Ballina

Etiketë: Prizren

  • Prizren – Policia i sekuestron të dyshuarit pushkën e gjuetisë, pasi nuk kishte leje për gjah

    Policia në Prizren i ka sekuestruar pushkën e gjuetisë dhe shtatë fishekë një personi në fshatin Konjush.

    Sipas Policisë, më 14.01.2025, patrulla policore e kishte ndaluar të dyshuarin teksa kishte në krah pushkën e gjuetisë, si dhe me vete qentë e gjahut.

    Policia njofton se i dyshuari kishte leje për armë, por nuk kishte leje për gjah dhe në kohën kur ishte ndaluar nga patrulla policore gjuetia është e ndaluar. 

    “Në konsultim me Prokurorin i dyshuari është liruar në procedurë të rregullt.” – ka njoftuar Policia, më 15.01.2025.

    Rasti është inicuar si gjueti e kundërligjshme.

  • Detaje nga vjedhja e rreth 3 kg ari në një Argjendari në Prizren, dyshohet se u këput kabllo e kamerave të sigurisë

    Rreth 3 kilogramë ari dyshohet se janë vjedhur nga argjendaria “Gold 2000” në Prizren. Pronarët thanë për KALLXO.COM se për vjedhjen kanë kuptuar më 13.01.2024, kur kishin shkuar për ta hapur lokalin.

    “E kemi kuptu të hënën kur kemi shku me e hap lokalin. Dera nuk është dëmtuar, vetëm alarmi. Sasia e arit besohet se është rreth 3 kilogramë.” – thanë pronarët e kësaj Argjendarie për KALLXO.com, më 14.01.2025.

    Teksa zëdhënësi i Policisë së Kosovës për rajonin e Prizrenit, Vesel Gashi ka deklaruar se nga hetimet e para del se personi i panjohur ka arritur të depërtojë në lokal, pa e dëmtuar derën e hyrjes. Po ashtu, ai ka shtuar se i dyshuari ka dëmtuar një kabllo, e cila ka ndërprerë kamerat e sigurisë dhe më pas ka kryer grabitjen.

    “Dhe nga seti ka arritur të tërheqë gjësende të arit dhe argjendit, ku sipas pronarit besohet se është tërhequr një vlerë e konsideruar e gjësendeve.” – theksoi Vesel Gashi për KALLXO.com.

    Vjedhjen e Argjendarisë në rrugën “Adem Jashari” në Prizren, Policia e Kosovës e ka evidentuar edhe në Raportin 24-orësh, si “vjedhje e rëndë”.

    “Ankuesi mashkull kosovar ka raportuar se persona të panjohur në lokalin e tij kanë vjedhur stoli ari dhe argjendi. Lidhur me rastin është informuar edhe Prokurori, ndërsa njësitet policore kanë dalë në vendin e ngjarjes dhe janë duke hetuar rastin.” – thuhet në Raportin policor të datës 14.01.2025.

     

  • Fillojnë kërkimet në lumin “Drini i Bardhë” për një person të zhdukur

    Policia e Kosovës ka njoftuar se kanë nis kërkimet për një person i cili ishte raportuar si i zhdukur.

    Sipas njoftimit, kërkimet kanë nisur në lumin “Drini I bardhë”  duke filluar në afërsi të “Urës së shenjt” .

    “Sot  me datë 11.01.2025,rreth orës 11:00 kanë filluar kërkimet për personin Arban Hisari, 26 vjeç, nga Prizreni i raportuar si i zhdukur me datën 24 dhjetor 2024. Në operacionin e kërkimit përveç sektorit Rajonal të Hetimeve të Prizrenit dhe patrullave Policore ngaj Gjakova,  me kërkesë të policisë  merr pjesë e FSK me ekipin e Kërkim Shpëtimit” – ka thënë Shaqir Bytyqi nga Policia e Kosovës në rajonin e Prizrenit.

    https://kallxo.com/lajm/prizren-zhduket-26-vjecari-arban-hisari-policia-kerkon-bashkepunimin-e-qytetareve-per-gjetjen-e-tij/

  • Punime në rrjet, KEDS tregon se ku do të ketë ndërprerje të rrymës të shtunën

    Kompania për Distribuimin e Energjisë Elektrike në Kosovë (KEDS) njofton se më 11.01.2025 do të kryhen punime të domosdoshme për siguri të sistemit energjetik.

    Si rezultat i kësaj, në disa lokalitete do të ketë ndërprerje të rrymës.

    Ky është orari sipas rajoneve:

    Prishtinë

    Punime të domosdoshme për siguri të sistemit

    1.

    Nga TS 220/10kV Drenasi do të ndërprehet:

    LP 10kV J03 Baicë (kodi: 16100008) nga ora 10:00 deri 10:30 dhe nga ora 14:30 deri 15:00

    Vendet: Baincë, Abri, Tërdevc dhe Damanek.

    Arsyeja: Krijimi i kushteve të punës pa tension, largimi i urave të tensionit të mesëm.

    2.

    Nga TS 220/10kV Drenasi do të ndërprehen:

    1.TS 10/0.4 kV Damanek trafa e vjetër (kodi: 16100004026) nga ora 10:00 deri 15:00

    2.TS 10/0.4 kV Damanek te Behrollët (kodi: 16100004028) nga ora 10:00 deri 15:00

    Vendet: Damanek – trafoja e vjetër, Damanek Behrollët.

    Arsyeja: Ndërprerje për siguri-  ndërrimi i një shtylle 12/1000 të aksidentuar në Damanek.

    3.

    Nga TS 110/10 kV Prishtina 7 do të ndërprehet:

    Dalja 20 kV J34 Llapnasellë (kodi: 19000086) nga ora 09:00 deri 12:00

    Vendet: Llapnasellë, një pjesë e Çagllavicës dhe një pjesë e Graçanicës.

    Arsyeja: Ndërprerje për siguri, ndërrimi i shkarkuesve në largpërçues.

    Prizren

    Punime në projekte investive

    1.

    TS 110/35/10 kV Theranda

    Nga TS 10/04[kV] Isuf Bexhet Hajdaraj-B. I ne kthinën dalese do te nderprehet:

    TS 10/0.4 kV Laxhja Kelmendi-Kuqi (kodi:32000005017) nga ora 09:00 deri 13:00

    Vendet: lagjja Kelmendi-Kuqi.

    Arsyeja: Ngritja e shtyllës së re nën tension.

    * * *

    Punime nga pala e tretë

    1.

    Nga TS 110/10kV Prizreni 3 do të ndërprehet:

    Dalja 10kV J10 Korisha (kodi: 31000010) nga ora 10:00 deri 14:00

    Vendet: Lubizhda I, Lubizhda II, Lubizhda III, Gani Zekaj, Lagjja Ahmetaj, Kamila, Bosch, Eda dhe Grupi i Bizneseve.

    Arsyeja: Për realizimin e punimeve, sipas pëlqimit elektro-energjetik dhe projektit të aprovuar.

    Ferizaj

    Punime të domosdoshme për siguri të sistemit

    1.

    Nga TS 35/10 KV Shtime do të ndërprehet:

    Dalja 10kV J03 Shtime (kodi: 41046003) nga ora 10:00 deri 12:00

    Vendet: Shtimja, Lagjja e Pajtimit dhe Godanci i Ulët.

    Arsyeja: Ndërprerje për shkaqe sigurie, hapja e vrimës ngritja e shtyllës 12/315 dhe bartja e rrjetit-tensionit të mesëm sipas projektit- shkarkimi i daljeve 0.4kV-TS Jetë Hasani-Shtime.

    Gjilan

    Punime nga pala e tretë

    1.

    TS 35/10 kV Gjilani II do të ndërprehet:

    Dalja 10 kV J13 Morava e Binçës (kodi: 60061013) nga ora 10:00 deri 14:00

    Vendet: Stanishor, Kosmata, Strazha, Riza Beton, Baza e Asfaltit, Fitorja SH.P. K, Gurëthyesit në Strazhë dhe Luli Comerc.

    Arsyeja: Punime sipas pëlqimit elektro-enegjetik dhe projektit të aprovuar, vendosja e shtyllës së re te betonit dhe bartja e përçuesve në shtyllë.

  • Qytetari në Prizren raporton se iu vodh kuleta

    Një person ka raportuar tek organet e rendit për një grabitje në Prizren.

    Sipas Raportit policor, më 07.01.2025, rreth orës 18:15 disa persona i kanë grabitur kuletën një burri.

    Personat e dyshuar pas kryerjes së veprës janë larguar në drejtim të panjohur.

    Rasti, siç njofton Policia, është në procedurë hetimore.