Kompania Rajonale Ujësjellësi “Mitrovica” ka njoftuar se të premten, më 17.01.2025, si pasojë e mungesës së energjisë elektrike, për më shumë se dy orë kanë pasur ndërprerje të procesit të trajtimit të ujit në Impiantin e Ujit në Shipol.
Sipas njoftimit të KRU “Mitrovica”, nga ora 15:14 deri 17:45 nuk kanë pasur energji elektrike.
Mirëpo, KRU “Mitrovica” njofton se tani impianti në Shipol është duke funksionuar normal dhe së shpejti pritet normalizimi i furnizimit me ujë të pijes për Komunat: Mitrovicë e Jugut, Skenderaj, Mitrovicë e Veriut dhe Zveçan.
Si rezultat i kësaj, KRU “Mitrovica” ka rekomanduar qytetarët që ujin që vjen nga Impianti i Ujit në Shipol ta lënë të rrjedhë për disa çaste derisa të kthjellet.
“Duke pasur parashysh se me rastin e ndërprerjes së ujit, gypat e ujit mbesin pa ujë dhe me rikthimin e ujit, uji mund të vie ngapak i trubullt, prandaj rekomandojmë që ujin nga rubineta juaj ta lini të rrjedhë disa çaste derisa të kthjellet.” – ka thënë KRU “Mitrovica”, më 17.01.2025.