Ballina

Etiketë: pritje ne kufi

  • Vazhdojnë kolonat në pikën kufitare në Merdarë, mbi 3 orë e gjysmë pritjet për të dalë nga Kosova

    Në pikën kufitare në Merdarë janë duke vazhduar kolonat dhe pritjet e gjata për të dalë nga Kosova.

    Sipas Qendrës Kombëtare për Menaxhim Kufitar, aktualisht pritjet për të dalë nga Kosova nga Merdara janë nga 200 deri në 220 minuta. Kolona, sipas këtyre të dhënave, është rreth 3 kilometra e gjatë.

    Kurse në pikën kufitare te Dheu i Bardhë, pritjet janë rreth 180 minuta dhe kolona është e gjatë rreth 1 kilometër. Në Jarinje pritjet janë deri në 60 minuta, kurse në Mutivodë deri në 150 minuta.

    Për shkak të kolonave dhe pritjeve të gjata në dalje të pikës kufitare në Merdarë, dje me 04.01.2025 Policia e Kosovës ka inkurajuar qytetarët që të përdorin edhe pikat e tjera kufitare për qarkullim.

    Në kohë reale gjatësinë e kolonave dhe orët e pritjes mund t’i përcillni KËTU.

    https://kallxo.com/lajm/pritjet-e-gjata-ne-merdare-policia-ben-thirrje-qe-te-shfrytezohen-pikat-e-tjera-kufitare-per-te-dale-nga-kosova/

  • Deri në 6 orë pritjet në pikën kufitare në Merdarë 

    Në pikën kufitare në Merdarë, qytetarët po vazhdojnë të përballen me kolona të gjata të pritjeve për të dalë nga Kosova. 

    Qendra Kombëtare për Menaxhim Kufitar, njofton se në Merdarë pritjet janë deri në 6 orë. 

    Po ashtu tek Dheu i Bardhë, pritjet po shënohen deri në 30 minuta për të dalë nga vendi. 

    Ndërsa, tek pikat kufitare në Bërnjak dhe Jarinjë pritjet janë deri në 10 minuta.

    Edhe pikat e tjera kufitare, aktualisht nuk karakterizohen me pritje të gjata, mesatarisht prej 3 deri në 10 minuta. 

    Tutje, për shkak të kolonave dhe pritjeve të gjata në dalje të pikës kufitare në Merdarë, Policia e Kosovës ka inkurajuar qytetarët që të përdorin edhe pikat e tjera kufitare për qarkullim. 

    https://kallxo.com/lajm/pritjet-e-gjata-ne-merdare-policia-ben-thirrje-qe-te-shfrytezohen-pikat-e-tjera-kufitare-per-te-dale-nga-kosova/

    Në kohë reale gjatësinë e kolonave dhe orët e pritjes mund t’i përcillni KËTU.

  • Pritjet e gjata në Merdarë, Policia bën thirrje që të shfrytëzohen pikat e tjera kufitare për të dalë nga Kosova 

    Për shkak të kolonave dhe pritjeve të gjata në dalje të pikës kufitare në Merdarë, Policia e Kosovës ka inkurajuar qytetarët që të përdorin edhe pikat e tjera kufitare për qarkullim. 

    Ata kanë kërkuar që për çdo informatë shtesë qytetarët të kontaktojnë në numrat e telefonit në QKMK 045198000, 045198606 dhe pa pagesë 080050095 ose duke klikuar në  në këtë link https://mpb.rks-gov.net/.

    Ndërkaq, KALLXO.com ka raportuar se pritje të gjata për të dalë nga Kosova janë regjistruar edhe sot më 04.01.2025, në pikat kufitare të Kosovës.

    Në bazë të të dhënave të Qendrës Kombëtare për Menaxhim Kufitar, në Merdarë pritjet janë deri në pesë orë për të dalë nga Kosova. 

    Në pikat kufitare te Dheu i Bardhë dhe në Muçibabë janë rreth 2 orë.

    Ndërkaq, në bazë të të dhënave të përditësuara më 04.01.2025, në orën 17:10, në Jarinjë pritjet për të dalë nga vendi janë deri në 50 minuta kurse në Mutivodë deri në një orë. Në Bërnjak, të dhënat tregojnë se pritjet janë të gjata deri në gjysmë ore. Ndërsa, në pikat tjera kufitare të vendit si në Glloboqicë, Hani të Elezit, Kullë, Qafë e Morinës, Qafë e Prushit, Staniq e Vërmicë, pritjet raportohen të jenë jo më të gjata se 5 minuta. 

    Në kohë reale gjatësinë e kolonave dhe orët e pritjes mund t’i përcillni KËTU.

  • Merdarë, shkon deri në katër orë pritja për të dalë nga Kosova

    Pikëkalimi kufitar në Merdarë vazhdon të kryesojë me kolona deri në katër orë pritje për të dalur nga Kosova, sipas të dhënave të përditësuara nga Qendra Kombëtare për Menaxhim Kufitar (QKMK) më 03.01.2025.

    Ka disa minuta që QKMK i ka përditësuar të dhënat dhe në Merdarë janë regjistruar kolona pothuajse 2 kilometra apo deri në 4 orë pritje për dalje nga Kosova.

    Pas Merdares, në pikat e kalimit kufitar – Dheu i Bardhë e Muçibabë ka kolonë deri në 200 metra apo deri në gjysmë orë për të dalur nga Kosova.

    Foto: QKMK/MBP, 03.01.2025

    Në pikat tjera të kalimit kufitar nuk janë shkaktuar kolona dhe kohëzgjatja për hyrje e dalje nga Kosova është deri në 10 minuta.

    Në përditësimin e QKMK-së të orës 17:10 për fluksin në PKK, KALLXO.com raportoi se në Merdarë ishin shkaktuar kolona deri në 1000 metra apo rreth tri orë pritje për të dalur nga Kosova. Pas Merdares, në Jarinjë rreth një orë e gjysmë kishte pasur pritje për të dalur nga Kosova.

    Pritjet në pikat kufitare mund t’i shikoni në kohë reale KËTU.