Ballina

Etiketë: ferizaj

  • Arrestohen dy persona të dyshuar për therje me thikë të një personi në Ferizaj

    Një person rreth 23 vjeçar është therur me thikë pasditen e së shtunës (25.01.2025) në rrugën “12 Qershori” në Ferizaj.  

    Ndërkaq, Policia njofton se lidhur me këtë rast janë arestuar dy persona të dyshuar për lëndim të rëndë trupor. 

    Zëdhënësi i Policisë për rajonin e Ferizajt, Kanun Veseli, ka deklaruar se sot më 35.01.2025, janë arrestuar dy të dyshuarit, E. P. dhe N. D. të moshës 21 vjeçare dhe se të njëtit janë shoqëruar në stacionin policor. 

    Ndërkaq, si provë materiale, Veseli njofton se është sekuestruar arma e ftohtë (thika) me të cilën dyshohet se është shkaktuar lëndimi ndaj viktimës. 

    “Policia do të vazhdojë hetimet dhe do të informojë publikun për zhvillimet e tjera lidhur me këtë rast”- ka thënë Veseli. 

    Tutje, Viktima fillimisht ishte  dërguar në Qendrën Emergjente në Ferizaj e më pas është transportuar në QKUK në Prishtinë për trajtim të mëtutjeshëm.

  • Theret me thikë një person në Ferizaj

    Një person rreth 23 vjeçar është therur me thikë pasditen e së shtunës (25.01.2025) në rrugën “12 Qershori” në Ferizaj. 

    Kështu ka bërë të ditur zëdhënësi i Policisë për Rajonin e Ferizajt, Kanun Veseli, i cili tha se viktima fillimisht është dërguar në Qendrën Emergjente në Ferizaj e më pas është transportuar në QKUK në Prishtinë për trajtim të mëtutjeshëm. 

    Për këtë rasti nuk raportohet për ndonjë të arrestuar, ndërkaq, sipas Veselit, ngjarja ka ndodhur ende në rrethana të paqarta. 

    “Në vendin e ngjarjes kanë dalë patrullat dhe hetuesit e stacionit policor të Ferizajt, ndërsa më pas janë angazhuar edhe hetuesit dhe krimteknikët rajonalë”- ka deklaruar Veseli për KALLXO.com. 

    Për të gjitha veprimet e nevojshme policore, Veseli thotë se është njoftuar edhe prokurori i shtetit. 

  • Dyshohet se vodhi 3 kg ari dhe 1 kg argjent në natën e vitit të ri në Prizren, arrestohet një person nga një fshat i Ferizajt

    Policia e Kosovës ka njoftuar se ka arrestuar një person nga fshati Greme të Ferizajt më 25.01.2025 nën dyshimin se ka vjedhur 3 kilogram ari dhe 1 kilogram argjend në vlerë të përgjithshme prej 168 mijë eurove.

    Sipas njoftimit, pas hetimeve ishte identifikuar i dyshuari me lokacion në fshatin Greme ku edhe janë sekuestruar disa prova.

    “Ankuesi Mashkull nga Prizren, pronar i një argjendari   me datë 13.01.2025 ka raportuar  se nga   persona të  dyshuar të  panjohur i është vjedhur ari  nga lokali – argjentari në Rr. “ Adem Jashari”  në Prizren, sipas ankuesit nga argjentaria ia janë stoli ari rrethe  3 kg dhe 1 kg argjendtë ne vlere totale rreth   168.000 euro” – thuhet në njoftim.

    “Gjatë kontrollit janë gjetur dëshmi-prova të shumta ndërlidhëse me rast të cilët dhe janë sekuestruar. Gjithashtu është sekuestruar edhe Automjeti me të cilin është kryer vepra penale si provë materiale” – thuhet në komunikatën e policisë.

    Me urdhër të Prokurorit të çështjes i dyshuari mbahet në ndalim 48 orë ndërsa rasti është nën hetim.

  • Punime në rrjet, KEDS tregon se ku do të ketë ndërprerje të rrymës të shtunën

    Kompania për Distribuimin e Energjisë Elektrike në Kosovë (KEDS) bën të ditur se të shtunën, më 25.01.2025, do të kryhen punime të domosdoshme për siguri të sistemit energjetik.

    Si rezultat i kësaj, në disa lokalitete do të ketë ndërprerje të rrymës.

    Ky është orari sipas rajoneve:

    Prishtinë

    Punime në projekte investive

    1.

    Nga TS 35/10kV Besia do të ndërprehet:

    Dalja 10kV J03 Prugovc (kodi: 10013012) nga ora 09:00 deri në ora 17:00

    Vendet: Barilevë Lecët, Te kanali Besi, Leban te baza 1, Prugovc Extra Dragusha, Leban Dobratiqët, Besi Ambulanca 1, Rimanishta, Betonjerka private Lebanë, Objekti privat Deshishku, Zenit, Jaha Company dhe Prugovc Zuqollët

    Arsyeja: Projekte investive, zhvendosoja e TSB Lebane te Baza.

    Pejë

    Punime nga pala e tretë

    1.

    Nga NS 110/35/10 kV Peja 1 do të ndërprehet:

    Dalja 10kV Agrokosova (kodi: 50000007) prej orës 10:00 deri në ora 15:00.

    Vendet: Fabrika e bukës, Rruga e Hekurudhës, Agrokosova, Elkosi Te Çekët, Motohia Remont, Deminerët, Kristali, Pularia, Kolonia e Sheqeranës, Elkosi te ETC, Buquku, Gacafer dhe Tyrbeja.

    Arsyeja: Punëve që duhet të kryhen, sipas pëlqimit elektro-energjetik dhe projektit të aprovuar, realizimi e sistemit hyrje/dalje 10 kV.

    Ferizaj

    Punime nga pala e tretë

    1.

    Nga NS 110/35/10[kV] Lipjan do të ndërprehet:

    Dalja 10 [kV] Banulla (kodi: 41000012) nga ora 10:00 deri në ora 16:00

    Vendet: fshatrat: Banullë, Gadime e Ulët (një pjesë), Gllogc, Gumnasellë, Lagjja e Burimit (një pjesë), Lipjan (një pjesë), Llugaxhi, Pojatë, Rubofc (një pjesë) dhe udhëkryqi Janjevë-Lipjan (një pjesë), si dhe rrugët: Bajram Gashi (një pjesë), Ganimete Tërbeshi, Qamil Olluri (një pjesë), Sadik Shala dhe Shën Flori.

    Arsyeja: Realizimi i sistemit hyrje/dalje 10 kV, sipas pëlqimit elektro-energjetik dhe projektit të aprovuar, si dhe rekomandimeve nga komisioni i pranimeve teknike.

    Gjilan

    Punime nga pala e tretë

    1.

    Nga NS 110/10kV Gjilani 5 do të ndërprehet:

    NS 10/04kV-TS Livoç i Epërm (kodi: 63000011263) 10:00 deri 15:00

    Vendet: Livoç i Epërm.

    Arsyeja: Kryerja e punimeve sipas Zgjidhjes Teknike nr. 14731 e dt. 11. 10. 2024

  • Lëshimi i Nënstacionit të ri në Ferizaj – Rizvanolli premton se nuk do të ketë më reduktime të ashpra të energjisë elektrike

    Nënstacionit elektrik “Kastrioti” në Ferizaj i është prerë shiriti të enjten, më 23.01.2025.

    Ministrja e Ekonomisë, Artane Rizvanolli, gjatë përurimit të këtij Nënstacioni tha se tani do të marrin fund reduktimet e rrymës – jo vetëm në këtë qytet, por edhe në Komunat përreth.

    Reduktime në qytet dhe rrethinë ka pasur edhe pesëmbëdhjetë minuta para Ceremonisë së Inaugurimit të Nënstacionit 110/35/10(20) Ferizaj 3 – “Kastrioti”, që është zhvilluar sot në orën 13:00, afër Fabrikës së Tubave në Ferizaj.

    “Ky investim jo vetëm që do të mundësojë furnizim të sigurt dhe të besueshëm për më shumë se 12 mijë konsumatorë të Ferizajit, por gjithashtu do të mbështesë edhe një zhvillim të qëndrueshëm të zonës dhe do të krijojë mundësi të reja për rritjen e sektorëve të ndryshëm ekonomik.” – ka thënë Rizvanolli, duke theksuar më nuk do të ketë reduktime të ashpra të energjisë elektrike.

    Ferizaj ka më shumë se një muaj që po përballet me reduktime.

    KEDS-i fajësonte mungesën e infrastrukturës, si një prej arsyeve pse rrjeti nuk po përballonte përmbushjen e kërkesës së konsumatorëve.

    Reduktime ka pasur edhe mbrëmë, kur Ferizaj mbeti pa energji elektrike, prej orës 17 deri në orët e hershme të mëngjesit të sotëm.

    KEDS-i ka njoftuar se kjo ndërprerje ishte shkaktuar për shkak të punimeve, që po bëheshin në Nënstacionin Ferizaj 3.

    “Goxha kemi vuajt.” – i ka thënë kryetari i Ferizajit, Agim Aliu ministres Rizvanolli, ende pa filluar ceremonia për prerjen e shiritit.

    Ndryshe prej Rizvanollit dhe zyrtarëve të lartë të KOSTT-it, Aliut nuk i është dhënë fare fjala në ceremoninë e organizuar nga KOSTT-i, por Aliut iu dhanë një palë gërshërë për t’iu bashkuar prerjes së shiritit me mbishkrimin e KOSTT-it.

    Zyrtarët e KOSTT-it kanë bërë të ditur se projekti ka kushtuar rreth 7.8 milionë euro.

    “Dhe, efektet e tij pritet që të arrihen në ditët dhe muajt e ardhshëm.” – ka thënë Gëzim Tosuni, kryetar i Bordit të KOSTT-it.

    Edhe kryeshefi ekzekutiv i KOSTT-it, Evetar Zeqiri ka thënë se Nënstacioni Ferizaj 3 është shumë i rëndësishëm për furnizimin e qytetarëve dhe bizneseve të Ferizajit me energji elektrike.

    “Ky Nënstacion i ka pasur sfidat e veta të përfundimit, të cilat në bashkëpunim me të gjitha palët, i kemi tejkaluar.” – ka thënë Zeqiri.

    “Ky është projekt strategjik, i realizuar me përkushtim të të gjithë neve dhe shënon një periudhë të re në Komunën e Ferizajt, sepse do të mbështetë qytetarët dhe bizneset në tërësi”.