, nga radhët e Lëvizjes Vetëvendosje, Albin Kurti, ka shpalosur programin e tij qeverisës për mandatin 2025-2029. 

    Prezentimin e programit për mandatin që synon ta fitojë, Kurti e filloi me premtimin për hapjen e vendeve të reja të punës, për çka tha se deri në fund të mandatit do të arrijë që në Kosovë numri i të rinjëve dhe pjesës tjetër të popullsisë të kap shifrën e gjysmë milioni të punësuavre. 

    Ndërkaq, në pjesën tjetër Kurti foli për planet sa i përket zhvillimit ekonomik në vend, për çka tha se për prodhimtarinë dhe ndërmarrësinë, do të veprojnë përmes bankës zhvillimore dhe programit 1 miliardë euro në prodhim dhe ndihmesë të bizneseve. 

    Sipas tij, me bankën zhvillimore do të mbështetet financimi i drejtëpërdrejtë i projekteve strategjike dhe prioritare, kurse përmes nënhuazimit nëpërmjet sektorit bankar, do të mbështeten ndërmarrjet e vogla dhe të mesme, apo edhe individët për investime në fushat prioritare për investime me kushtet e favorshme të bakëns zhvillimore. 

    Ndërsa nëpërmjet letërgarancive për pagesa, Kurti tha se do të ndihmojnë prodhuesit dhe eksportuesit për të pasur qasje më të lehtë në financa e likuiditet. 

    “Për të krijuar një ekonomi të qëndrueshme dhe me vende pune që paguajnë mirë, do të krijojmë programin për mbështetjen e investimeve në kapacitete prodhuese në vllerë 1 miliardë euro, nëpërmjet garantimit të kredive për inevstitorë. Secili investitor do të ketë mundësi të përfitojë nga garancia që shteti do të ofrojë për kredinë e nevojshme për investim. Kjo u mundëson investitorëve qasje shumë më të lehtë në financa e kosto shumë më të lirë të financimit”- deklaroi Kurti, sot më 25.01.2025.

    Tutje, sipas tij, në mandatin e ardhshëm do të filloj ndërtimi i sistemit të ri digjital i faturës elektronike e quajtur biznes-biznes, sistem i cili thotë se do të mundësoj monitorim në kohë reale të detyrimeve të tatimit mbi vlerën e shtuar, por në të njëjtën kohë mundëson edhe rimburësimin automatik e pa procedura të zgjatura të TVSH-së për bizneset. 

    “Këtë mandat do ta nisim me valutën digjitale të Kosovës, e cila do të përdoret për pagesa, me këtë e vendosim Kosovës në qendër të zhvillmeve më të fundit teknologjike”- shtoi Kurti.

    Transporti publik

    Kurti premtoi se do të filloj me jetësimin e programit në gjithë territorin e Kosovës, duke krijuar një rrjet të integruar të transportit publik, fillimisht për trafikun urban e më pas për trafikun ndërurban.

    Sipas tij, integrimi do të jetë sipas biletës mujore të integruar, ku secili shfrytëzues do të mund të udhëtoj në Kosovë pa pasur nevojë për biletë tjetër dhe duke përdorur vetëm transportin urban dhe ndërurban. 

    Projekti  500 milionë euro ‘Brezovica”

    Kurti premtoi se do të investojë deri në 500 milionë euro në infrastrukturë rrugore, akomodime moderne, pista të reja e rrjet bashkëkohorë të teleferikut në Brezovicë.

    Sipas tij, zhvillimi i këtij projekti do të jetësohet nëpërmjet dy komponenteve. Komponenti i parë është infrastruktura përcjellëse, ndërtimi dhe mirëmbajtja e saj, ndërsa komponenti i dytë, do të të pjesa e ndërtimit dhe hotelerisë, gastronimisë, etj. 

    Zhvilimi i arsimit  

    Shpalosjen e programit në fushën e arsimit, Kurti e filloi me premtimin se së bashku me Shqipërinë do të mbahet mësimi i gjuhës shqipe në të gjitha shtetet ku ka komunitet të madh shqiptar. 

    Tutje, në kuadër të kësaj fushe, ai pati edhe një premtim tjetër për gjyshërit kosovar të cilët kujdesen për nipërit dhe mbesat nga mosha 13 deri në 36 muaj, duke thënë se të njëjtit do të jenë përfitues të skemës së mbështetjes së gjyshërve prej 100 euro në muaj, mbi pensionin ekzistues. 

    Kurti premtoi edhe rritjen e pagës minimale për mbi 500 euro.

    Ai shtoi se do të themelohet fondi i sigurimeve shoqërore përmes së cilit do të mbulohet pagesa për pushimin e lehonisë dhe prindëror dhe pagesa në rast të humbjes së vendit të punës. 

    Lidhur me këtë, Kurti u zotua se do të rritet edhe numri i inspektorëve të punës, deri në 200 sosh. 

    Premtime dha edhe për studentët, për çka tha se nëse fiton këtë mandat, do të rrisë numrin e bursave të mobilitetit. 

    Derisa në Qendrën e Studentëve të Universitetit të Prishtinës “Hasan Prishtina”, ai premtoi edhe ndërtimin e një konvikti të ri dhe tri sallave të reja për bibliotekë  univeristare.

    Po ashtu premtoi edhe përfshirjen e ciklit parafillor të të gjithë fëmijëve. 

    “Vendi yë i ka 108 mijë fëmijë nga 1 deri në 5 vjeç, do të fillojmë me sistemin e bonove për ata prindër që vendosin të dërgojnë fëmijët e tyre në çerdhe jopublike dhe synojmë përfshirjen e ciklit parafillor nga mosha 5-6 vjeç ku janë rreth 20 mijë sosh”- tha Kurti. 

    Ndërkaq, për arsimin parauniversitar, premoi edhe vijimin e rishikimit të të gjitha teksteve shkollore, ndërsa për disa lëndë edhe përkthimin dhe digjtalizimin e materialeve shkollore. 

    Investimet në shëdetësi

    “Çdo qytetar do të ketë mjekun familjar dhe do të jetë brenda regjistrit të kujdesit parësor-shëndetësor”- ky ishte premtimi i parë i Kurtit me të nisur prezentimin e programit për shëndetësinë. 

    Po ashtu ai premtoi edhe decentralizimin në tërësi të sigurimeve shëndetësore, duke premtuar investime në secilin spital rajonal me pajisje, shërbime të reja dhe infrastrukturë. 

    Sa i përket investimeve në fushën e shëndetësisë, Kurti premtoi edhe ndërtimin e një spitalit në Mitrovicë, në Ferizaj poliklinikat specialistike do t’i ndërtojmë në Drenas, Sharr, Podujevë. Viti, Rahovec e Leposaviq, hapjen e poliklinikave specialisitke stomatologjike në Prishtinë, Pejë, Gjakovë, Prizren, Gjilan, Mitrovicë, Ferizaj dhe Podujevë.

    Po ashtu ai premtoi edhe rrjetin e laboratërove publik që mbulojnë të gjtha llojet e analizave. 

    Ndërkaq, lista e rimbursueshme e barnave fillon për herë të parë, duke mbështetur qytetarët lidhur me barnat jashtspitalore, premtoi kështu Kurti.

    Ndërkaq, për listën esenciale të barnave ai tha se do të sigurojnë shtim të buxhetit deri në 100 milionë euro. 

    Prioritetet në bujqësi e prodhim të energjisë 

    Albin Kurti u zotua se në mandatin e ri që synon ta rimarrë, përqëndrimi do të jetë tek rritja e produktivitetit dhe konkurueshëmrisë përmes mbështetjes së invstimeve në teknologji dhe rrjetëzimit të mbledhjes dhe shpërndarjes së produkteve bujqësore. 

    Ai tha se do të realiziojnë  edhe skemën e sigurimit nga fatkeqësitë natyrore për prodhimin bujqësor.

    Ndërkaq, premtime pati edhe për zgjidhjen e problemit me ujin e pijes në gjithë territorin e vendit. 

    “Do të përfundojmë projektimin dhe ndërtimin e të gjithë rrjetit të ujësjellësit në të gjitha lokalitetet e banuara. Do të ndërtohen pesë rezervuare për ujë të pijes, ujitjes dhe industri dhe po përgatitemi për katër të tjerë”- tha Kurti. 

    Siç premtoi ai, pesë rezervuaret e reja që do të përdoren, do të jenë rezervuari i Firajës, i Pollatës, i Kuqicës, i Dragaqinës dhe rezervuari i Decivojcës.

    Për sfidën e prodhimit të energjisë, Kurti premoti se do të ketë zgjidhje përmes përzierjes së energjisë duke u bazuar në burime vendore. 

    “Kosova do të ketë një miks të energjisë që bazohet ne burme vendore dhe gjithnjë e më shumë në burime të pastra e të ripërtëritshme nga era dhe dielli”- deklaroi Kurti. 

    Ai tutje premtoi se Termocentrali Kosova B do të modernizohet ndërsa Termocentrali Kosova A, do të rehabilitohet thellësisht. 

    Kultura, rinia dhe sporti 

    Në vazhdën e premtimeve, Albin Kurti foli edhe për planet e investimeve në kulturë, rini dhe në sport. 

    Fillimisht premtoi se Pallati i Rinisë së Sportit dhe Qendra e Studentëve në Prishtinë do të kthehen në hapësira moderne mikëpritje. 

    Ndërkaq, planet e tij  për infrastrukturën e futbollit duke përfshirë stadiumin nacional, qendrën akuatike pishinave olimpike si dhe pishina gjysmë olimpike, tha se  do të jenë themel i zhivillimit dhe cilësisë. Ndërsa, sipas tij, palestrat ekzistuese do të modernizohen sipas standardeve ndërkombëtare.

    “Arti dhe Kutlura do të jenë të vendosura në zemrë të planifikimit tonë shtetërorë, politika e ekonomisë kreative do të jetë sinonim në katër vitet e ardhshme. Për krijuesit dhe përformuesit vijojnë me mbështetjen e artistëve të pavarur dhe ansambleve rezidente nëpërmjet sigurisë finaciare, autonomisë krijuese dhe sigurimit të hapësirave dinjitetshme për punë, do të ndërlidhemi krijimtarinë artisitke me tregun e punës dhe sigurohemi që prodhimet kulturore të kenë kompenzimin e duhur”- tha Kurti. 

    Ai premtoi edhe mbrojtje të trashëgimisë kulturore dhe monumenteve. 

    “Monumentet do t’i vëme në shërbim të komunitetit dhe ekonomisë krahas ruajtës së historisë, identitetit trashigimin do të kthejmë në kontribues për mirëqenien e shoqërisë”- tha Kurti. 

    Reformat në drejtësi 

    “Nuk ka asgjë më të rëndësishme për drejtësinë se sa institucioni i hetimit të jetë në nivelin e detyrës më raport me rrjetet rajonale që janë në vijmësi në krime të organizuar kundër shtetit dhe të drejtës në tërësi”.

    Kështu filloi fjalimin Kurti me të nisur zotimet për fushën e sistemit të drejtësisë.

    Sipas Kurtit, Zyra për hetime disiplinore do të jetë një strukturë e re që garanton balanc dhe kontrollë të efektshme nëpërmjet pushteteve duke rritur llogarinëdhënien e Këshillit Gjyqësorë dhe Këshillit Prokurorial për veprimet e tyre. “Zyra do të jetë përgjegjëse për trajtimin e ankesave dhe pretendimeve për sjellje të papërshtatshme nga gjyqtarë dhe prokurorët, procesi disiplinorë do të mund të inicohet dhe ex-ofixio”- deklaroi Kurti.

  • Kurti në Klinë, premton investime në lokalitetin arkeologjik të Dresnikut

    Kandidati i Lëvizjes Vetëvendosje për kryeministër, Albin Kurti, bashkë me disa prej anëtarëve të listës me të cilën garon në zgjedhjet parlamentare, më 25.01.2025 ka mbajtur tubim elektoral në Klinë.

    Kurti ka thënë se Qeveria e tij i ka shpronësuar parcelat në lokalitetin arkeologjik të Dresnikut, duke e berë atë pasuri publike shtetërore.

    “Parku arkeologjik do të ketë hapësirën muzeale, qendrën e trajnimit dhe qendrën për vizitorë, sepse do të shndërrohet në një pikë shumë të rëndësishme të turizmit kulturor e historik për Republikën tonë e për kombin shqiptar”- ka thënë ai.

    Kurti, në fjalën e tij, ka përmendur një bashkëpunim të qeverisë me qytetarët e Klinës, që sipas tij, ndali një projekt të dëmshëm të Korporatës Devolli.

    “Këtu në Klinë ne kemi bashkëpunuar për të parandaluar një krim të madh mjedisor – ndërtimin e fabrikës së çimentos. Katër mijë banorë, me plot të drejtë, e kanë kundërshtuar një projekt të tillë, sepse ndotja nga kjo fabrikë do të ishte e dëmshme për Klinën dhe për mbarë Dukagjinin. Fabrikën kishte ndërmend ta ndërtonte Korporata Devolli. Fabrika u parandalua falë banorëve që u ankuan te qeveria dhe falë qeverisë që u doli në ndihmë”- është shprehur ai.

    Kandidatja për deputete, Arbërie Nagavci, kujtoi se qeveria Kurti e ka treguar dhe dëshmuar se është e mundur të krijohen politika që janë në interes të qytetarëve e jo të grupeve të caktuara.

    “Sa herë që jemi bashkë dhe të vendosur, kemi arritur shumëçka. Andaj, edhe këtë 9 shkurt do të jemi bashkë për fitoren tonë të madhe. Për një qeveri të ndershme, të përgjegjshme dhe të gatshme të luftojë për interesat e qytetarëve të saj”- ka thënë ajo.

    Kandidatja për deputete, Teuta Mulaj, në fjalën e saj kujtoi disa prej të arriturave të qeverisë Kurti 2, të cilat, siç tha ajo, tregojnë qeverisjen me vizion të drejtë dhe gjithëpërfshirës.

    Lëvizja Vetëvendosje më 25.01.2025 ka qëndruar edhe në Malishevë.

    Fushata pёr Zgjedhjet parlamentare nё Kosovё ka filluar zyrtarisht, mё 11.01.2025.

    Për njё muaj, partitë politike pritet të mbajnë tubime elektorale me qytetarët, për të fituar besimin e tyre në garën për Zgjedhjet parlamentare të 9 shkurtit 2025.

    Për këto Zgjedhje janë certifikuar 28 subjekte politike, me 1,280 kandidatë.

    Sipas Ligjit, gjatë periudhës së fushatës zgjedhore subjektet politike kanë të drejtë:

    – të organizojnë dhe të mbajnë tubime/ngjarje politike, tryeza të rrumbullakëta, konferenca për shtyp, fjalime, ose ndonjë aktivitet tjetër të ngjashëm, përmes së cilave ata mund t’i shprehin lirisht mendimet e tyre – me qëllim të fitimit të përkrahjes nga votuesit e tyre;

    – të publikojnë dhe të shpërndajnë afishe, reklama dhe material tjetër lidhur me një fushatë zgjedhore; të bëjnë fushatë përmes cilitdo operator televiziv, të radios apo kabllor, gjithashtu edhe përmes revistave, shtypit, rrjetit telefonik, sistemit postar ose çdo lloj mjeti tjetër reklamues – në pajtim me rregullat e KQZ-së dhe ligjet e tjera në fuqi.

    Këto do të jenë Zgjedhjet e para të rregullta, që Kosova mban që nga shpallja e pavarësisë më 2008.