Ballina

Etiketë: Policia e Kosoves

  • Policia në disa raste sekuestron qindra pako me cigare në Aeroportin e Prishtinës

    Policia e Kosovës ka bërë të ditur se në disa raste, gjatë muajve dhjetor 2024 dhe janar 2025, ka sekuestruar qindra pako me cigare në Aeroportin Ndërkombëtar të Prishtinës.

    Sipas njoftimit, pakot me cigare kanë qenë të destinuara kryesisht në Mbretërinë e Bashkuar.

    “Në rastin e fundit të ndodhur më 11 janar 2025 është parandaluar kontrabandimi i 41 pakove – shtekave me cigare, të cilat i dyshuari mashkull shtetas bullgar ka tentuar t’i kontrabandojë përmes Kosovës në Londër, pasi destinimi i tij ishte për në këtë qytet.” – thuhet në njoftim.

    Sipas Policisë, në katër rastet në total, janë sekuestruar mbi 340 pako me cigare të llojeve të ndryshme.

    “Policia e Kosovës, së bashku me institucionet kompetente, njofton opinionin dhe qytetarët se ka rritur angazhimet dhe prezencën e saj në kontrollet e pasagjerëve, te të cilët ka dyshime për kontrabanda të tilla.” – thuhet në fund të njoftimit të Policisë së Kosovës.

  • IPK nis grumbullimin e informacioneve për pretendimet për keqtrajtim gjatë dy rasteve të arrestimeve në Veri

    Inspektorati Policor i Kosovës ka nisur procesin e grumbullimit të informacioneve dhe hetimit preliminar për pretendimet se një qytetari të keqtrajtuar gjatë arrestimit në Leposaviq, më 12.01.2025.

    IPK ka njoftuar se do të verifikojë rrethanat e arrestimit edhe të një qytetari tjetër në Mitrovicë dhe pretendimet për keqtrajtim.

    “Hetuesit e Inspektoratit Policor të Kosovës (IPK) do të verifikojnë rrethanat e arrestimit dhe pretendimet për keqtrajtim nga Policia në Mitrovicën e Veriut, lidhur me një incident që raportohet të ketë ndodhur në mbrëmjen e 12 janarit 2025 dhe pretendimet për keqtrajtim gjatë ndërmarrjes së veprimeve policore, në një rast tjetër të një arrestimi në Soqanicë të Leposaviqit.” – thuhet në njoftim.

    Politikani serb i Kosovës, Aleksandër Arsenijeviq, lider i partisë Demokracia Serbe, është arrestuar e më pas është liruar nga Policia e Kosovës, më 12.01.2024.

    Arsenijeviqit i është shqiptuar tiketë për moszbatim të urdhërit policor.

    Po ashtu, Arsenijeviq në një postim gjatë ditës së djeshme në rrjetin social Facebook ka pretenduar se një qytetar serb është lënduar fizikisht nga Policia e Kosovës në Leposaviq.

    Ai ka kërkuar hetim dhe transparencë të plotë në lidhje me rastin.

    “Kërkojmë nga institucionet relevante, sidomos Eulex, që urgjentisht të reagojnë, të kryejnë hetim të paanshëm, të ofrojnë ndihmë adekuate mjekësore për Vladimir Djordjeviq dhe të mundësohet transparencë e plotë në këtë rast. Gjithashtu, apelojmë te përgjegjësit që të parandalojnë fshehjen e fakteve dhe të sigurojnë drejtësi për të gjithë qytetarët që janë ekspozuar ndaj veprimeve të tilla.” – ka shkruar ai në Facebook

    https://kallxo.com/lajm/policia-speciale-ne-sheshin-e-mitrovices-se-veriut-arsenijeviq-proteston/

    https://kallxo.com/lajm/arrestohet-e-me-pas-lirohet-arsenijeviqit-i-shqiptohet-tikete-per-moszbatim-te-urdhrit-policor/

  • Policia Speciale në sheshin e Mitrovicës së Veriut, Arsenijeviq proteston

    Politikani serb i Kosovës, Aleksandar Arsenijeviq, lider i partisë Demokracia Serbe është parë duke protestuar në Mitrovicën e Veriut më 12.01.2025.

    Protesta është mbajtur si shprehje e revoltës pas pretendimeve se një qytetar serb gjatë arrestimit u keqtrajtua nga pjestarë të Policisë së Kosovës.

    KALLXO.com po qëndron në qendër të Mitrovicës së Veriut dhe sjell pamjet nga vendi i ngjarjes ku ndodhej Policia Speciale.

    Lidhur me këtë çështje, KALLXO.com ka dërguar pyetje edhe në Policinë e Kosovës por deri në publikimin e këtij artikulli nuk ka pranuar ndonjë përgjigje.

    Arsenijeviq në një postim gjatë ditës në rrjetin social Facebook ka pretenduar se një qytetar serb është lënduar fizikisht nga Policia e Kosovës në Leposaviq.

    Ai ka kërkuar hetim dhe transparencë të plotë në lidhje me rastin.

    “Kërkojmë nga institucionet relevante, sidomos Eulex, që urgjentisht të reagojnë, të kryejnë hetim të paanshëm, të ofrojnë ndihmë adekuate mjekësore për Vladimir Djordjeviq dhe të mundësohet transparencë e plotë në këtë rast. Gjithashtu apelojmë tek përgjegjësit që të parandalojnë fshehjen e fakteve dhe të sigurojnë drejtësi për të gjithë qytetarët që janë ekspozuar ndaj veprimeve të tilla”- ka shkruar ai në Facebook.

    Ndaj këtyre pretendimeve ka reaguar Shefi i EULEX-it, Giovanni Pietro Barbano i cili është shprehur i shqetësuar me rastin.

    “Thellësisht i shqetësuar nga raportet shqetësuese në lidhje me keqtrajtimin e supozuar të një personi të arrestuar në Soqanicë. Edhe pse EULEX-i nuk është më i mandatuar për të kryer hetime, ne jemi të përkushtuar për rolin tonë të fuqishëm monitorues, duke bërë çdo përpjekje për të hedhur dritë mbi rastin”- ka thënë ai.

  • Policia shqipton gjoba ndaj dy shoferëve në Ferizaj, thyen rregullat e trafikut – FOTO

    Policia e Kosovës ka shqiptuar gjoba ndaj dy shoferëve në Ferizaj pasi të njëjtit në dy raste të ndryshme kishin thyer rregullat e trafikut.

    A.V., 74 vjeç është gjobitur nga Policia me 100 euro pasi kishte bërë kthim gjysmërrethi në rrugën ” Ahmet Kaçiku” në Ferizaj.

    Një njoftimin e organeve të rendit thuhet se kjo kundërvajtje ishte xhiruar me telefon nga një qytetar dhe kishte qarkulluar në rrjete sociale.

    Në rastin tjetër Policia i ka shqiptuar gjobë kundërvajtëse prej 150 euro dhe një pikë negative shoferit, L.M 27 vjeç pasi kishte bërë rrëshqitjen e gomave gjatë lëvizjes duke rrezikuar pjesëmarrësit e tjerë në trafik.

    Edhe kjo kundërvajtje ishte xhiruar me telefon nga një qytetar dhe i ishte dërguar Policisë së Kosovës.

    Policia e Kosovës ka inkurajuar qytetarët që të bashkëpunojnë me ta në identifikimin e kundërvajtjeve në komunikacionin rrugor.

  • Arrestohen dy të dyshuar për marihuanë në Lipjan

    Policia ka njoftuar se janë arrestuar dy  te dyshuar pasi gjatë kontrollit te njëri i dyshuar janë gjetur dhe konfiskuar dhjetë qese te vogla me marihuanë të përgatitura për shitje.

    Rasti ka ndodhur në Lipjan më 11.01.2025 rreth orës 20:00.

    Sipas raportit policor, është bastisur edhe shtëpia e të dyshuarit të dytë pasi dyshohet se i njëjti e kishte angazhuar të dyshuarin e lartcekur për shitjen e narkotikëve.

    Pas përfundimit te intervistimit me vendim të prokurorit kujdestar, të dyshuarit janë dërguar në mbajtje për 48 orë.