Instituti Hidrometeorologjik i Kosovës ka paraparë që moti gjatë javës së ardhshme do të jetë stabil, me temperatura minimale që do të qëndrojnë nën zero, e me temperatura maksimale që do të arrijnë në 8 gradë celsius.
Gjatë këtyre ditëve do të ketë ngrica, intervale me diell, vranësira, e riga shiu.
Ky është moti për secilën ditë të javës sipas Institutit Hidrometeorologjik të Kosovës:
E hënë, 20 janar 2025: Moti do të jetë kryesisht i qetë. Në viset e larta me rreze dielli, ndërsa në viset e ulëta kryesisht me mjegull dhe ngrica. Temperaturat minimale do të luhaten ndërmjet -5°C dhe -1°C, ndërsa maksimalet nga 2°C deri në 7°C . Do të fryjë erë nga verilindja me shpejtësi 1-2 m/s.
E martë, 21 janar 2025: Moti mbetet kryesisht i vranët. Temperaturat minimale do të lëvizin ndërmjet -5°C dhe -2°C, ndërsa ato maksimale do të variojnë nga 2°C deri në 6°C. Era do të jetë e lehtë nga drejtimi i verilindjes.
E mërkurë, 22 janar 2025: Moti do të jetë kryesisht i vranët dhe me kushte për riga shiu. Temperaturat minimale priten të zbresin ndërmjet -3°C dhe -1°C, ndërsa maksimalet do të jenë nga 3°C deri në 5°C. Do të fryjë erë nga veriperëndimi me shpejtësi 1-4m/s.
E enjte, 23 janar 2025: Parashikohet mot i vranët, por me intervale të shkurtra me diell. Në mëngjes kushte për mjegull dhe ngrica. Temperaturat minimale do të lëvizin nga -3°C deri në -1°C, ndërsa maksimalet do të arrijnë nga 6°C deri në 8°C. Era do të fryjë nga verilindja me shpejtësi 1-4 m/s.
E premte, 24 janar 2025: Moti do të jetë i vranët dhe me periudha të shkurtra me diell. Temperaturat minimale do të lëvizin nga -2°C deri në 0°C, ndërsa maksimalet nga 5°C deri në 8°C. Do të fryjë erë e lehtë nga verilindja, me shpejtësi 1-2 m/s.