Ballina

Etiketë: pdk

  • Partitë që u gjobitën mijëra euro pas ankesave të LVV-së në PZAP 

    Paneli Zgjedhor për Ankesa dhe Prapashtesa (PZAP) ka arsyetuar vendimet për gjobitjen e disa prej subjekteve poltike, pas ankesave së Lëvizjes Vetëvendosje. 

    Siç njofton PZAP, Lëvizja Vetëvendosje, ka paraqitur ankesë ndaj Partisë Demokratike të Kosovës, pasi e njëjta thuhet se kishte pretenduar se kryetari Komunës së Skenderajt, Fadil Nura, gjatë ushtrimit të pozitës së tij zyrtare dhe orarit të punës, ka shfrytëzuar institucionin publik, Komunën e Skënderajt që t’i promovonte kandidatët e subjektit të tij politik duke postuar disa fotografi me ta në profilin e tij në Facebook. 

    Përveç kësaj, PZAP thotë se në ankesën e parashtruar, Nura ka përdorur zyrën e tij për ndikim te votuesit me qëllim përfitimin e votave. 

    Ndërkaq, në arsyetimin e vendimit të datës 23.01.2025, PZAP thekson se nga provat materiale, ankesa e LVV-së ka qenë e bazuar duke shtuar se personi që mbanë pozitë publike, i zgjedhur apo i caktuar, nuk mund të përdorë atë zyrë apo ndonjë nga pasuritë e tij, me qëllim përfitimin e votave. 

    Në bazë të vendimit të datës 23.01.2025, PDK ishte gjobitur nga PZAP me 4 mijë e 500 euro gjobë. 

    PZAP ka arsyetuar edhe vendmin për dënimin e 12 mijë euro gjobë ndaj LDK-së, pas snkesës së parashtruar nga subjekti tjetër politik, Lëvizja Vetëvendosje. 

    Për këtë, PZAP thotë se ka pranuar ankesë nga radhët e kësaj partie se anëtarë të LDK-së kanë vendosur banerë/posterë në Rrugën ‘C’ në Prishtinë nga kandidati për kryeministër, Lumir Abdixhiku dhe nga kandidatë të tjerë për deputetë të kësaj partie si, Izet Sadiku dhe Fiknete Bejta , duke shfrytëzuar jashtëligjshëm hapësirat në stacionet e destinuara për pritjen e autobusëve dhe në hapësira të tjera publike. 

    Në arsyetimin e tyre thuhet se paneli ka vlerësur se vendosja e posterëve nga subjekti politik LDK, respektivisht nga kanditatët e këtij subjekti në hapësiart publike, në mungesë të lejes përkatëse të lëshuar nga Komuna e Prishtinës, i konsideron shkelje. 

    Në një rast tjetër, LVV që ishte ankuar ndaj subjektit politik të LDK-së, ishte për  vendosjen e banerëve të LDK-së që kishin të bëbin me fushatën zgjedhre në shtyllat elekkrtike dhe ndiçues të rrugës në Istog. 

    Për këtë veprim, LDK ishte dënuar me 9 mijë euro gjobë nga PZAP. 

    Ndërkaq, në arsyetimin e këtij vendimi thuhet se paneli ka vlerësuar pretendimet e VV-së si të qëndruseshme  dhe se i ka prnuar si të tilla. 

    Lëvizja Vetëvendosje ishte ankuar edhe në një rast tjetër ndaj Partisë Demokratike të Kosovës, ku aktivistë të VV-së, thuhet se kanë vërejtur se në rrugën “Nënë Tereza”, disa kandidatë për deputetë nga PDK, poashtu kanë shfrytëzuar hapësiart për pritjen e autobusëve për vendosjen e banerëve/posterëve. 

    Edhe për këtë rast, PZAP thotë se ka gjetur shkelje duke marrë parasysh se sipas tyre, nga PDK- nuk kanë marrë leje nga Komuna e Prishtnës për vendosjen e këtyre banerëve, me ç’rast kanë shkelur ligjin. 

    Për këtë, PDK ishte gjobitur nga PZAP me 10 mijë e 500 euro. 

    PDK është dënuar nga PZAP edhe në një rast tjetër me 4 mijë e 500 euro gjobë. 

    Kjo pasiqë, LVV e seli në Prishtinë ishte ankuar në PZAP pasi sipas tyre, shefi i kabinetit të Kryetarit të Komunës së Vushtrrisë, Bujar Shartolli, ka postuar fotografi në llogarinë e tij në Facebook,  me Drejtorin për Inspektime, Besim Demiraj dhe me Drejtorin e Arsimit, Albanez Tahiraj, në hapësirat e brendshme të Komunës së Vushtrrisë me qëllim përfitimin e votave për subjektin e tyre, PDK-në. 

    Për këtë, PZAP thotë se pretendimet në ankesë janë të qëndrueshme dhe se si të tilla janë pranuar si shkelje. 

    Lëvizja Vetëvebdosje ishte ankuar edhe ndaj subjektit tjetër poltik, Aleancës për Ardhmërine e Kosovës (AAK), me ç’rast kjo e fundit ishte dënuar nga PZAP me 10 mijë euro gjobë. 

    Sipas ankesës, LVV kishe pretenduar se Qendra e Lëvizjes Vetëvendisje në Istog, ka identifikaur banerin/posterin e vendosur kundërligjshëm në rrugët publike ‘Rinia’ në Istog të kandidatit për deputetë të AAK-së, Ukë Balaj. 

    Për këtë dënim me gjobë, PZAP është arsyetuar se vendosja e emrave të tyre, njoftimeve, pllakateve dhe posterëve në lidhje me fushatë zgjedhore brenda dhe jashtë ndërtesave publike, pa lejen e shfrytëzuesve është shkelje. 

      

  • Hamza: Shtimja është nyje që lidh qytetet e Kosovës, por edhe Kosovën me historinë tonë

    Kandidati i PDK-së për kryeministër, Bedri Hamza, më 23.01.2025, ka vazhduar fushatën e tij elektorale për zgjedhjet që priten të mbahen më 09.02.2025 në Shtime.

    Hamza ka premtuar se në ditën e parë si kryeministër do t’i fillojë ndryshimet e nevojshme për realizimin e rritjes 50 për qind të pagave dhe 70 për qind të pensioneve bazike.

    Sipas tij, Shtimja është nyje që lidh qytetet e Kosovës, por edhe Kosovën me historinë tonë.

    Hamza ka njoftuar se në këtë takim është shoqëruar nga ambasadori William Walker.

    “Çfarë pritje masive, çfarë nderi të takoj qytetarët e Shtimes në tubimin e sotëm, ku më shoqëroi edhe ambasadori William Walker. Ky është qytet i ndërmarrësve të suksesshëm, qytet i dëshmorëve të UÇK-së dhe martirëve të luftës. Shtimja është nyje që lidhë qytetet e Kosovës, por edhe Kosovën me historinë tonë. Mikun e madh të shqiptarëve e falënderova për rolin e madh që ka luajtur për lirinë tonë. Ndërsa, qytetarët e Shtimes, i sigurova se atë që e premtoj, edhe e realizoj”- ka thënë ai.

    Fushata pёr zgjedhjet parlamentare nё Kosovё ka filluar zyrtarisht mё 11.01.2025.

    Për njё muaj, partitë politike pritet të mbajnë tubime elektorale me qytetarët, për të fituar besimin e tyre në garën për zgjedhjet parlamentare të 09.02.2025.

    Për këto zgjedhje janë certifikuar 28 subjekte politike me 1,280 kandidatë.

    Sipas Ligjit, gjatë periudhës së fushatës zgjedhore subjektet politike kanë të drejtë:

    – të organizojnë dhe të mbajnë tubime/ngjarje politike, tryeza të rrumbullakëta, konferenca për shtyp, fjalime, ose ndonjë aktivitet tjetër të ngjashëm, përmes së cilave ata mund t’i shprehin lirisht mendimet e tyre – me qëllim të fitimit të përkrahjes nga votuesit e tyre;

    – të publikojnë dhe të shpërndajnë afishe, reklama dhe material tjetër lidhur me një fushatë zgjedhore; të bëjnë fushatë përmes cilitdo operator televiziv, të radios apo kabllor, gjithashtu edhe përmes revistave, shtypit, rrjetit telefonik, sistemit postar ose çdo lloj mjeti tjetër reklamues – në pajtim me rregullat e KQZ-së dhe ligjet tjera në fuqi.

    Këto do të jenë zgjedhjet e para të rregullta që Kosova mban që nga shpallja e Pavarësisë më 2008.

  • PDK premton investime në transportin hekurudhor, parasheh edhe linja të tramvajit

    Partia Demokratike e Kosovës (PDK) në Programin e saj zgjedhor ka paraparë edhe disa projekte për Rajonin 01 – Prishtinën.

    Ndër projektet e para që është menduar nga kjo parti për qytetarët e Prishtinës është funksionalizimi i transportit rrugor.

    Në kuadër të kësaj parashihet ndërtimi i Unazës së Jashtme të Kryeqytetit, e cila sipas kandidates për deputete Eliza Hoxha ka një kosto prej 400 milionë euro.

    “Funksionalizimi i transportit rrugor brenda qytetit të Prishtinës dhe këtu përfshihet Unaza e Jashtme e Prishtinës, me zotim deri në 400 milionë euro.” – tha Hoxha në “Debat Përnime”, më 22.01.2025.

    Mirëpo, PDK ende nuk e ka ‘formulën’ e gatshme, sesi do t’i gjejnë mjetet.

    Kjo, sipas Hoxhës, mbetet të shihet pasi të “vijnë në pushtet” – nëse do të jetë zgjidhje përmes ndonjë kredie apo bashkërendim të fondeve.

    Investime parashihen të bëhen edhe në infrastrukturën hekurudhore, me fokus të veçantë do të jetë linja që përfshin Prishtinën – duke e lidhur me Aeroportin Ndërkombëtar të Prishtinës, si dhe funksionalizmi i një linje të tramvajit në këtë drejtim.

    “Zona e Regjionit 01, lidhja e Kryeqytetit me Stacionin kryesor të trenit dhe Aeroportin e Prishtinës cili është në Lipjan. Dhe, në këtë drejtim normalisht parashihet edhe linja e tramvajit.” – tha Hoxha.

    Në Programin zgjedhor të PDK-së parashihet që linjat e tramvajit të përfshijnë, jo vetëm zonat e urbane dhe periferike të Prishtinës por, edhe linjat për Fushë-Kosovë, Lipjan dhe Graçanicë.

    Investime u premtuan edhe në Stadiumin Olimpik Kombëtar, në restaurimin e ish-objektit ‘Boro dhe Ramizi’ dhe investime në qendrat kulturore.

    Hoxha përmendi edhe ndërtimin e Memorialit të Gjenocidit, që sipas saj, ende nuk ka një lokacion të caktuar se ku do ndërtohet, por në bashkëpunim me Komunën e Prishtinës do të vendoset.

    Debat Përnime” është format i cili do të transmetohet për një muaj rresht, deri një ditë para Zgjedhjeve parlamentare të 9 shkurtit 2025. Kandidatët për deputetë nga partitë politike garuese, përveç që prezantojnë Programin e tyre, përballen me pyetjet e Jeta Xharrës, kryeredaktorit të KALLXO.com, Kreshnik Gashit dhe Visar Prebrezës nga “Krypometër”.

    Lëvizja Vetëvendosje (LVV) ka zgjedhur që gjatë fushatës për Zgjedhjet e 9 shkurtit të mos marrë pjesë në disa nga mediat në Kosovë. Kjo parti e ka arsyetuar mospjesëmarrjen në emisionet politike të shfaqura në mediume të caktuara, me pretendimin se gjoja ato media janë në pronësi të oligarkëve. RTV Dukagjini është në listën e këtyre mediave të “piketuara” nga LVV, e pikërisht në këtë televizion transmetohet emisioni “Debat Përnime” – prodhim i KALLXO.com.

    Mirëpo, për dallim nga partia në pushtet, partitë e tjera opozitare kanë pranuar të marrin pjesë në këtë Debat dhe t’u përgjigjen pyetjeve të gazetarëve të Kallxo-it.

    Në hapje të Debatit të parë zgjedhor, në kuadër të “Debat Përnime”, Jeta Xharra ka deklaruar se askush në KALLXO.com nuk është pasanik, milioner, e le më oligark.

    “Ne kemi qenë në RTK e na kanë largu prej RTK-së, saktë sepse kemi raportuar qysh oligarkët e kanë zhvat shtetin.” – ka theksuar, ndër të tjera, Xharra.

    E, për kandidatët e LVV-së që kanë refuzuar të marrin pjesë në Debat, ajo e ka dhënë “diagnozën”: Politikus Arrogantis Totalis Mendjemadhijensis!

    Për më shumë, lexoni në linkun në vijim:

    https://kallxo.com/gjate/planet-e-pdk-se-digjitalizim-e-rritje-pagash-ne-shendetesi-dhe-memorial-te-gjenocidit-ne-prishtine/

  • Planet e PDK-së për tkurrjen e listës së pritjes së pacientëve dhe rregullimin e çmimit të barnave

    Lista e gjatë e pritjes për marrjen e shërbimeve mjekësore në Sistemin Publik Shëndetësor është një prej sfidave për qytetarët e Kosovës. Shkaku i pritjeve të gjata, shumë prej tyre detyrohen të zgjedhin një rrugë tjetër për trajtim.

    Kandidati për deputet nga Partia Demokratike e Kosovës (PDK), Pleurat Sejdiu, gjatë emisionit “Debat Përnime”, më 22.01.2025, përmendi faktorët që e bëjnë listën pritjes të gjatë.

    Me këtë rast, ai dha edhe propozimin për zgjidhjen e këtij problemi.

    Sipas tij, investimet në shërbime dhe risistematizimi i forcës së punës ndikojnë në zvogëlimin e kësaj liste.

    “E para, mungesa e stafit të mjaftueshëm të profesionalizuar; e dyta, mungesa e shërbimeve në nivel rajonal dhe konvertimi në Prishtinë; dhe, e treta aparaturat. Një pjesë e shërbimeve që duhet të kryhen në Spitale rajonale, por mungojnë furnizimet bazike të atij Spitali, e bën që të ngarkohen dhe niveli terciar. Kështu, shumica e intervenimeve janë në pritje. Atëherë, ndodh që i jepet prioritet një traume dhe shkaktohen këto pritje.” – tha Sejdiu.

    Ndërsa, Fatbardh Rexha foli edhe për Ligjin e Rregullimit të Çmimit të Barnave.

    “PDK e vlerëson se Kosovës i duhet një Ligj i tillë për Rregullimin e Çmimit të Barnave, megjithatë ai duhet të ketë një qasje më të kujdesshme – duke u siguruar që çmimi i barnave të jetë koherent në raport me çmimet e tregut në Kosovë.” – ka thënë Rexha.

    Ndër të tjera, ai tha se tregu i barnave farmaceutike duhet të ketë një qasje liberale dhe të rregullohet konform tregut të Kosovës, e jo të merren si referencë vendet e tjera.

    “Debat Përnime” është format i cili do të transmetohet për një muaj rresht deri një ditë para Zgjedhjeve parlamentare të 9 shkurtit 2025. Kandidatët për deputetë nga partitë politike garuese, përveç që prezantojnë Programin e tyre, përballen me pyetjet e Jeta Xharrës, kryeredaktorit të KALLXO.com, Kreshnik Gashit dhe Visar Prebrezës nga “Krypometër”.

    Lëvizja Vetëvendosje (LVV) ka zgjedhur që gjatë fushatës për Zgjedhjet e 9 shkurtit të mos marrë pjesë në disa nga mediat në Kosovë. Kjo parti e ka arsyetuar mospjesëmarrjen në emisionet politike të shfaqura në mediume të caktuara, me pretendimin se gjoja ato media janë në pronësi të oligarkëve. RTV Dukagjini është në listën e këtyre mediave të “piketuara” nga LVV, e pikërisht në këtë televizion transmetohet emisioni “Debat Përnime” – prodhim i KALLXO.com.

    Mirëpo, për dallim nga partia në pushtet, partitë e tjera opozitare kanë pranuar të marrin pjesë në këtë Debat dhe t’u përgjigjen pyetjeve të gazetarëve të Kallxo-it.

    Në hapje të Debatit të parë zgjedhor, në kuadër të “Debat Përnime”, Jeta Xharra ka deklaruar se askush në KALLXO.com nuk është pasanik, milioner, e le më oligark.

    “Ne kemi qenë në RTK e na kanë largu prej RTK-së, saktë sepse kemi raportuar qysh oligarkët e kanë zhvat shtetin.” – ka theksuar ndër të tjera, Xharra.

    E, për kandidatët e LVV-së që kanë refuzuar të marrin pjesë në Debat, ajo e ka dhënë “diagnozën”: Politikus Arrogantis Totalis Mendjemadhijensis!

    Për më shumë, lexoni në linkun në vijim:

    https://kallxo.com/gjate/planet-e-pdk-se-digjitalizim-e-rritje-pagash-ne-shendetesi-dhe-memorial-te-gjenocidit-ne-prishtine/

  • Rexha: Sigurimet shëndetësore – “top prioritet” i PDK-së

    Partia Demokratike e Kosovës (PDK) në mesin e prioriteteve për sektorin e Shëndetësisë e ka edhe Fondin e Sigurimeve Shëndetësore. Ky Fond nga kjo parti shihet si obligativ, për një Sistem Shëndetësor të mirëfilltë.

    Ndonëse, kandidati për Deputet i kësaj partie, Fatbardh Rexha, në emisionin “Debat Përnime” nuk dha një afat kohor se kur pritet të fillojë funksionalizmi i këtij Fondi, ai u zotua se nëse PDK vjen në pushtet, qysh prej vitit të parë të qeverisjes do të punohet në këtë drejtim.

    “Sigurimet shëndetësore janë obligative për funksionim të mirëfilltë të Sistemit Shëndetësor. Baza legjislative ekziston. Mund të themi se është top prioritet i Programit të PDK-së, funksionalizmi i sigurimeve shëndetësore. Nuk mund të themi saktë në mënyrë kohore datën e fillimit, megjithatë do të jetë një punë e jashtëzakonshme që do të bëhet gjatë vitit të parë.” – tha ai.

    Në kuadër të Programit të PDK-së, sipas Rexhës, parashihet edhe mbulimi dhe rimbursimi i disa kategorive për shërbimet mjekësore.

    “Programi i PDK-së e parasheh që në ofrimin e shërbimeve shëndetësore t’i mbulojë – t’i rimbursojë shërbimet për kategori të caktuara dhe ta rimbursojë këtë deficit me shërbime shëndetësore.” – tha Rexha.

    Për të ofruar shërbime cilësore për qytetarët e Kosovës, nga kandidatët për deputetë nga PDK, u premtuan edhe investime në funksionalizimin dhe modernizmin e Spitaleve Rajonale dhe në Qendrën Universitare të Kosovës.

    “Debat Përnime” është format i cili do të transmetohet për një muaj rresht deri një ditë para Zgjedhjeve parlamentare të 9 shkurtit 2025. Kandidatët për deputetë nga partitë politike garuese, përveç që prezantojnë Programin e tyre, përballen me pyetjet e Jeta Xharrës, kryeredaktorit të KALLXO.com, Kreshnik Gashit dhe Visar Prebrezës nga “Krypometër”.

    Lëvizja Vetëvendosje (LVV) ka zgjedhur që gjatë fushatës për Zgjedhjet e 9 shkurtit të mos marrë pjesë në disa nga mediat në Kosovë. Kjo parti e ka arsyetuar mospjesëmarrjen në emisionet politike të shfaqura në mediume të caktuara, me pretendimin se gjoja ato media janë në pronësi të oligarkëve. RTV Dukagjini është në listën e këtyre mediave të “piketuara” nga LVV, e pikërisht në këtë televizion transmetohet emisioni “Debat Përnime” – prodhim i KALLXO.com.

    Mirëpo, për dallim nga partia në pushtet, partitë e tjera opozitare kanë pranuar të marrin pjesë në këtë Debat dhe t’u përgjigjen pyetjeve të gazetarëve të Kallxo-it.

    Në hapje të Debatit të parë zgjedhor, në kuadër të “Debat Përnime”, Jeta Xharra ka deklaruar se askush në KALLXO.com nuk është pasanik, milioner, e le më oligark.

    “Ne kemi qenë në RTK e na kanë largu prej RTK-së, saktë sepse kemi raportuar qysh oligarkët e kanë zhvat shtetin.” – ka theksuar ndër të tjera, Xharra.

    E për kandidatët e LVV-së që kanë refuzuar të marrin pjesë në Debat, ajo e ka dhënë “diagnozën”: Politikus Arrogantis Totalis Mendjemadhijensis!

    Për më shumë, lexoni në linkun në vijim:

    https://kallxo.com/gjate/planet-e-pdk-se-digjitalizim-e-rritje-pagash-ne-shendetesi-dhe-memorial-te-gjenocidit-ne-prishtine/