Ballina

Etiketë: berat rukiqi

  • Mustafa (LDK): Investimet kapitale në Prishtinë janë bllokuar nga Qeveria Kurti

    Kandidati për deputet nga Lidhja Demokratike e Kosovës, Besian Mustafa, derisa ka folur për nevojën e një zhvillimi më të madh ekonomik në vend, ka përmendur “bllokadat buxhetore”, që sipas tij, ia ka shkaktuar Qeveria Kurti, Komunës së Prishtinës.

    Në “Debat Përnime”, më 24.01.2025, ai ka thënë se pavarësisht pengesave që i janë bërë qeverisjes së LDK-së në Prishtinë, prapë se prapë është shënuar rritje e investimeve kapitale në kryeqytet nga Përparim Rama.

    “Kryeministri aktual dhe secili ministër- pa përjashtim, që ka pasur mundësi ta bllokojë Prishtinën, e ka shfrytëzuar këtë mundësi. Në vitin 2024, e ke edhe deklaratën e kryetarit Rama që ka arritur investimet kapitale në 63%, përkundër secilës bllokadë të mundshme që i ka bërë kryeministri, ministri i Financave, [ministrja] e Arsimit”- tha Mustafa.

    Në lidhje me këtë foli edhe kandidati tjetër, Berat Rukiqi, i cili përmendi bordin e Organit Shqyrtues të Prokurimit (OSHP), që sipas tij, është i ndikuar politikisht nga partia në pushtet.

    “Ne do ta largojmë kancerin në kuptim për nga qasja, kancerin e investimeve publike në vend, Organin Shqyrtues të Prokurimit (OSHP). Ky organ duhet të jetë funksional, ky organ duhet të ketë afate të qarta ligjore, ky organ duhet të ketë rregulla që janë të barabarta për të gjithë”- tha Rukiqi.

    Gjithashtu, ai tha se me ardhjen e tyre në pushtet do të sigurohen që projektet e mëdha mos të ngecin në procedurat të gjata dhe të kenë një trajtim të veçantë, por pa u shkelur konkurrenca dhe aspekti ligjor.

    “Ne duhet me u siguru që projektet e mëdha, projektet kapitale, projektet e rëndësisë jetike për qytetarët e vendit të kenë trajtimin e veçantë, jo duke e shkelë konkurrencën, jo duke e shkelë ligjin, por jo edhe duke i vonuar, jo ne të hupim katër vjet të qeverisjes për shkak se dikush, një anëtar i bordit atje e krijon ndonjë pengesë”- ka thënë ai.

    “Debat Përnime” është format i cili do të transmetohet për një muaj rresht deri një ditë para Zgjedhjeve parlamentare të 9 shkurtit 2025. Kandidatët për deputetë nga partitë politike garuese, përveç që prezantojnë Programin e tyre, përballen me pyetjet e Jeta Xharrës, kryeredaktorit të KALLXO.com, Kreshnik Gashit dhe Visar Prebrezës nga “Krypometër”.

    Lëvizja Vetëvendosje (LVV) ka zgjedhur që gjatë fushatës për Zgjedhjet e 9 shkurtit të mos marrë pjesë në disa nga mediat në Kosovë. Kjo parti e ka arsyetuar mospjesëmarrjen në emisionet politike të shfaqura në mediume të caktuara, me pretendimin se gjoja ato media janë në pronësi të oligarkëve.

    RTV Dukagjini është në listën e këtyre mediave të “piketuara” nga LVV, e pikërisht në këtë televizion transmetohet emisioni “Debat Përnime” – prodhim i KALLXO.com.

    Mirëpo, për dallim nga partia në pushtet, partitë e tjera opozitare kanë pranuar të marrin pjesë në këtë Debat dhe t’u përgjigjen pyetjeve të gazetarëve të Kallxo-it.

    Jeta Xharra, drejtuese e “DebatPërnime” tha në nisje të debatit se Kosova vazhdon të jetë mes vendeve më të varfëra në rajon, derisa ekonomia vazhdon të jetë e bazuar në tregti dhe në kokurrencë jolojale.

    “Midis qendrës të Prishtinës, makiatoja pihet pa fatura fiskale. Kontabanda dhe taksa doganore vazhdojnë të shmangen në kufi. Trepça nuk arrin as të paguaj rrymën që e harxhon e leje me gjeneru. Ferronikeli nuk është duke prodhu. Baza e ekonomisë vazhdon me qenë tregtia ‘blej ma lirë, shitë ma shtrenjtë’”- tha Xharra.

    Për më shumë lexoni në linkun në vijim:

    https://kallxo.com/gjate/central-me-gaz-aviokompani-dhe-investime-miliardeshe-plani-i-ldk-se-per-zhvillimin-ekonomik/

  • LDK planifikon aplikimin e kuponëve fiskalë me QR kod

    Lidhja Demokratike e Kosovës (LDK) i konsideron biznesmenët si patriotë të ditëve të sotme.

    Këtë e tha kandidati për deputet nga kjo parti, Sokol Havolli, në emisionin “Debat Përnime” më 24.01.2025, teksa me bashkëpartiakë të tij, shpalosen planet e LDK-së për fushën e ekonomisë në vend.

    Havolli premtoi se me ardhje e tyre në pushtet do të bashkëpunojnë ngushtë me sektorin privat.

    “Bizneset e Kosovës në çdo mënyrë ne i shohim si patriotë të ditëve të sotme në Kosovë, sepse bizneset private janë pikërisht ato që e mbajnë shumicën e të punësuarve në vendin tonë”- tha Havolli.

    Ndërsa, kandidati tjetër Berat Rukiqi, foli për çështjen e fiskalizimit të bizneseve në Kosovë.

    Sipas tij, LDK do të funksionalizojë një metodë të re përmes së cilës mund të dihet nëse kuponi nuk është lëshuar nga ana e biznesit.

    “Është edhe çështja e QR kodit të cilin do ta instalojmë në kuponët fiskal, që pastaj secili do të ketë mundësi me u deklaru nëse nuk i është lëshuar kuponi fiskal. Por, për me stimulu kërkesën për kupon fiskal ky QR kod do të shërbejë edhe për kthim të mjeteve”- tha Rukiqi.

    Përveç kësaj, edhe në platformën e-Kosova pritet të mundësohet procesi i regjistrimit dhe licencimit të bizneseve, më qëllim që të krijohen lehtësira për bizneset.

    “Debat Përnime” është format i cili do të transmetohet për një muaj rresht deri një ditë para Zgjedhjeve parlamentare të 9 shkurtit 2025. Kandidatët për deputetë nga partitë politike garuese, përveç që prezantojnë Programin e tyre, përballen me pyetjet e Jeta Xharrës, kryeredaktorit të KALLXO.com, Kreshnik Gashit dhe Visar Prebrezës nga “Krypometër”.

    Lëvizja Vetëvendosje (LVV) ka zgjedhur që gjatë fushatës për Zgjedhjet e 9 shkurtit të mos marrë pjesë në disa nga mediat në Kosovë. Kjo parti e ka arsyetuar mospjesëmarrjen në emisionet politike të shfaqura në mediume të caktuara, me pretendimin se gjoja ato media janë në pronësi të oligarkëve.

    RTV Dukagjini është në listën e këtyre mediave të “piketuara” nga LVV, e pikërisht në këtë televizion transmetohet emisioni “Debat Përnime” – prodhim i KALLXO.com.

    Mirëpo, për dallim nga partia në pushtet, partitë e tjera opozitare kanë pranuar të marrin pjesë në debat dhe t’u përgjigjen pyetjeve të gazetarëve të Kallxo-it.

    Jeta Xharra, drejtuese e “DebatPërnime” tha në nisje të debatit se Kosova vazhdon të jetë mes vendeve më të varfëra në rajon, derisa ekonomia vazhdon të jetë e bazuar në tregti dhe në kokurrencë jolojale.

    “Midis qendrës të Prishtinës, makiatoja pihet pa fatura fiskale. Kontabanda dhe taksa doganore vazhdojnë të shmangen në kufi. Trepça nuk arrin as të paguaj rrymën që e harxhon e leje me gjeneru. Ferronikeli nuk është duke prodhu. Baza e ekonomisë vazhdon me qenë tregtia ‘blej ma lirë, shitë ma shtrenjtë’”- tha Xharra.

    Për më shumë lexoni në linkun në vijim:

    https://kallxo.com/gjate/central-me-gaz-aviokompani-dhe-investime-miliardeshe-plani-i-ldk-se-per-zhvillimin-ekonomik/

  • Havolli (LDK): Vendimi i parë do të jetë rritja e koeficientit të pagave në 150 euro

    Kandidatët për deputetë nga Lidhja Demokratike e Kosovës, kanë premtuar rritje ekonomike prej 5 për qind në vit, 5 miliardë euro investime kapitale si dhe rritje të koeficientit të pagës në 150 euro. Këto zotime, ata i dhanë gjatë emisionit “Debat Përnime”, teksa prezantuan programin zgjedhor të partisë së tyre për fushën e ekonomisë.

    Sipas tyre, nëse LDK vjen në pushtet, buxheti i Kosovës do të jetë 5 miliardë euro, e po aq miliardë do të jetë edhe shuma e investimeve përgjatë mandatit qeverisës.

    “5 për qind rritje ekonomike mesatare për çdo vit- në katër vitet e ardhshme; 5 miliardë euro buxhet në vitin e fundit të këtij mandati dhe 5 miliardë euro investime kapitale gjatë mandatit”- tha Besian Mustafa.

    Ndër vendimet e para që do marrë LDK-ja, nëse rikthehet në pushtet, sipas kandidatit tjetër, Sokol Havolli, pritet të jetë rritja e koeficientit të pagave në 150 euro.

    “Koeficienti 150 euro është njeri prej vendimeve të para. [Pastaj] rishikimi i buxhetit, sepse tani e kemi një buxhet që duhet të rishikohet dhe të orientohet konform programit të LDK-së”, tha ai.

    Se si do të arrihet rritja e menjëhershme e koeficientit për paga nga ana e “qeverisë së LDK-së” e shpjegoi kandidati, Berat Rukiqi.

    “Kemi me ba rishikim të buxhetit, vetëm se nuk e kalojmë normën prej 30%, dhe normalisht e bëjmë punën që të kemi të hyra të mjaftueshme. Ka Kosova pare që këta [LVV] nuk i kanë shfrytëzuar ” – tha ai.

    Gjithashtu, Rukiqi tha se efektet e punës së “qeverisjes së LDK-së” do të vërehen në vitin e dytë, e më së shumti në fundin e mandatit, kur sipas tij, “edhe priten të përfundojnë një numër i madh i projekteve”.

    Ndërsa, kandidati Besian Mustafa shpjegoi çështjen e investimeve kapitale, të cilat janë paraparë të jenë 5 miliardë euro për mandatin e parë.

    “Këto 5 miliardë euro që ne do t’i investojmë në katër vitet e ardhshme krijojnë aktivitet shtesë ekonomik 25 miliardë euro. Po e thjeshtësojmë në normë tatimore mesatare prej 10%. Për katër vite në 25 miliardë euro i bie 2.5 miliardë tatime shtesë vetëm nga gjenerimi shtesë ekonomik i këtyre 5 miliardë eurove”- tha Mustafa.

    “Debat Përnime” është format i cili do të transmetohet për një muaj rresht deri një ditë para Zgjedhjeve parlamentare të 9 shkurtit 2025. Kandidatët për deputetë nga partitë politike garuese, përveç që prezantojnë Programin e tyre, përballen me pyetjet e Jeta Xharrës, kryeredaktorit të KALLXO.com, Kreshnik Gashit dhe Visar Prebrezës nga “Krypometër”.

    Lëvizja Vetëvendosje (LVV) ka zgjedhur që gjatë fushatës për Zgjedhjet e 9 shkurtit të mos marrë pjesë në disa nga mediat në Kosovë. Kjo parti e ka arsyetuar mospjesëmarrjen në emisionet politike të shfaqura në mediume të caktuara, me pretendimin se gjoja ato media janë në pronësi të oligarkëve.

     RTV Dukagjini është në listën e këtyre mediave të “piketuara” nga LVV, e pikërisht në këtë televizion transmetohet emisioni “Debat Përnime” – prodhim i KALLXO.com.

    Mirëpo, për dallim nga partia në pushtet, partitë e tjera opozitare kanë pranuar të marrin pjesë në këtë Debat dhe t’u përgjigjen pyetjeve të gazetarëve të Kallxo-it.

    Jeta Xharra, drejtuese e “DebatPërnime” tha në nisje të debatit se Kosova vazhdon të jetë mes vendeve më të varfëra në rajon, derisa ekonomia vazhdon të jetë e bazuar në tregti dhe në kokurrencë jolojale.

    “Midis qendrës të Prishtinës, makiatoja pihet pa fatura fiskale. Kontabanda dhe taksa doganore vazhdojnë të shmangen në kufi. Trepça nuk arrin as të paguaj rrymën që e harxhon e leje me gjeneru. Ferronikeli nuk është duke prodhu. Baza e ekonomisë vazhdon me qenë tregtia “blej ma lirë, shitë ma shtrenjtë”- tha Xharra.

    Për më shumë lexoni në linkun në vijim:

    https://kallxo.com/gjate/central-me-gaz-aviokompani-dhe-investime-miliardeshe-plani-i-ldk-se-per-zhvillimin-ekonomik/

  • Plani i LDK-së për stabilitet energjetik në Kosovë

    Në kuadër të planit për zhvillimin ekonomik, Lidhja Demokratike e Kosovë (LDK), ka paraparë disa projekte që pretendon se do të ndikojnë në uljen e importit të energjisë elektrike.

    Duke e konsideruar si të frikshëm importin e energjisë elektrike që po e bënë aktualisht Kosova, kandidati për deputet nga kjo parti, Berat Rukiqi, thotë se në programin e tyre “Rruga e Re” është ofruar zgjidhja e kësaj problematike.

    “Është Termocentrali me gaz i cili e siguron një tranzicion më të lehtë energjetik, i rritë kapacitetet prodhuese si dhe ndikon në zvogëlimin e kërkesës për energji elektrike”- tha Rukiqi.

    Ndërsa, plani tjetër për çka do të mund të përdoret Termocentrali me gaz, sipas tij, është edhe përdorimi për amvisëri dhe për ngrohje.

    Kjo, sipas Rukiqit, ndikon në uljen e konsumit të energjisë elektrike dhe në nevojën për të blerë energji elektrike nga shtetet e tjera.

    Si zgjidhje tjetër në këtë drejtim, ai e sheh edhe këmbimin e energjisë elektrike me Shqipërinë .

    Ndërkaq, kandidati Besian Mustafa foli më në detaje për atë se çfarë parasheh programi i LDK-së për një stabilitet energjetik në Kosovë.

    “Në programin tonë janë shtesë 500 MW, rritje të kapacitetit të Kosovës B nga 520MW në 560 MW. Mos të harrojmë që ky projekt është ndalur për shkak të sanksioneve nga BE, sepse financimi është paraparë të jetë i BE-së”- tha Mustafa.

    Për këtë, ai u zotua se për katër vitet e ardhshme “në krye me LDK-në”, do përmbushen 90% e nevojave gjatë vitit me energji elektrike.

    “Por, në 90 për qind të vitit do t’i plotësojmë këto nevoja. Atë 10 përqindëshin e ditëve, që i bie rreth një muaj, me gjasë do të përfundojmë duke importuar, por jo përmes oligarkëve që kanë qenë dhe anëtarë të kryesisë të partisë në pushtet”- tha ai.

    Ndër të tjera, me “ardhjen e LDK-së në pushtet” premtohet se Zyra e Rregullatorit për Energji (ZRRE), do jetë një institucion i pavarur, “për t’u siguruar që çmimi reflekton realitetin në terren, por edhe nevojat socio-ekonomike”. Kështu tha Mustafa.

    Ndërkaq në kuadër të kësaj është paraparë edhe një masë lehtësuese që adreson rritjen e çmimit të energjisë, e që është eliminimi i TVSH-së për energjinë elektrike.

    “Debat Përnime” është format i cili do të transmetohet për një muaj rresht deri një ditë para Zgjedhjeve parlamentare të 9 shkurtit 2025. Kandidatët për deputetë nga partitë politike garuese, përveç që prezantojnë Programin e tyre, përballen me pyetjet e Jeta Xharrës, kryeredaktorit të KALLXO.com, Kreshnik Gashit dhe Visar Prebrezës nga “Krypometër”.

    Lëvizja Vetëvendosje (LVV) ka zgjedhur që gjatë fushatës për Zgjedhjet e 9 shkurtit të mos marrë pjesë në disa nga mediat në Kosovë. Kjo parti e ka arsyetuar mospjesëmarrjen në emisionet politike të shfaqura në mediume të caktuara, me pretendimin se gjoja ato media janë në pronësi të oligarkëve.

     RTV Dukagjini është në listën e këtyre mediave të “piketuara” nga LVV, e pikërisht në këtë televizion transmetohet emisioni “Debat Përnime” – prodhim i KALLXO.com.

    Mirëpo, për dallim nga partia në pushtet, partitë e tjera opozitare kanë pranuar të marrin pjesë në këtë Debat dhe t’u përgjigjen pyetjeve të gazetarëve të Kallxo-it.

    Jeta Xharra, drejtuese e “DebatPërnime” tha në nisje të debatit se Kosova vazhdon të jetë mes vendeve më të varfëra në rajon, derisa ekonomia vazhdon të jetë e bazuar në tregti dhe në kokurrencë jolojale.

    “Midis qendrës të Prishtinës, makiatoja pihet pa fatura fiskale. Kontabanda dhe taksa doganore vazhdojnë të shmangen në kufi. Trepça nuk arrin as të paguaj rrymën që e harxhon e leje me gjeneru. Ferronikeli nuk është duke prodhu. Baza e ekonomisë vazhdon me qenë tregtia ‘blej ma lirë, shitë ma shtrenjtë’”- tha Xharra.

    Për më shumë lexoni në linkun në vijim:

    https://kallxo.com/gjate/central-me-gaz-aviokompani-dhe-investime-miliardeshe-plani-i-ldk-se-per-zhvillimin-ekonomik/

     

     

  • Nëse ka oligark në Kosovë, LDK konsideron se ai është Martin Berishaj

    Kandidatët për deputetë nga Lidhja Demokratike e Kosovës (LDK), në emisionin “Debat Përnime”, kanë shpalosur një pjesë të programit të tyre “Rruga e Re” e cila lidhet më fushën e ekonomisë.

    Në kuadër të këtij debati, ata u pyetën nëse në Kosovë ka oligarkë, siç pretendon kryeministri aktual, Albin Kurti.

    Lidhur më këtë çështje, Berat Rukiqi, tha se “për populistët është shumë e lehtë me jep kategorizime të tilla”. Dhe, pasi bëri interpretimin e definicionit “oligark”, ai tha se në Kosovë nuk ka të tillë.

    “Në Kosovë nuk ka oligarkë. Nuk kemi ne sektorë të minierave. Për ata që nuk na kuptojnë, le ta sqarojmë se çka është oligarkia. Oligarkia ka dalë si term në vendet e Lindjes, në atë tranzicionin e egër ku është plaçkit prona shtetërore e atyre shteteve dhe pastaj janë krijuar oligarkët nga asetët shtetërore. Nuk kemi të tillë në Kosovë”- tha Rukiqi, më 24.01.2025.

    Argument tjetër që në Kosovë nuk ka oligarkë, sipas tij, është edhe fakti se vetë tranzicioni që ka kaluar Kosova si shtet nuk mundëson një fenomen të tillë.

    Mirëpo, përkundër kësaj ky kandidat për deputet mendon se nëse në Kosovë ka një oligark, atëherë ai është Martin Berishaj, të cilin sipas tij, e ka krijuar vetë qeveria e drejtuar nga Albin Kurti.

    “Nëse ka oligarkë që e ka kriju kjo Qeveri, ai është Martin Berishaj”- tha ai.

    I pyetur se si do jetë qasja e LDK-së në rast se vjen në pushtet ndaj njerëzve të tillë, Rukiqi tha se “ LDK nuk e lufton [atë]. [Por] E lufton sistemi, rendi dhe ligji”.

    Madje, rastin e ambasadorit Berishaj, ai e konsideron konflikt të pastër interesi.

    “Është konflikt i pastër interesi në radhë të parë e pastaj edhe ato të gjitha kontratat tjera që janë në hetim. Nuk dua ta komentoj punën e organeve të rendit, por nëse ka një oligark që e ka përdor dhe keqpërdor një aset për shitblerje të energjisë dhe kontrata të dëmshme që janë nën hetim, ai është Martin Berishaj me plotë të tjerë”- thotë Rukiqi.

    Ndërsa, kandidati tjetër Besian Mustafa, lidhur më këtë përmendi institucionin e Autoritetit të Konkurrencës që e ka për detyrë kushtetuese dhe ligjore që të sigurojë që ka konkurrencë në përgjithësi, e që sipas tij, me ardhjen e kësaj qeverie ky institucion për dy vite u la jashtë funksionit, duke mos e emëruar bordin e tij.

    Përveç kësaj, sipas Mustafes, njëjtë u veprua edhe me Organin Shqyrtues të Prokurimit (OSHP) duke mos e emëruar bordin për dy vite, e që sipas tij, është kuptuar pse nuk ka ndodhë një emërim i tillë.

    “Sepse për katër vite keqpërdorën 280 milionë euro me tenderë njëburimor, që unë i quaj tenderë që u kanë dhënë dostave të tyre në dhoma të errëta- ti e merr këtë tender, ti këtë tender, ti 10 milionë, ti 15 milionë. Një qeveri që pretendon që ka oligarkë në Kosovë, bën saktësisht veprime që dërgon në bërjen e oligarkëve”- tha Mustafa.

    Për të njëjtën çështje foli edhe kandidati tjetër për deputet, Sokol Havolli. Sipas tij, oligarkë janë ata që përcaktojnë politikat e qeverisë dhe një gjë e tillë po ndodhë në sektorin e energjisë.

    “Kur ndërlidhemi me komentimin e termit oligark, ajo do të thotë kush i përcakton politikat e qeverisë. Ne e shohim sot kush i përcakton politikat e sektorit energjetik në Kosovë. Politikat e sistemit energjetik në nivel të Qeverisë i menaxhon Martin Berishaj”- tha Havolli.

    “Debat Përnime” është format i cili do të transmetohet për një muaj rresht deri një ditë para Zgjedhjeve parlamentare të 9 shkurtit 2025. Kandidatët për deputetë nga partitë politike garuese, përveç që prezantojnë Programin e tyre, përballen me pyetjet e Jeta Xharrës, kryeredaktorit të KALLXO.com, Kreshnik Gashit dhe Visar Prebrezës nga “Krypometër”.

    Lëvizja Vetëvendosje (LVV) ka zgjedhur që gjatë fushatës për Zgjedhjet e 9 shkurtit të mos marrë pjesë në disa nga mediat në Kosovë. Kjo parti e ka arsyetuar mospjesëmarrjen në emisionet politike të shfaqura në mediume të caktuara, me pretendimin se gjoja ato media janë në pronësi të oligarkëve.

    RTV Dukagjini është në listën e këtyre mediave të “piketuara” nga LVV, e pikërisht në këtë televizion transmetohet emisioni “Debat Përnime” – prodhim i KALLXO.com.

    Mirëpo, për dallim nga partia në pushtet, partitë e tjera opozitare kanë pranuar të marrin pjesë në këtë Debat dhe t’u përgjigjen pyetjeve të gazetarëve të Kallxo-it.

    Jeta Xharra, drejtuese e “DebatPërnime” tha në nisje të debatit se Kosova vazhdon të jetë mes vendeve më të varfëra në rajon, derisa ekonomia vazhdon të jetë e bazuar në tregti dhe në kokurrencë jolojale.

    “Midis qendrës të Prishtinës, makiatoja pihet pa faturë fiskale. Kontabanda dhe taksa doganore vazhdojnë të shmangen në kufi. Trepça nuk arrin as të paguaj rrymën që e harxhon e lëme më me gjeneru. Ferronikeli nuk është duke prodhu. Baza e ekonomisë vazhdon me qenë tregtia ‘blej ma lirë, shitë ma shtrenjtë’”- tha Xharra.

    Për më shumë lexoni në linkun në vijim:

    https://kallxo.com/gjate/central-me-gaz-aviokompani-dhe-investime-miliardeshe-plani-i-ldk-se-per-zhvillimin-ekonomik/