Ballina

Etiketë: Gjakove

  • Tre të arrestuarit për ryshfet janë inspektorë të ATK-së

    Tre të arrestuarit nga Prokuroria Themelore në Gjakovë nën dyshimet për marrje ryshfeti janë inspektorë të ATK-së.

    Këtë për KALLXO.COM e ka konfirmuar zyrtari për komunikim publik i Prokurorisë Themelore në Gjakovë, Drini Domi.

    Prokuroria Themelore në Gjakovë për KALLXO.com sot, më 20.01.2025, ka njoftuar lidhur me aksionin që rezultoi me tre persona të arrestuar, nën dyshime për marrje ryshfeti.

    Sipas Prokurorisë, pas pranimit të informatës, ndaj të dyshuarve janë ndërmarrë edhe masat e fshehta hetimore.

    “Lidhur me rastin në fjalë, ju njoftojmë se Prokuroria Themelore – Gjakovë, pas pranimit  të informatës se 3 (tre) të dyshuarit, në periudha të ndryshme kohore dhe në lokacione të ndryshme në Gjakovë, kishin kërkuar dhe pranuar ryshfet nga pronarë të ndryshëm të bizneseve, ku me këto veprime dyshohet se kanë kryer veprën penale ”marrja e ryshfetit’’, Neni 421 i KPRK-së, ka ndërmarrë veprime hetimore – duke zbatuar edhe masat të fshehta hetimore, ndaj të njëjtëve.” – thuhet në njoftimin e Prokurorisë së Gjakovës.

    Kurse, me urdhëresë të Gjykatës Themelore të Gjakovës janë kryer edhe bastisje në disa lokacione.

    “Ndërsa, më 20.01.2025, me urdhëresë të Gjykatës Themelore – Gjakovë, është kryer bastisje në 3 (tri) lokacione të ndryshme dhe, me vendim  të Prokurorit të Shtetit, janë ndaluar 3 (tre) persona, në kohëzgjatje prej 48 orësh, për shkak të veprës penale ”marrja e ryshfetit’’, Neni 421 i KPRK-së.” – thuhet tutje në njoftimin e Prokurorisë.

     

     

    https://kallxo.com/lajm/arrestimet-per-marrje-ryshfeti-flet-prokuroria-e-gjakoves/

  • Punime në rrjet – KEDS tregon se ku do të ketë ndërprerje të rrymës të shtunën

    Kompania për Distribuimin e Energjisë Elektrike në Kosovë (KEDS) bën të ditur se të shtunën, më 18.01.2025, do të kryhen punime të domosdoshme për siguri të sistemit energjetik.

    Si rezultat i kësaj, në disa lokalitete do të ketë ndërprerje të rrymës.

    Ky është orari sipas rajoneve:

    Prizren

    Punime në projekte investive:

    1.

    Nga NS 110/10 [kV] Theranda do të ndërprehet:

    Dalja 10[kV] rr. Reçanit (kodi: 32000005), prej orës 09:00 deri në ora 15:00.

    Vendet: Pjesët periferike të Therandës (rr.Reçani), një pjesë e rr. Brigada 123, Banesat e Benafit, Banesat e Inxhinieringut, Banesat te Viva, lagjja Hoxha I dhe II.

    Arsyeja: Energjizimi i kabllove të reja, punimi i lidhëseve dhe kokave.

    Ferizaj

    Punime të domosdoshme për siguri të sistemit:

    1.

    Nga NS 35/10 [kV] Shtime do të  ndërprehet:

    Dalja 10[kV] Shtime (kodi: 41046003), prej orës 10:00 deri në ora 12:00.

    Vendet: rrugët: 12 Qershori, 14 Dhjetori, Adem Jashari (një pjesë), Afrim Musliu (një pjesë), Ahmet Kaçiku, Ahmet Shtimja (një pjesë), Anton Çetta, Arben Hyseni (një pjesë), e Prishtinës, e Tiranës, Imer Devetaku, Jetë Hasani, Komandant Kumanova, Lagja e Pajtimit, Milaim Beka, Ymer Prizreni (një pjesë), Rrethrrotullimi për Godanc, Shaqir Tërshana (një pjesë),  Shefket Muhadini, Sheshi i Dëshmorëve, Sheshi i UÇK (një pjesë), Shtime, Smajl Gorani, Sylejman Vokshi (një pjesë), Ymer Prizreni (një pjesë), Godanc i Poshtëm dhe Godanc i Ulët.

    Arsyeja: Ndërprerje për shkaqe sigurie, hapja e vrimës ngritja e shtyllës 12/315 dhe bartja e rrjetit të tensionit të mesëm sipas projektit, shkarkimi i daljeve 0.4kV-TS Jetë Hasani-Shtime.

    Gjakovë

    Punime në projekte investive:

    1.

    Nga NS 35/10 [kV] Malisheva do të ndërprehet:

    Dalja 10[kV] Kijeva (kodi: 82082007) prej orës 09:00 deri në ora 18:00.

    Vendet, fshatrat: Balincë, Bubavec, Drenoc, Gollubovc, Kijevë, Llazicë, Lubizhdë, Mleqan, Plloçicë, Polluzhë dhe Stapanicë.

    Arsyeja: Projekte investive, ndërrimi i konzollave dhe izolatorëve nën largpërçuesin ekzistues.

  • Gjashtë raste ‘armëmbajtje pa leje’ të trajtuara në Polici, prej tyre katër të arrestuar

    Gjashtë raste të trajtuara si “armëmbajtje pa leje” janë regjistruar në Raportin e Policisë së Kosovës, gjatë 24 orëve të fundit. Prej këtyre rasteve, katër persona kanë përfunduar të arrestuar.

    Në Podujevë, Policia ka arrestuar një të dyshuar, pasi kishte ekspozuar në rrjete sociale një fotografi me armë.

    Sipas njoftimit të Policisë rasti ka ndodhur më 31.12.2024, kurse i dyshuari është arrestuar më 14.01.2025.

    “Gjatë kontrollit në shtëpinë e të dyshuarit është sekuestruar një pushkë me karikator pa fishekë. I dyshuari pas intervistimit, me vendim të Prokurorit, është liruar në procedurë të rregullt.” – njofton Policia, më 15.01.2025.

    Policia në Fushë Kosovë është informuar se një person posedon dy thika. Rasti ka ndodhur më 14.01.2025, rreth orës 15:45.

    Policia thotë se palët janë intervistuar dhe, me vendim të Prokurorit, janë liruar në procedurë të rregullt.

    Kurse, në Graçanicë Policia ka gjetur dhe konfiskuar një pistoletë me pesë copë fishekë në automjetin e një të dyshuari. Sipas Policisë, rasti ka ndodhur më 14.01.2025, rreth orës 13:20.

    “I dyshuari është intervistuar dhe, me vendim të Prokurorit, është arrestuar dhe dërguar në mbajtje. Rasti nën hetime.” – ka njoftuar Policia.

    Në Pejë, pas disa të shtënave me armë zjarri një i dyshuar është vërejtur në ballkon të banesës kolektive, duke ekspozuar armën.

    Ky rast ka ndodhur më 14.01.2025, rreth orës 21:42. I dyshuari – sipas Policisë – në fillim ka refuzuar t’u bindet urdhrave të policëve dhe u është drejtuar me kanosje.

    “Më vonë i njëjti është qetësuar dhe arrestuar. Gjatë kontrollit në banesën e tij janë gjetur dhe konfiskuar: 1 (një) pushkë automatike, 1 (një) pistoletë, 2 (dy) karikatorë, 71 (shtatëdhjetë e një) copë fishekë, 5 (pesë) gëzhoja dhe një thikë-bajonetë.” – ka thënë Policia.

    Pasi është intervistuar nga Policia, i dyshuari, me vendim të Prokurorit, është dërguar në mbajtje, ndërsa rasti është trajtuar si ‘armëmbajtje pa leje’ dhe ‘përdorim i armës’.

    Në Gjakovë, në veturën e një të dyshuari Policia ka gjetur dhe konfiskuar një sprej.

    Sipas Policisë, rasti ka ndodhur në rrugën “Gasper Karaqi”, më 14.01.2025, rreth orës 18:40.

    Policia e ka intervistuar të dyshuarin dhe, me vendim të Prokurorit, e ka liruar në procedurë të rregullt, kurse rasti është trajtuar si ‘armëmbajtje pa leje’.

    Për një rast tjetër që ka ndodhur në Prishtinë, më 03.09.2024, Policia ka njoftuar se i dyshuari është vetëdorëzuar dhe e ka dorëzuar edhe pistoletën me të cilën dyshohet se është kryer vepra.

    “I dyshuari pas intervistimit në prani të avokatit, me vendim të Prokurorit është dërguar në mbajtje.” – ka thënë Policia.

  • Arrestohet një person në Gjakovë për prishje të rendit dhe qetësisë publike

    Një person është arrestuar në Gjakovë, nën dyshimin për prishje të rendit dhe qetësisë publike.

    Më 14.01.2025, gjatë patrullimit Policia ka takuar të dyshuarin, i cili me veturën e tij ishte ndalur në zonën e përcaktuar për autobus.

    Sipas Policisë, i njëjti në mënyrë konstante nuk ka respektuar urdhërat e zyrtarëve policorë, për të liruar zonën dhe po ashtu ka refuzuar që të prezantojë dokumentet personale.

    Sipas njoftimit të datës 15.01.2025, i dyshuari më pas është arrestuar dhe pas intervistimit, me vendim të Prokurorit, është liruar në procedurë të rregullt.

  • Dyshohet se një 27-vjeçar i zhdukur ka rënë nga Ura e Fshajt – FSK angazhon ekipe për kërkim

    Forca e Sigurisë së Kosovës (FSK) ka angazhuar ekipe në kërkim-shpëtim për gjetjen e një 27 vjeçari të zhdukur, që dyshohet të ketë rënë nga Ura e Fshajt më 24 dhjetor 2024.

    Personi i zhdukur me inicialet A. H. është nga Komuna e Gjakovës.

    “Ekipet e specializuara të kërkim-shpëtimit të Gardës Kombëtare të Forcës së Sigurisë së Kosovës kanë filluar operacionin e kërkim-shpëtimit malor dhe ujor në kërkim të një 27 vjeçari, me inicialet A. H. nga Komuna e Gjakovës, i cili dyshohet të ketë rënë nga ura e Fshajt më 24.12.2024.” – thuhet në njoftimin e FSK-së.

    FSK thekson se angazhimi i ekipeve erdhi me kërkesën e Qendrës së Situatave të Qeverisë së Republikës së Kosovës dhe në koordinim me Policinë e Kosovës të rajonit të Gjakovës.