Dy persona të dyshuar janë arrestuar nga Policia e Kosovës, nën dyshimin se kanë kanosur një gazetar përmes rrjeteve sociale.
Sipas Raportit 24-orësh të Policisë së Kosovës, kanosja dyshohet se ka ndodhur më 18 dhe 19.01.2025.
Në njoftimin e datës 24.01.2025 bëhet e ditur se pas intervistimit, me vendim të Prokurorit, të dyshuarit janë dërguar në mbajtje.
Rasti i cili ka ndodhur më 23.01.2025 është inicuar, si: “kanosje”.
Në dy raste të ndara, Policia e Kosovës në bashkëpunim me Prokurorinë e Prishtinës ka arrestuar gjashtë persona: pesë gra dhe një burrë, nën dyshimet për organizim prostitucioni.
Në rastin e parë, Policia arrestoi dy gra nën dyshimin se kishin marrë një objekt banesor me qira, me qëllim të shfrytëzimit për veprën “mundësim ose detyrim në prostitucion”.
“Policia e Kosovës, në bashkëpunim me Prokurorinë Themelore Prishtinë, pas dyshimeve për kryrje të veprës penale ‘mundësim ose detyrim në prostitucion’ kanë arrestuar dy femra shtetase të Republikës së Kosovës, pasi dyshohet se të njëjtat kishin marrë një objekt banesor me qira, me qëllim të shfrytëzimit për kryrjen e kësaj vepre.” – thuhet në njoftimin e Policisë.
Lidhur me rastin dy të dyshuarat, me vendim të Prokurorit, janë dërguar në mbajtje për 48 orë.
Derisa, në rastin e dytë Policia njofton se arrestoi katër persona – tri shtetase të Shqipërisë dhe një shtetas të Kosovës, nën dyshimin se në dy lokale ofruan shërbime seksuale me pagesë.
“Policia e Kosovës, respektivisht DHTNJ, pas ndërmarrjes së veprimeve hetimore, në bashkëpunim me Prokurorinë Themelore – Prishtinë, pas dyshimeve për kryrjen e veprës penale “mundësim ose detyrim në prostitucion” dhe “ofrim i lokaleve për prostitucion” kanë arrestuar katër persona (tri femra shtetase të Republikës së Shqipërisë dhe një mashkull kosovar), nën dyshimin se të njëjtit në dy lokale në Rajonin e Prishtinës dyshohet se kanë ofruar shërbime seksuale me pagesë.” – bëhet e ditur më tej nga Policia.
Sipas njoftimit, të gjithë të dyshuarit, me vendim të Prokurorit, janë dërguar në mbajtje për 48 orë.
Policia në Ferizaj ka arrestuar dy persona: F. Xh. (51 vjeç) dhe Sh. L. (29 vjeç), nën dyshimin se më 20.01.2025, pas përfshirjes në një koflikt me disa persona, me shkopinj druri dëmtuan xhamat e një automjeti dhe më pas ishin larguar.
Policia përmes një komunikate bëri të ditur se njëri i dyshuar që u arrestua më 20 janar pranoi se posedonte armë zjarri.
“Pas mbërritjes në vendngjarje, Policia ka identifikuar fillimisht personin F.Xh. (M/K), 51 vjeç, i cili është shoqëruar në Stacionin Policor. Gjatë intervistimit, ai ka pranuar se posedonte një armë zjarri, e cila është sekuestruar nga Policia. Me vendim të Prokurorit të Shtetit, F.Xh. është ndaluar për 48 orë, ndërsa hetimet kanë vazhduar për identifikimin e personave të tjerë të përfshirë.” – bën të ditur Policia.
Derisa, më 22 janar është arrestuar edhe i dyshuari i dytë Sh. L., tek i cili po ashtu është sekuestruar një armë zjarri.
“Pas një pune intensive hetimore dhe mbledhjes së informacioneve në terren, më 22.01.2025, Policia ka arritur të identifikojë dhe të arrestojë një tjetër të dyshuar, Sh.L. (M/K), 29 vjeç. Ai është shoqëruar në Stacionin Policor në Ferizaj dhe pas intervistimit nga hetuesit, me vendim të Prokurorit të rastit, është ndaluar për 48 orë. Gjatë kontrollit, Policia ka sekuestruar një armë zjarri (pistoletë).” – thuhet me tej nga Policia.
Derisa, hetimet po vazhdojnë për identifikimin dhe kapjen e personave të tjerë të dyshuar, të përfshirë në këtë rast.
Rasti po trajtohet, si: “kanosje, asgjësim apo dëmtim i pasurisë dhe mbajtje të paautorizuar të armëve”.
Pas arrestimit të 35-vjeçarit P.L. më 17.01.2025, Policia ka njoftuar se sot, më 21.01.2025, është arrestuar edhe 28-vjeçarja F.L.
Këta dy persona dyshohen për vjedhje të rëndë në afërsi të Kaçanikut më 23.10.2024.
Fjala është për vjedhjen e një veture “BMW X5” me targa vendore.
Sipas Policisë, nga hetimet rezulton se vetura ishte nxjerrë jashtë kufirit të Kosovës dhe ishte shitur.
“Pas intervistimit dhe me vendim të Prokurorit të Shtetit, e dyshuara është ndaluar për 48 orë”- thuhet në njoftim.
https://kallxo.com/lajm/kapet-i-dyshuari-per-vjedhjen-e-vetures-ne-kacanik-bmw-x-5-ishte-shitur-jashte-vendit/
Një person i dyshuar për një rast të kanosjes është arrestuar nga Policia, të hënën, më 20.01.2025.
Sipas Policisë, ngjarja ka ndodhur rreth orës 14:00, në një lokal në Çagllavicë.
Tek i dyshuari është gjetur dhe sekuestruar një armë zjarri dhe 50 fishekë.
Personi i dyshuar është Y. S., 56 vjeç, shtetas i Republikës së Kosovës.
“Me vendimin e Prokurorit të shtetit është dërguar në Qendrën e Mbajtjes prej 48 orësh, për veprat “kanosje” dhe “mbajtja në pronësi, kontroll ose posedim të paautorizuar të armës”. Aktualisht, hetuesit policorë po punojnë për sqarimin dhe zbardhjen e plotë të motiveve dhe rrethanave të ngjarjes.” – thuhet në njoftimin e Policisë, më 21.01.2025.