Ballina

Etiketë: shpërthim

  • Në një lokal në Pejë u hodh granatë dore – Policia në kërkim të të dyshuarve

    Një mjet shpërthyes dyshohet se është hedhur në drejtim të një lokali në Pejë, pak orë pas mesnate.

    Mjeti shpërthyes dyshohet se ishte granatë dore, ndërsa Policia e Kosovës ka njoftuar se nuk ka të lënduar.

    “Sot, më 23.01.2025, rreth orës 02:05 minuta, Policia është informuar nga viktima se në rrugën “Besnik Lajqi” në Pejë, në një lokal, dyshohet se persona të panjohur kanë gjuajtur një mjet shpërthyes, në objektin e tij që dyshohet të jetë granatë dore.” – tha zëdhënësi i Policisë së Pejës, Driton Rugova, më 23.01.2024.

    Rugova ka thënë më tej se të dyshuarit janë larguar në drejtim të panjohur dhe Policia e Kosovës është në kërkim të tyre.

    “Njësitet relevante të Drejtorisë Rajonale të Policisë në Pejë kanë dalur në vendin e ngjarjes dhe për rastin u njoftua, po ashtu, edhe Prokurori i Shtetit. Policia është në kërkim të personave të dyshuar, kurse rasti cilësohet, si: ‘shkaktim i rrezikut të përgjithshëm’.” – përfundoi Rugova për KALLXO.com.

  • Gjashtë të vdekur nga shpërthimi në një restorant në Çeki

    Gjashtë persona humbën jetën kur një cilindër shpërtheu në një restorant në qytetin veriperëndimor çek të Mostit, duke i vënë flakën ndërtesës, thanë shërbimet e urgjencës të dielën, raporton Reuters.

    Tetë persona u plagosën nga shpërthimi i zjarrit që ndodhi vonë të shtunën në mbrëmje, dhe 30 persona u evakuuan nga restoranti dhe ndërtesat përreth, tha shërbimi çek i shpëtimit nga zjarri në platformën e mediave sociale X.

    “Sipas informacioneve fillestare nga dëshmitarët, një ngrohës është përmbysur duke shkaktuar zjarr”- kanë thënë zjarrfikësit. 

    Ministri i Brendshëm Vit Rakusan tha për Radion Çeke se shkaku ka të ngjarë të ishte një ngrohës me propan-butan që u përmbys në kopshtin e përparmë të restorantit.

    Brigada e zjarrfikësve tha se kishte shpëtuar një mysafir të plagosur rëndë në restorant, i cili ishte bllokuar në një banjë.

    Rreth 20 persona ishin në restorant në momentin e shpërthimit, tha Radio Çeke.

    Përgatiti: Xheneta Murtezaj