Ballina

Etiketë: Fushë Kosovë

  • Fushë Kosovë – Arrestohen tre persona, pasi dyshohen se shitën produkte me çmime joreale në një biznes

    Policia e Kosovës ka njoftuar se tre persona janë arrestuar në Fushë Kosovë.

    Të njëjtit dyshohet se keqpërdorën pozitën e tyre, duke shitur produkte me çmime joreale.

    Sipas forcave të rendit, rasti po trajtohet si: “keqpërdorim i besimit”.

    “Ankuesi mashkull  kosovar ka raportuar se tre të dyshuarit meshkuj kosovarë kanë keqpërdorur pozitën e tyre si arkëtarë në lokalin e tij, duke shitur produkte me çmime që nuk ishin reale.” – thuhet në njoftim.

    Të dyshuarit janë arrestuar dhe pas intervistimit, me vendim të Prokurorit, janë dërguar në mbajtje.

  • Vidhen 300 euro në një lokal në Fushë Kosovë, i dyshuari iku në drejtim të panjohur

    Një person i maskuar nën kërcënimin e armës dyshohet se i ka vjedhur 300 euro në një lokal në Fushë Kosovë – njoftoi Policia në Raportin 24-orësh.

    Teksa nuk raportohet për të lënduar, grabitësi është larguar në drejtim të panjohur, derisa rasti po hetohet – thekson Policia.

    “Viktima ka raportuar se derisa ka qenë në vendin e tij të punës një i dyshuar i panjohur, i maskuar dhe nën kërcënimin e armës i ka grabitur 300 euro dhe është larguar në drejtim të panjohur. Nuk raportohet për të lënduar. Në vendin e ngjarjes kanë dalur të gjitha Njësitet përkatëse policore. Lidhur me rastin është njoftuar Prokurori. Rasti nën hetime.” – sqaroi Policia.

  • Arrestohet një person në Fushë Kosovë, dyshohet se sulmoi nënën e tij

    Policia e Kosovës ka arrestuar një person në Fushë Kosovë, pasi i njëjti dyshohet se e ka sulmuar nënën e tij.

    Rasti ka ndodhur më 27.01.2025, rreth orës 11:30.

    Me vendim të Prokurorit, i dyshuari pas intervistimit është dërguar në mbajtje.

  • Fushë Kosovë, arrestohet një person për dhunim

    Policia e Kosovës njoftoi të shtunën, më 25.01.2025 se kanë arrestuar një person nën dyshimin se i njëjti ka kryer veprën penale “dhunim”.

    Sipas njoftimit, rasti kishte ndodhur më 23.12.2024.

    “Është arrestuar i dyshuari mashkull kosovar, pasi që dyshohet që kishte dhunuar viktimën femër kosovare me të cilën ishte duke bashkëjetuar. Sipas viktimës, i dyshuari kishte ushtruar dhunë fizike. Viktima është dërguar për ekzaminim, ndërsa me vendim të prokurorit i dyshuari është dërguar në mbajtje” – thuhet në njoftim.

  • Pas raportimit të KALLXO.com hiqet deponia e bërllokut në Fushë-Kosovë

    Deponia e bërllokut që ishte krijuar mes një kompleksi banesor dhe një shkolle, rreth 100 metra nga ndërtesa e Komunës së Fushë-Kosovës është hequr dy ditë pas publikimit të pamjeve dhe fotografive nga KALLXO.com.

    Autoritetet komunale të Fushë-Kosovës janë kujdesur që të heqin këtë deponi, e krijuar, sipas pamjeve, që një kohë të gjatë, afër kontejnerëve të mbeturinave të kompleksit banesor që gjendet në rrugën “Tahir Zemaj” në Fushë-Kosovë.

    Kjo është gjendja sot, më 24.01.2025.