Ballina

Etiketë: kqz

  • Këto janë kamerat që do të përdoren në Ditën e Zgjedhjeve nga KQZ (FOTO)

    Komisioni Qendror Zgjedhor (KQZ) ka prezantuar llojin e kamerave vëzhguese që do të vendosen në vendvotime gjatë procesit të votimit dhe numërimit, në Zgjedhjet nacionale më 09.02.2025.

    Sipas KQZ-së vendosja e kamerave vëzhguese në hapësirat brenda vendvotimit bëhet me qëllim të garantimit të sigurisë së materialeve zgjedhore dhe ruajtjes së integritetit të procesit të votimit dhe numërimit në vendvotim.

    “Vendosja e kamerave në vendvotime do të bëhet duke siguruar plotësisht fshehtësinë e votës, pasi ato do të vendosen në skajin tjetër të vendit ku do të jetë Kabina e votimit dhe në asnjë rrethanë nuk do të mund të regjistrojë shënjimin e preferencës së votuesit.” – ka shpjeguar KQZ.

    Ky institucion ka bërë të ditur se ruajtja e regjistrimeve të kamerave do të jetë e përkohshme deri në shkatërrimin e materialit zgjedhor, me përjashtim të atyre nga vendvotimet ku evidentohen parregullsi, me qëllim që t’iu ofrohen institucioneve ligjzbatuese.

    “Në Ditën e Zgjedhjeve KQZ nuk do t’i monitorojë këto kamera, pra regjistrimi nga ana e tyre do të bëhet në mënyrë pasive dhe se qasja në videoregjistrime mund të sigurohet vetëm me Vendim apo Kërkesë të institucioneve ligjzbatuese.” – ka theksuar KQZ.

    Komisioni Qendror i Zgjedhjeve (KQZ) i ka blerë 2 mijë e 500 kamera vëzhguese, bashkë me pajisje përcjellëse, për të monitoruar dhe vëzhguar procesin zgjedhor të 9 shkurtit 2025.

    Në total, Kontrata ka kushtuar 699 mijë euro dhe atë e ka fituar Kompania “Besa Security”.

    Kontrata është nënshkruar më 31.10.2024.

    Fushata pёr Zgjedhjet parlamentare nё Kosovё ka filluar zyrtarisht, mё 11.01.2025.

    Për njё muaj partitë politike pritet të mbajnë tubime elektorale me qytetarët, për të fituar besimin e tyre në garën për Zgjedhjet parlamentare të 9 shkurtit 2025.

    Për këto Zgjedhje janë certifikuar 28 subjekte politike, me 1,280 kandidatë. Këto do të jenë Zgjedhjet e para të rregullta, që Kosova mban që nga shpallja e Pavarësisë më 2008.

    https://kallxo.com/lajm/ku-dhe-si-do-te-vendosen-kamerat-vezhguese-neper-qendrat-e-votimit-ne-diten-e-zgjedhjeve/?fbclid=IwY2xjawIIUtVleHRuA2FlbQIxMAABHbGLPVznyQslMXBDm35VjrajT5b1LruSicdJDXrZsCAlkDSWCUYHNzygrA_aem_ok6SHbITC08JYDH_eo_gdQ

  • KQZ drejtuar qytetarëve: Fuqia jonë qëndron në votën tuaj

    Pak javë para mbajtjes së Zgjedhjeve parlamentare në Kosovë, Komisioni Qendror i Zgjedhjeve (KQZ) u është drejtuar qytetarëve se më 09.02.2025 mund ta shfrytëzojnë të drejtën e tyre kushtetuese për të votuar. 

    Sipas KQZ-së përmes votës së lirë dëshmohet zhvillimi demokratik i shtetit të Kosovës. 

    “Komisioni Qendror i Zgjedhjeve është plotësisht i angazhuar për të siguruar një proces zgjedhor të drejtë, transparent dhe me integritet – duke garantuar të drejtën tuaj për të votuar. Mos harroni, fuqia juaj qëndron në votën tuaj. Vota Jote për Kosovën.” – shkruan KQZ, sot më 28.01.2025.

    Fushata pёr Zgjedhjet parlamentare nё Kosovё ka filluar zyrtarisht, mё 11.01.2025.

    Për njё muaj partitë politike pritet të mbajnë tubime elektorale me qytetarët, për të fituar besimin e tyre në garën për Zgjedhjet parlamentare të 9 shkurtit 2025. Për këto Zgjedhje janë certifikuar 28 subjekte politike, me 1,280 kandidatë. Këto do të jenë Zgjedhjet e para të rregullta, që Kosova mban që nga shpallja e pavarësisë më 2008.

  • Numër i vogël i votuesve, KQZ-ja mbyll disa Qendra Votimi jashtë Kosovës

    Komisoni Qendror i Zgjedhjeve (KQZ), më 28.01.2025, ka marrë vendim që të mbyllen Qendrat e Votimit në përfaqësitë diplomatike në Ankara, Kanbera dhe Iowa.

    Sipas KQZ-së, 75 votuesit e këtyre Qendrave do të votojnë me postë.

    KQZ-ja ka thënë se në Qendrën e Votimit në Ankara të Turqisë janë regjistruar 25 votues, në Kanbera të Australisë 18 votues dhe në Iowa të SHBA-së janë regjistruar 32 votues.

    “Për shkak të numrit të vogël të votuesve, vetëm 75 sosh, Komisioni Qendror i Zgjedhjeve mori vendim që më 8 shkurt 2025 të mos organizohet votimi ashtu siç ishte planifikuar në Qendrat e Votimit në 3 përfaqësitë diplomatike, që ndodhen në shtete të ndryshme.” – ka thënë KQZ-ja.

    Sipas KQZ-së, të gjithë këta votues të regjistruar do të mund të votojnë përmes postës në kutitë postare që janë hapur nga KQZ në këto shtete.

    Pas këtij vendimi të KQZ-së, procesi i votimit do të zhvillohet në 15 Ambasada dhe 15 Konsullata të Kosovës, të vendosura në 18 shtete të ndryshme të botës.

    Mërgimtarët kanë nisur të votojnë përmes postës për Zgjedhjet parlamentare në Kosovë, para se disa prej partive politike në vend t’i bëjnë publike Programet me të cilat synojnë t’i fitojnë këto Zgjedhje.

    Diaspora mund të votojë me postë deri më 08.02.2025. Pjesa tjetër e mërgimtarëve të regjistruar kanë të drejtë të votojnë nëpër Ambasada dhe Konsullata në shtetet përkatëse ose të udhëtojnë për votim në Kosovë, më 09.02.2025.

    Numri i qytetarëve, sipas të dhënave të KQZ-së, të cilët janë regjistruar për të votuar jashtë Kosovës është 104 mijë e 924 votues.

    Prej shumës totale, 84 mijë e 525 prej tyre kanë zgjedhur të votojnë përmes postës.

    Për Zgjedhjet e 9 shkurtit janë certifikuar 28 subjekte politike, me 1,280 kandidatë.

    Fushata pёr Zgjedhjet parlamentare ka filluar zyrtarisht, mё 11.01.2025.

    Këto do të jenë Zgjedhjet e para të rregullta, që Kosova mban që nga shpallja e pavarësisë më 2008.

     

  • KQZ-ja akrediton vëzhguesit e Organizatave Ndërkombëtare, Ambasadave dhe OJQ-ve

    Komisioni Qendror i Zgjedhjeve në mbledhjen e mbajtur më 28.012025 ka akredituar vëzhguesit e disa Organizatave Ndërkombëtare, Ambasadave dhe OJQ-ve për Zgjedhjet e 9 shkurtit 2025.

    KQZ -ja akeditoi grupin e radhës prej 1,680 vëzhguesve për vëzhgimin e Zgjedhjeve për Kuvendin e Kosovës.

    Prej tyre 13 janë vëzhgues të Trupave të Menaxhimit të Zgjedhjeve nga shtete të ndryshme, 81 vëzhgues të përfaqësive të vendeve të huaja të akredituara në Kosovë, 1,126 vëzhgues nga OJQ-të vendore, 393 vëzhgues nga Organizata të ndryshme Ndërkombëtare dhe 67 vëzhgues nga Institucioni i Avokatit të Popullit.

    Sipas KQZ-së, Zgjedhjet e 9 shkurtit do të vëzhgohen edhe nga institucione zgjedhore nga shtete të ndryshme, si: Shqipëria, Kroacia, Mali i Zi, Maqedonia e Veriut e Bullgaria.

    Më 12.01.2025, KQZ-ja ka akredituar grupin e parë prej 2,274 vëzhguesve të katër partive politike të certifikuara për Zgjedhjet e përgjithshme, që mbahen më 09.02.2025.

    https://kallxo.com/lajm/zgjedhjet-e-9-shkurtit-kqz-ja-akrediton-grupet-e-para-te-vezhguesve-te-kater-subjekteve-politike/

    Për Zgjedhjet e 9 shkurtit janë certifikuar 28 subjekte politike, me 1,280 kandidatë.

    Fushata pёr Zgjedhjet parlamentare ka filluar zyrtarisht mё 11.01.2025.

    Këto do të jenë Zgjedhjet e para të rregullta, që Kosova mban që nga shpallja e pavarësisë më 2008.

  • Digjet posteri i kandidates për deputete nga një parti serbe

    Një poster i një kandidateje për deputete të një partie serbe është djegur mëngjesin e së shtunës më 26.01.2025, ndërsa rasti tashmë është duke u hetuar nga organet e rendit. 

    Kjo është ngjarja e dytë pas sulmit me koktej mollotovi ndaj një vetureje të një anëtareje të KQZ-së që u shënua në datë 25 janar në Ranillug, në ditën e 16-të fushatës elektorale për zgjedhjet e 9 shkurtit 2025. 

    Kallxo.com mëson se kandidatja për deputete nuk është pjesë e Listës Serbe, ndërsa do të zhvillohen hetime edhe më tutje në lidhje me këtë ngjarje. 

    Në anën tjetër rasti i Ranillugut ende po vazhdon të trajtohet nga Policia në koordinim me Prokurorinë në Gjilan. 

    Deri më tani siç ka mësuar KALLXO.com, vetura e një anëtareje të Komisionit Qëndror Zgjedhor e komunitetit serb ka lajmëruar se vetura e saj e cila ishte parkuar vetëm pak metra larg shtëpisë, është djegur. 

    Me të dalë në vendin e ngjarjes, Policia ka gjetur se dy shishe koktej molotovi janë përdorur për të djegur veturën e anëtares së KQZ-së. 

    KALLXO.com raportoi në lidhje me këtë ngjarje. 

    https://kallxo.com/lajm/vetura-e-kqz-se-sulmohet-me-koktej-mollotovi-ne-ranillug-prokurori-jep-detaje/?fbclid=IwY2xjawICVGVleHRuA2FlbQIxMQABHQ-SDPkYomzhxc5sjAE64uPZaBQ2W2JH2wIYpZPM1AQFN9yfI7cPFWFLvw_aem_8wcFq1LDX0UjI9uMj0Dtyw