Ballina

Etiketë: ferizaj

  • Nxënësit e fshatit Sazli u shkojnë për vizitë policëve në Ferizaj

    Drejtoria Rajonale e Policisë në Ferizaj ka pritur në vizitë disa nxënës të Shkollës Fillore të Mesme të Ulët “Arsim Rexhepi” nga fshati Sazli i Ferizajt, më 31.01.2025.

    Nxënësit e Shkollës “Arsim Rexhepi” janë shoqëruar nga mësueset e tyre, kurse pjesëtarët e Policisë në Ferizaj i informuan ata për strukturën, detyrat dhe përgjegjësitë e institucionit të tyre të sigurisë.

    “Gjatë vizitës, nxënësit shprehën interes të veçantë për rolin e Policisë në ruajtjen e rendit dhe sigurisë publike, duke bërë pyetje dhe duke mësuar më shumë rreth funksionimit të saj” – ka njoftuar Policia, më 31.01.2025.

    Policia shton se në shenjë mirënjohjeje për këtë mundësi edukative, nxënësit u kanë dorëzuar një letër falënderimi dhe në përfundim të vizitës kanë intonuar himnin e Policisë para objektit të Drejtorisë Rajonale.

    Policia në Ferizaj vlerëson dhe inkurajon iniciativa të tilla, pasi konsideron se kontribuojnë në edukimin dhe ndërgjegjësimin e të rinjve mbi rëndësinë e sigurisë dhe respektimit të ligjit.

     

  • Dyshohet se i panjohuri hyri me veturë në varreza dhe preu trupa drunjsh – Policia po heton rastin në Ferizaj

    Policia e Kosovës në Ferizaj ka njoftuar se kanë pranuar një raportim, se një person i panjohur me veturë ka hyrë në varreza dhe ka prerë pesë trupa drunjsh.

    Rasti ka ndodhur në fshatin Rakaj, më 30.01.2025, rreth orës 22:00 dhe është cilësuar si “dëmtim prone” – thekson Policia.

    Sipas njoftimit të Policisë, rasti i nënshtrohet procedurave të mëtejme hetimore.

  • Publikoi fotografi me armë zjarri – Policia interviston dy persona në Ferizaj

    Policia e Kosovës ka intervistuar dy persona, një 26-vjeçar dhe një 26-vjeçar në Ferizaj.

    Një 26 vjeçar me inicialet E.O. është intervistuar, pasi i njëjti kishte publikuar në rrjete sociale fotografi me armë zjarri.

    Pos tij organet e rendit kanë arritur të intervistojnë edhe V.A., 36 vjeç, i cili ishte pronari i armës dhe posedonte leje për të.

    Me vendim të Prokurorit, të dy personat janë liruar në procedurë të rregullt, ndërsa si provë materiale është sekuestruar një armë zjarri me 18 fishekë.

    Policia ka njoftuar se ndaj tyre është iniciuar rasti për veprën penale: “mbajtja në pronësi, kontroll ose posedim i paautorizuar i armës apo mjetit të rrezikshëm”.

  • I dehur sulmoi babain, vëllain dhe motrën e tij, arrestohet i dyshuari në Ferizaj

    Një person është arrestuar të mërkurën, më 29.01.2025, në Ferizaj.

    Ai dyshohet se nën ndikim të alkoolit kishte sulmuar babain, vëllain dhe motrën e tij.

    Sipas Policisë, viktimat kanë pranuar tretman mjekësor, ndërsa i dyshuari pas intervistimit, me vendim të Prokurorit, është dërguar në mbajtje.

  • Raportohen të zhdukura dy gra, në Prizren dhe në Ferizaj

    Policia e Kosovës ka njoftuar se janë raportuar të zhdukura dy gra në dy raste të ndryshme, në Prizren dhe në Ferizaj.

    Sipas Policisë, më 27.01.2025, në Prizren është raportuar se një grua ka dalë nga shtëpia dhe nuk dihet vendndodhja e saj.

    Ndërsa në rastin në Ferizaj – sipas Policisë – është raportuar një grua e cila më 24.01.2025 ka dalë nga shtëpia dhe nuk dihet për vendndodhjen e saj.

    Policia ka thënë se është duke i hetuar rastet.