Policia njofton se dje, më 20.02.2025, në Prizren, është raportuar se nga një predhë (plumb qorr) është dëmtuar xhami i dritares së një objekti.
Sipas Policisë, i dyshuari për këtë rast është një burrë – shtetas i Shqipërisë.
Në konsultim me Prokurorin, rasti ka shkuar në procedurë të rregullt – njofton Policia, sot, më 21.02.2025.
Policia ka arrestuar një person të dyshuar për posedim të narkotikëve në rrugën “Qesk Zadeja”, në Prizren, dje, më 20.01.2025.
Sipas Policisë, të dyshuarit fillimisht në veturën e tij i është gjetur një sasi e dyshuar narkotike e llojit marihuanë.
Më pas, Policia bën të ditur se në shtëpinë e tij janë gjetur dhe konfiskuar edhe 36.68 gramë substancë narkotike e llojit marihuanë, 0.09 gramë kokainë, 1 peshore, 1 veturë, 1 telefon mobil dhe 1 mijë e 215 euro para të gatshme.
“Me urdhër të Prokurorit, i dyshuari dërgohet në mbajtje.” – njofton Policia, sot, më 21.01.2025.
Policia e Kosovës njofton se ka arrestuar dy persona për dhënie dhe marrje të ryshfetit, në Mitrovicë, të enjten, më 15.01.2025.
Sipas Policisë, dyshohet se njëri prej të arrestuarve, në cilësinë e instruktorit të vozitjes në një Autoshkollë private, ka pranuar nga i dyshuari tjetër para, me qëllim të lehtësimit të procedurës për kalimin e testit me shkrim për kategorinë B të vozitjes.
Ndërkaq, Policia thotë se në cilësi të provave materiale janë sekuestruar 600 euro, para të gatshme dhe dy telefona celularë.
“Me urdhër të Prokurorit, të dyshuarit pas intervistimit janë dërguar në mbajtje.” – njofton Policia, më 16.01.2025.
Një burrë ka raportuar në Policinë e Kosovës se vajza e tij është zhdukur.
Sipas Policisë, prindi i viktimës ka njoftuar se vajza e tij nga data 13.01.2025 është larguar nga shtëpia dhe se nuk dihet më për vendodhjen e saj.
Rasti raportohet të ketë ndodhur në rrugën “Xhelal Hajda”, në Rahovec.
Policia e Kosovës po kërkon ndihmën e qytetarëve, për gjetjen dhe arrestimin e një personi të dyshuar.
Sipas Policisë, i dyshuari kërkohet për veprën penale: “ngacmim dhe asgjësim apo dëmtim i pasurisë”.
Duke publikuar fotografinë e tij, Njësiti i Hetimeve të Stacionit Policor – Qendra në Prishtinë bëjnë thirrje, që kushdo që mund ta ketë parë të telefonojë Policinë.
“Të nderuar, për çdo informatë që mund të çojë në identifikimin e të dyshuarit apo vendodhjes së tij, kontaktoni Policinë në numrin e telefonit: 192.” – thuhet në njoftimin e datës 16.01.2025.