Ballina

Etiketë: Policia

  • Digjet Fabrika e Plastikës në Rahovec – dyshohet për zjarrëvënie

    Një Fabrikë e Plastikës në Fortesë (Bellacerkë) të Rahovecit është përfshirë nga zjarri në orët e para të mëngjesit të sotëm, më 21.01.2025.

    Aktualisht, zjarrfikësit janë duke u angazhuar për shuarjen e zjarrit, teksa nuk raportohet për të lënduar.

    Policia Rajonale e Gjakovës konfirmoi për KALLXO.com se zjarri është iniciuar si “zjarrëvënie”.

    “Rreth orës 05:50 të mëngjesit, një zjarr ka përfshirë një Fabrikë për Produkte plastike në fshatin Bellacerkë-Rahovec. Njësitë policore përkatëse kanë dalë menjëherë në vendngjarje. Po ashtu, në vendin e ngjarjes kanë dalë edhe ekipet e zjarrfikësve, të cilët janë aktualisht të angazhuar në shuarjen e zjarrit. Nuk është raportuar për pasoja në njerëz. Në konsultim me Prokurorin e Shtetit është iniciuar rasti, si: ‘zjarrëvënie’.” – tha Sheremet Elezaj, nga Policia e Gjakovës.

    Sipas Policisë, zjarri është lokalizuar.

  • Fushë Kosovë dhe Suharekë – Policia po i heton dy raste te vdekjeve

    Policia e Kosovës është duke i hetuar dy raste të vdekjeve, të cilat kanë ndodhur në 24 orët e fundit.

    Në Fushë Kosovë, viktima një shtetas i Kosovës u gjet pa shenja jete në banesën e tij.

    “Është raportuar se është gjetur pa shenja jete në banesën e tij viktima mashkull kosovar, vdekjen e të cilit e ka konstatuar mjeku kujdestar. Me vendim të Prokurorit, trupi i pajetë është dërguar në IML për obduksion.” – njoftoi Policia.

    Vdekja tjetër, e cila ka ndodhur në Suharekë, është duke u hetuar nga Policia.

    “Në vendin e ngjarjes kanë dalë Njësitet relevante, ku mjeku kujdestar ka konstatuar vdekjen e viktimës. Me vendim të Prokurorit, trupi i pajetë është dërguar në IML për obduksion.” – bëri të ditur Policia në Raportin 24-orësh.

  • Dy të arrestuar e një në kërkim për dhunë në familje

    Katër raste të dhunës në familje janë raportuar në 24 orët e fundit, teksa dy persona janë arrestuar dhe një tjetër është në kërkim nga Policia.

    Rastet e dhunës janë raportuar, më 20.01.2025, në Prishtinë, Malishevë, Pejë dhe Rahovec.

    Në Kryeqytet raportohet se pas një mosmarrëveshjeje dy të dyshuar: një femër dhe mashkull e kanë sulmuar fizikisht një mashkull tjetër.

    “Lidhur me rastin e dyshuara është arrestuar dhe dërguar në mbajtje, ndërsa i dyshuari ndodhet në kërkim policor.” – njoftoi Policia.

    Kurse në Pejë, një femër është sulmuar fizikisht nga një mashkull, teksa viktima ka pranuar tretman mjekësor. Policia bëri të ditur se rasti është në procedurë hetimore.

    Ndërkaq, në Malishevë personi i arrestuar pas intervistimit, me vendim të Prokurorit, u lirua me procedurë të rregullt. Sipas Policisë, i njëjti dyshohet se e ka sulmuar fizikisht një femër.

    Në Rahovec, personi i arrestuar për “dhunë në familje”, me vendim të Prokurorit, është dërguar në mbajtje.

  • Sfidat për sigurinë – temë e takimit të Drejtorit të Policisë në Pejë me komandantin e KFOR-it, Rocco

    Drejtori Rajonal i Policisë së Kosovës në Pejë, Kolonel Shaban Shala ka pritur nё njё takim lamtumirës, Komandantin e KFOR-it, Komanda perëndimore Kolonel Mundo Rocco.

    Gjatë takimit të hënën, më 20.01.2025, Shala e falënderoi Komandën perëndimore pёr bashkëpunimin që kishte me Policinë e Kosovës.

    Në takim u diskutua lidhur me çështjet e sigurisë së përgjithshme në Rajonin e Pejës, sfidat dhe planifikimet për të ardhmen që ndërlidhen me çështjet e sigurisë – njoftoi Policia në Pejë.

    “Gjatë këtij takimi u evidentuan marrëdhëniet e mira të bashkëpunimit ndërmjet Drejtorisë Rajonale të Policisë në Pejё dhe KFOR-it, si dhe u theksua rëndësia e forcimit dhe vazhdimit të mëtejmë të këtij bashkëpunimi.” – theksohet më tej në komunikatë.

  • Vjedhje e veturave e marketeve – Gjashtë të arrestuar në 24 orët e fundit në disa qytete

    Gjashtë persona janë arrestuar në 24 orët e fundit, nën dyshime për vjedhje në disa qytete të Kosovës.

    Në Leposaviq janë arrestuar dy persona, pasi dyshohet se kanë vjedhur një veturë.

    “Janë arrestuar dy të dyshuar meshkuj kosovarë, pasi që të njëjtit dyshohet se kanë vjedhur një veturë me targa të Serbisë, e cila ishte pronë e ankuesit mashkull kosovar. Me vendim të Prokurorit, pas intervistimit të të dyshuarit janë dërguar në mbajtje.” – theksoi Policia.

    Kurse, në Fushë Kosovë, sipas Policisë, i arrestuari dyshohet se ka kryer disa rasteve të vjedhjeve – përfshirë vjedhje të rënda.

    “Me dyshimin e bazuar për kryrjen e disa rasteve të vjedhjeve dhe vjedhjeve të rënda është arrestuar i dyshuari mashkull shqiptar – shtetas i Maqedonisë së Veriut. Pas intervistimit, me vendim të Prokurorit, i dyshuari është dërguar në mbajtje.” – bëri të ditur Policia e Kosovës.

    Ndërkaq, në Prishtinë, cak i vjedhjeve ishin disa dyqane. Dy persona janë arrestuar, meqë dyshohet e kanë vjedhur në një market.

    Sipas Policisë, gjësendet e vjedhura janë gjetur dhe i janë kthyer pronarit, ndërsa të dyshuarit pas intervistimit, me vendim të Prokurorit, janë dërguar në mbajtje.

    Për vjedhje në një market, në Prishtinë u arrestua gjithashtu edhe një shtetase e Maqedonisë së Veriut, për shkak se e njëjta dyshohet të ketë kryer vjedhje në dyqanin e ankuesit kosovar.