Ballina

Etiketë: Gjilan

  • Koalicioni për Familjen në Gjilan: Kemi me i shpërfaq në Kuvend mashtrimet e secilit subjekt

    Koalicioni për Familjen më 25.01.2025 ka mbajtur tubim elektoral në Gjilan, duke vazhduar fushatën për zgjedhjet e 09.02.2025.

    Kandidati për deputet i këtij koalicioni, Ferid Agani ka thënë se në fushën e ekonomisë kanë spepcifika programore me të veçanta se programet tjera.

    Ndërsa ka thënë se do të iu kushtojn kujdes personave me nevoja të vecçanata dhe pensionistëve.

    “Koalicioni për familjen ka përgaditur një program zgjedhor. Në fushën e ekonomisë, kemi specifika programore të cilat na vecojnë nga programet tjera, duke filluar me zona ekonomike deri të lehtësirat e ndryshme fiskale. Kujdes do të ju kushtohet personave me nevoja të vecanata dhe pensionistëve, duke paraparë stimulive financiare për kujdestarët”- ka thënë ai.

    Ndërsa, i pari këtij Koalicioni, Eman Rrahmani, ka thënë nuk do ta lejojnë tjetërsimin e familjes.

    “Kemi me shpërfaq në Kuvendin e Kosovës secilin mashtrim nga secili subjekt që ben kundër interesave të qytetarëve të Kosovës”- u shpreh ai.

    Fushata pёr zgjedhjet parlamentare nё Kosovё ka filluar zyrtarisht mё 11.01.2025.

    Për njё muaj, partitë politike pritet të mbajnë tubime elektorale me qytetarët, për të fituar besimin e tyre në garën për zgjedhjet parlamentare të 09.02.2025.

    Për këto zgjedhje janë certifikuar 28 subjekte politike me 1,280 kandidatë.

    Sipas Ligjit, gjatë periudhës së fushatës zgjedhore subjektet politike kanë të drejtë:

    – të organizojnë dhe të mbajnë tubime/ngjarje politike, tryeza të rrumbullakëta, konferenca për shtyp, fjalime, ose ndonjë aktivitet tjetër të ngjashëm, përmes së cilave ata mund t’i shprehin lirisht mendimet e tyre – me qëllim të fitimit të përkrahjes nga votuesit e tyre;

    – të publikojnë dhe të shpërndajnë afishe, reklama dhe material tjetër lidhur me një fushatë zgjedhore; të bëjnë fushatë përmes cilitdo operator televiziv, të radios apo kabllor, gjithashtu edhe përmes revistave, shtypit, rrjetit telefonik, sistemit postar ose çdo lloj mjeti tjetër reklamues – në pajtim me rregullat e KQZ-së dhe ligjet tjera në fuqi.

    Këto do të jenë zgjedhjet e para të rregullta që Kosova mban që nga shpallja e Pavarësisë më 2008.

     

  • Punime në rrjet, KEDS tregon se ku do të ketë ndërprerje të rrymës të shtunën

    Kompania për Distribuimin e Energjisë Elektrike në Kosovë (KEDS) bën të ditur se të shtunën, më 25.01.2025, do të kryhen punime të domosdoshme për siguri të sistemit energjetik.

    Si rezultat i kësaj, në disa lokalitete do të ketë ndërprerje të rrymës.

    Ky është orari sipas rajoneve:

    Prishtinë

    Punime në projekte investive

    1.

    Nga TS 35/10kV Besia do të ndërprehet:

    Dalja 10kV J03 Prugovc (kodi: 10013012) nga ora 09:00 deri në ora 17:00

    Vendet: Barilevë Lecët, Te kanali Besi, Leban te baza 1, Prugovc Extra Dragusha, Leban Dobratiqët, Besi Ambulanca 1, Rimanishta, Betonjerka private Lebanë, Objekti privat Deshishku, Zenit, Jaha Company dhe Prugovc Zuqollët

    Arsyeja: Projekte investive, zhvendosoja e TSB Lebane te Baza.

    Pejë

    Punime nga pala e tretë

    1.

    Nga NS 110/35/10 kV Peja 1 do të ndërprehet:

    Dalja 10kV Agrokosova (kodi: 50000007) prej orës 10:00 deri në ora 15:00.

    Vendet: Fabrika e bukës, Rruga e Hekurudhës, Agrokosova, Elkosi Te Çekët, Motohia Remont, Deminerët, Kristali, Pularia, Kolonia e Sheqeranës, Elkosi te ETC, Buquku, Gacafer dhe Tyrbeja.

    Arsyeja: Punëve që duhet të kryhen, sipas pëlqimit elektro-energjetik dhe projektit të aprovuar, realizimi e sistemit hyrje/dalje 10 kV.

    Ferizaj

    Punime nga pala e tretë

    1.

    Nga NS 110/35/10[kV] Lipjan do të ndërprehet:

    Dalja 10 [kV] Banulla (kodi: 41000012) nga ora 10:00 deri në ora 16:00

    Vendet: fshatrat: Banullë, Gadime e Ulët (një pjesë), Gllogc, Gumnasellë, Lagjja e Burimit (një pjesë), Lipjan (një pjesë), Llugaxhi, Pojatë, Rubofc (një pjesë) dhe udhëkryqi Janjevë-Lipjan (një pjesë), si dhe rrugët: Bajram Gashi (një pjesë), Ganimete Tërbeshi, Qamil Olluri (një pjesë), Sadik Shala dhe Shën Flori.

    Arsyeja: Realizimi i sistemit hyrje/dalje 10 kV, sipas pëlqimit elektro-energjetik dhe projektit të aprovuar, si dhe rekomandimeve nga komisioni i pranimeve teknike.

    Gjilan

    Punime nga pala e tretë

    1.

    Nga NS 110/10kV Gjilani 5 do të ndërprehet:

    NS 10/04kV-TS Livoç i Epërm (kodi: 63000011263) 10:00 deri 15:00

    Vendet: Livoç i Epërm.

    Arsyeja: Kryerja e punimeve sipas Zgjidhjes Teknike nr. 14731 e dt. 11. 10. 2024

  • Grabitje në Gjilan, dyshohet se viktima u kërcënua me sëpatë e thikë

    Nën kërcënimin e një sëpatë dhe thike, dyshohet se u krye një grabitje në Gjilan më 18.01.2025.

    Policia ka njoftuar se ngjarja u regjistrua në orët e mbrëmjes deri sa të dyshuar deri më tani janë tre persona.

    Sipas njoftimit të policisë, tre të dyshuarit nën kërcënimin e një sëpatë dhe thike, i kishin grabitur viktimës një zingjir ari dhe një orë dore.

    Pas këtyre veprimeve, të dyshuarit sipas policisë janë larguar në drejtim të panjohur.

    Ikja e tyre u bë me një veturë me targa vendore ndërsa për rastin është njoftuar edhe prokuroria.

    Në raportin ditor nuk ka ndonjë informacion se ndonjëri nga të dyshuarit është kapur apo identifikuar ndërsa rasti është iniciuar si grabitje dhe se njësitet e hetuesisë janë duke vazhduar punën për të zbardhur ngjarjen.

  • LDK pretendon që Komuna e Gjilanit qëllimshëm ua vonoi përgjigjen refuzuese për tubim në palestrën e qytetit, Komuna e mohon

    Dega e Lidhjes Demokratike të Kosovës në Gjilan ka njoftuar se i është refuzuar leja për organizimin e tubimit elektoral në Palestrën e Sporteve “Bashkim Selishta” në Gjilan më 06.02.2025.

    Sipas LDK-së, kërkesa është dërguar më 30.12.2024 dhe është refuzuar pas dy javësh pritjeje, me arsyetimin se palestra do të jetë në dispozicion të Komisionit Qendror të Zgjedhjeve.

    Por, nga Drejtoria për Kulturë, Rini dhe Sport në Gjilan mohojnë që përgjigja është vonuar dy javë.

    Gentrit Murseli nga LDK në Gjilan në një prononcim për KALLXO.com pretendon që përgjigjja u vonua qëllimshëm në mënyrë që LDK të mos ketë mundësi të propozojë një datë tjetër për ketë tubim.

    “Para nja dy-tri dite na është kthy përgjigja negative, me arsyetimin që në atë datë KQZ fillon me përgatitë sallën për qendër të numërimit. Mendoj që qëllimisht na kanë vonu më shumë se dy javë përgjigjen se kërkesën e kemi bo në 30.12.2024. Ata kanë qenë të njoftuar se KQZ ka me pasë qendrën në dispozicion për me i numëru votat. Qëllimisht na kanë vonu dy javë se nuk ka nevojë tjetër me na vonu dy javë përgjigjen, të kishin kthy deri me 5 a 6 janar që me pasë ne mundësi me gjetë vend tjetër ose me ndërru datën. Se datat për tubime janë mbyllë”- ka thënë ai më 18.01.2025.

    Lidhur me këtë çështje, KALLXO.com ka kontaktuar drejtorin për Kulturë, Rini dhe Sport në Gjilan, Kushtrim Zeqiri. Ai ka thënë përmes përgjigjes në kërkesën e tyre, u kanë kërku LDK-së mirëkuptim për një datë brenda muajit janar për arsye që salla është në shfrytëzim të KQZ-së.

    Ndërsa ka thënë se nuk është e vertetë që e ka vonuar përgjigjen dy jave.

    “Nuk është e vërtetë që e kam vonu përgjigjen dy javë, nuk po besoj që e kam vonu dy javë. Në përgjigjen e kthyer ceket që brenda muajit janar mund ta propozoni një datë tjetër të cilën ua aprovojmë pa problem, dhe se kjo është e qëllimshme që po bëhet nga ana e LDK-së për shkak se edhe LDK ka anëtarin e vet në KKZ që e ka ditë shumë mirë këtë çështje”- ka thënë Zeqiri.

    Ndërsa, të dyja palët thanë për KALLXO.com se për momentin nuk e posedojnë dokumentin ku është shkruar përgjigja e drejtorisë për LDK -në. Megjithatë thanë se do e dërgojnë në adresë të KALLOXO.com deri të hënën (20.01.2025).

    Në Palestrën e Sporteve “Bashkim Selishta” në Gjilan sot, më 18.01.2025, Lëvizja Vetëvendosje ka mbajtur tubim elektoral me qytetarët e Gjilanit në kuadër të ditëve zyrtare të fushatës për zgjedhjet parlamentare që do të mbahen më 09.02.2025.

    Fushata pёr zgjedhjet parlamentare nё Kosovё ka filluar zyrtarisht mё 11.01.2025.

    Për njё muaj, partitë politike pritet të mbajnë tubime elektorale me qytetarët, për të fituar besimin e tyre në garën për zgjedhjet parlamentare të 09.02.2025.

    Për këto zgjedhje janë certifikuar 28 subjekte politike me 1,280 kandidatë.

    Sipas Ligjit, gjatë periudhës së fushatës zgjedhore subjektet politike kanë të drejtë:

    – të organizojnë dhe të mbajnë tubime/ngjarje politike, tryeza të rrumbullakëta, konferenca për shtyp, fjalime, ose ndonjë aktivitet tjetër të ngjashëm, përmes së cilave ata mund t’i shprehin lirisht mendimet e tyre – me qëllim të fitimit të përkrahjes nga votuesit e tyre;

    – të publikojnë dhe të shpërndajnë afishe, reklama dhe material tjetër lidhur me një fushatë zgjedhore; të bëjnë fushatë përmes cilitdo operator televiziv, të radios apo kabllor, gjithashtu edhe përmes revistave, shtypit, rrjetit telefonik, sistemit postar ose çdo lloj mjeti tjetër reklamues – në pajtim me rregullat e KQZ-së dhe ligjet tjera në fuqi.

    Këto do të jenë zgjedhjet e para të rregullta që Kosova mban që nga shpallja e Pavarësisë më 2008.

  • Kurti në Gjilan, zotohet për investime milionëshe në 20 stadiume në komunat e Kosovës

    Kandidati për kryeministër i Lëvizjes Vetëvendosje, Albin Kurti, bashkë me disa prej anëtarëve të listës me të cilën garon në zgjedhjet parlamentare ka mbajtur tubim elektoral në qytetin e Gjilanit.

    Kurti ka thënë se gjatë katër viteve të qeverisjes së tij, Kosovën e kanë bërë të pavarur nga korrupsioni qeveritar dhe pazaret me Serbinë.

    “Në fund të këtij mandati tonë s’ka dyshim që këto katër vite ishin katër vitet më të mira jo vetëm në Kosovën e pa varur por që nga çlirimi”- u shpreh ai më 18.01.2025.

    Kurti ka theksuar se gjatë këtij mandati kanë rinovuar klinika, ndërsa thënë se për Spitalin e Gjilanit janë ndarë 8 milionë euro për renovimin e disa reparteve.

    Ai u zotua për investime milionëshe në 20 stadiume moderne në komunat e Kosovës.

    “Në mandatin tonë tjetër në përgatitje të Lojërave Mesdhetare me 200 milionë investime në total do t’i kemi 20 stadiume moderne në 18 komuna të Kosovës përfshirë stadiumin e Gjilanit. Stadiumin e Gjilanit do ta përfundojmë. Me na vonu na kanë vonu, me na ndalë nuk ka mundësi. Na kanë vonu ata që kontratën e kaluar e kanë bërë me shkelje”- u shpreh ai.

    Kurti tutje ka thënë se shqiptarët e Luginës me qeverinë e tij kanë linjë të rregullt buxhetore.

    Numri dy i listës së LVV-së, Glauk Konjufca gjatë fjalimit “ja uroi” Kurtit mandatin e tretë të Qeverisë që tash pasi tha se po e sheh përkrahjen e qytetarëve nëpër tubime.

    Sipas tij, Gjilani është ndër qytetet e para që është lidhur me Lëvizjen Vetëvendosje.

    Fushata pёr zgjedhjet parlamentare nё Kosovё ka filluar zyrtarisht mё 11.01.2025.

    Për njё muaj partitë politike pritet të mbajnë tubime elektorale me qytetarët, për të fituar besimin e tyre në garën për zgjedhjet parlamentare të 09.02.2025.

    Për këto zgjedhje janë certifikuar 28 subjekte politike me 1,280 kandidatë.

    Sipas Ligjit, gjatë periudhës së fushatës zgjedhore subjektet politike kanë të drejtë:

    – të organizojnë dhe të mbajnë tubime/ngjarje politike, tryeza të rrumbullakëta, konferenca për shtyp, fjalime, ose ndonjë aktivitet tjetër të ngjashëm, përmes së cilave ata mund t’i shprehin lirisht mendimet e tyre, me qëllim të fitimit të përkrahjes nga votuesit e tyre;

    – të publikojnë dhe të shpërndajnë afishe, reklama dhe material tjetër, lidhur me një fushatë zgjedhore; të bëjnë fushatë përmes cilitdo operator televiziv, të radios apo kabllor, gjithashtu edhe përmes revistave, shtypit, rrjetit telefonik, sistemit postar ose çdo lloj mjeti tjetër reklamues, në pajtim me rregullat e KQZ-së dhe ligjet tjera në fuqi.

    Këto do të jenë zgjedhjet e para të rregullta që Kosova mban që nga shpallja e Pavarësisë më 2008.