Ballina

Autor: Veronë Zymberi

  • Trump fton Netanyahun në Shtëpinë e Bardhë – thotë Izraeli

    Kryeministri izraelit Benjamin Netanyahu është ftuar nga presidenti amerikan Donald Trump për një takim në Shtëpinë e Bardhë, më 04.02.2025 – ka thënë Zyra izraelite të martën.

    “Netanyahu është lideri i parë i huaj i cili është ftuar në Shtëpinë e Bardhë në mandatin e dytë të Trumpit.” – është thënë në deklaratë.

    Një zyrtar i Shtëpisë së Bardhë e ka konfirmuar ftesën dhe ka thënë se takimi do të realizohet “në fillim të javës tjetër”.

    “Hollësitë do të bëhen publike kur të finalizohen.” – ka thënë ky zyrtar.

    Takimi mes Trumpit dhe Netanyahut vjen pasi Presidenti amerikan ka deklaruar se është përgjegjës për arritjen e armëpushimit në mes të Izraelit dhe Hamasit në Gazë, pas disa muajve të negociatave të pasuksesshme.

    Hamasi është grup palestinez që udhëheq Gazën, i shpallur terrorist nga Shtetet e Bashkuara dhe Bashkimi Europian.

    Përgjatë mandatit të parë Trump ka thënë shpesh se Izraeli “nuk ka pasur kurrë mik më të mirë në Shtëpinë e Bardhë” dhe kjo gjë është pohuar shpesh nga Netanyahu.

    Pak pas nisjes së mandatit të dytë, Trump e ka miratuar dërgimin e 2.000 bombave në Izrael, ndonëse ish-presidenti Joe Biden nuk pati lejuar diçka të tillë.

    Netanyahu e ka përshëndetur Trumpin që i ka ofruar Izraelit ato që i ka konsideruar “pajisje” për të mbrojtur veten./REL

  • IPK nis hetime për një rast të shkrepjes aksidentale të armës së zjarrit të një zyrtari policor në Mitrovicë të Jugut

    Inspektorati Policor i Kosovës njofton se ka nisur hetimet për një rast të shkrepjes aksidentale të armës të një zyrtari policor.

    Zëdhënësi i IPK-së, Arbër Beka, ka konfirmuar për KALLXO.com se rasti ka ndodhur në një pompë të derivateve në afërsi të Mitrovicës së Jugut, të martën, më 28.01.2025. 

    Beka tha se për këtë rast nuk ka ndonjë të lënduar, por se janë shkaktuar vetëm dëme materiale. 

    “Hetuesit e IPK-së kanë filluar të ndërmarrin veprimet fillestare hetimore në koordinim më prokurorin kompetent kurse veprimet tjera do të ndërmirren konform autorizimeve ligjore të Inspektoratit Policor”- theksoi Beka. 

    Për rastin ai tha se IPK është njoftuar nga Policia.

  • NATO e gatshme të punojë me Sorensenin si ndërmjetësues në dialogun Kosovë-Serbi

    NATO-ja ka shprehur gatishmëri për të punuar ngushtë me Peter Sorensenin kur të nisë zyrtarisht punën si i dërguar i Bashkimit Evropian për dialogun mes Kosovës dhe Serbisë.

    Pozita e tij është konfirmuar një ditë më parë, dhe ai do të nisë punën më 1 shkurt.

    “Vazhdimi i bashkëpunimit mes NATO-s dhe BE-së është kyç për ruajtjen e stabilitetit në rajonin e Ballkanit Perëndimor”, ka thënë zëdhënësja e NATO-s, Allison Hart përmes një postimi në X – platformë e njohur më parë si Twitter.

    Më herët gjatë ditës, i dërguari në shkuarje i BE-së për dialogun, Mirosllav Lajçak, ka thënë se është takuar me pasardhësin e tij, dhe janë duke u siguruar që transicioni të ndodhë sa më lehtë që është e mundur.

    Lajçak ka qenë në pozitën e ndërmjetësuesit për pesë vjet. Përgjatë mandatit të tij është arritur Marrëveshja për normalizimin e marrëdhënieve mes dy vendeve, por nuk është bërë asnjë hap drejt zbatimit të saj.

    Po të martën, emërimin e Sorensenit në pozitën e ndërmjetësuesit, e ka përshëndetuar edhe zëvendëskryeministri i Kosovës, Besnik Bislimi, njëherësh kryenegociator i Kosovës në dialogun me Serbinë.

    Ai ka thënë se pret qasje balancuese ndaj palëve, si parakusht për proces të suksesshëm drejt normalizimit të marrëdhënieve.

    Sorensen ka përvojë të gjatë diplomatike në strukturat e BE-së. Ai aktualisht është Këshilltar i lartë në Shërbimin e Veprimit të jashtëm të BE-së (EEAS) për diplomaci digjitale.

    Gjatë karrierës së tij diplomatike në BE, Sorensen ka ushtruar disa detyra në Ballkanin Perëndimor, përfshirë Kosovën, ku ka punuar në misionin e Kombeve të Bashkuara në Kosovë (UNMIK).

    Përvoja e tij nga rajoni thuhet se ka qenë edhe një prej argumenteve se pse kryediplomatja Kaja Kallas ka vendosur që ai të jetë pasardhësi i Lajçakut.

    Në të kaluarën, liderë të Kosovës, nisur nga presidentja e vendit, Vjosa Osmani e deri të kryeministri Albin Kurti, e kanë kritikuar Lajçakun për qasje të pabalancuar në dialog dhe për rreshtim me raste kah Serbia.

    Vetë Lajçak pati thënë në një intervistë për Radion Evropa e Lirë, muaj më parë, se pretendime të tilla nuk qëndrojnë dhe pati vlerësuar se shoqëritë në Kosovë dhe Serbi, nuk janë të gatshme për normalizim.

    Kosova dhe Serbia dialogojnë në Bruksel qysh prej vitit 2011.

    Palët kanë arritur një mori marrëveshjesh, por jo të gjitha janë zbatuar.

    Bashkimi Evropian u rikujton dy palëve shpesh se avancimi në procesin e dialogut është i lidhur me rrugën e tyre në integrimet euro-atlantike.

    Serbia gëzon statusin e vendit kandidat për anëtarësim në bllokun evropian dhe tashmë ka hapur disa kapituj për anëtarësim, ndërsa Kosova ka aplikuar për t’u bërë anëtare e BE-së, por aplikimi i saj nuk është shqyrtuar ende.

    Kosova është e vetmja në rajonin e Ballkanit Perëndimor që nuk ka status të vendit kandidat, ndonëse zyrtarë të lartë të BE-së thonë vazhdimisht se ardhmja e rajonit të Ballkanit është në bllok./REL

  • Punime në rrjet, KEDS tregon se ku do të ketë ndërprerje të rrymës të mërkurën

    Kompania për Distribuimin e Energjisë Elektrike në Kosovë (KEDS) bën të ditur se të mërkurën, më 29.01.2025, do të kryhen punime të domosdoshme për siguri të sistemit energjetik.

    Si rezultat i kësaj, në disa lokalitete do të ketë ndërprerje të rrymës.

    Ky është orari sipas rajoneve:

    Prishtinë

    Punime të domosdoshme për siguri të sistemit

    1.

    NS 110/10(20) [kV] Prishtina 7

    Nga Dalja 20[kV] J30 PR7 Dalja Nr.8 do të ndërprehet:

    NS 20/0.4 [kV] Matiçani 2 (kodi: 19000079005) nga ora 09:00 deri 14:00

    Vendet: Matiçani 2, një pjesë e rr. Muharrem Fejza.

    Arsyeja: Ndërprerje për siguri, rritja e fuqisë së transformatorit dhe ndërrimi i pozicioneve  të kthinave me transformatorin.

    2.

    Nga NS 35/10[kV] Mazgiti do të ndërprehet:

    Dalja 10[kV] Breznicë (kodi: 15019009) prej orës 10:00 deri 10:15 dhe nga 12:15 deri 12:30.

    Vendet: Breznica, Kozarica, Barileva, Lebanë.

    Arsyeja: Krijimi i kushteve të punës pa tension, largimi i siguresave të tensionit të mesëm.  

    3.

    NS 35/10kV Mazgiti  do të ndërprehet:

    NS 10/0.4 kV TS Konsumatorët e fshatit Lebanë (kodi:15019009193) prej orës 10:00 deri në ora 14:30

    Vendet: Një pjesë e fshatit Lebanë .

    Arsyeja: Ndërprerje për siguri- ndërrimi i transformatorit.

    4.

    Nga NS 220/35/10 [kV] Podujevë do të ndërprehet:

    Dalja 10[kV] J14 Bajqinë-Pollatë (kodi: 14000014)  nga ora 10:45 deri 11:00 dhe 14:45 deri 15:00  

    Vendet: Buzëllap, Doberdol, Kërpymeh, Metehi, Repë, Pollat, Dvorisht, Zhiti, Sylevicë, Brecë, Tërnavicë, Marincë, Bradash, Peran, Bajqinë, Murgull, Pakashticë e Poshme dhe rr,Vlora.

    Arsyeja: Krijimi i kushteve të punës pa tension, largimi i urave të tensionit të mesëm.

    5.

    NS 220/35/10 kV Podujevë

    Nga Dalja 10kV J14 Bajqinë-Pollatë do të ndërprehet:

    NS 10/0.4 [kV] TS Zakutë 1 (kodi: 14000014166) nga ora 10:45  deri në ora 15:00  

    Vendet: Zakutë 1.

    Arsyeja: Ndërprerje për siguri- punime në NS 10/0.4 [kV] Bajqinë te Shkolla.

    6.

    Nga NS 220/10 [kV] Drenasi do të ndërprehet:

    Dalja 10[kV] Llapushniku (kodi: 16100028) nga ora 11:00 deri në ora 12:00

    Vendet: Llapushniku, Orllat, Negroci, Vuqaku, Xhurgjicë, Shkolla Llapushnikut dhe Kleçkë e re.

    Arsyeja: Ndërprerje për siguri, montim i matjes në TS Orllat Bytyqët me kod: 16100028065.

    Pejë

    Punime në projekte investive

    1.

    Nga TS 110/10[kV] Deçani

    Ne  NS 10/0.4kV Stabilimenti Baran do të ndërprehen këta trafostacione: 

    1.TS 10/0.4 kV Lagjja Gashi Baran (kodi: 53000002049) nga ora 09:30 deri 17:00

    2.TS 10/0.4 kV Baran Kulla (Te Xhamia) (kodi: 53000002022) nga ora 09:30 deri 17:00

    3.TS 10/0.4 kV Shkolla (kodi: 53000002053) nga ora 09:30 deri 17:00

    Vendet: Barani – një pjesë.

    Arsyeja:  Projekt investiv, implementimi i punëve sipas projektit investiv.

    Prizren 

    Punime nga pala e tretë

    1.

    Nga TS 35/10 kV Dragash do të ndërprehet:

    Dalja 10kV Bellobrodi (kodi: 30036008) nga ora 12:00  deri 16:30

    Vendet: Bellobrad, Brrut, Kapre, Kosavë, Pllajnik, Shajne, Xërxe e Sharrit, Zgatar, Zym i Sharrit; afariste: ILVA” Buqe, Restoran Dasma Zym, TS-IPKO dhe Vala.

    Arsyeja: Dislokimi i rrjetit sipas zgjidhjes teknike.

    Ferizaj

    Punime në projekte investive

    1.

    Nga TS 35/10kV Shtime do të ndërprehet:

    LP 10kV J10 Petrova (kodi: 41046002)  nga ora 09:00 deri 16:00

    Vendet: rr. Ahmet Shtimja, Petrova, Reçaku (nje pjesë) dhe  Mullopolci.

    Arsyeja: Projekte investive, energjizimi i trafostacionit të ri.

     Gjakovë

    Punime të domosdoshme për siguri të sistemit

    1.

    Nga TS 10kV Gjakova II do të ndërprehet:

    Dalja 10kV Tranziti (kodi: 81000112)  nga ora 09:00 deri 10:00

    Vendet: rr. Tirana dhe rr. Skënderbeu.

    Arsyeja: Ndërprerje për siguri, kontrollimi dhe testimi i ndërprerësit.

    Gjilan

    Punime të domosdoshme për siguri të sistemit

    1.

    Nga NS 110/10 [kV] Gjilan 5 do të ndërprehet:

    Dalja 10[kV] Spitali (kodi:  63000018)  prej orës 10:45 deri 11:00 dhe nga ora 15:45 deri 16:00

    Vendet: rrugët: Agim Ramadani (një pjesë), Arben Isufi (një pjesë), Bekim Berisha (një pjesë), Bahtir Jahiri, Idriz Seferi, 7 Shtatori (një pjesë), Fadil Jakupi (një pjesë), Ferizajt, Hasan Remniku, Kodra e Dëshmorëve, Lagjëja e Malësisë, Lot Vaka (një pjesë), Murat Kryeziu, Naser Azemi (një pjesë), Nazim Budrika, Pas Kosova-Petrollit (një pjesë), Qarkore (një pjesë), Ramadan Zeka, Ramiz Cërnica, Rizah Poliqka (një pjesë) dhe një pjesë e fshatit Livoç i Ulët.

    Arsyeja: Krijimi i kushteve të punës pa tension, largimi i siguresave të tensuonit të mesëm.

     2.

    NS 110/10 [kV] Gjilan 5

    Nga  Dalja 10[kV] Spitali do të ndërprehen këto NS-a prej orës 10:45 deri në ora 16:00:

    1.NS 10/0.4[kV] Emini(kodi:63000018072)

    2.NS 10/0.4[kV] Livoç- te shkolla(kodi:63000018074)

    3.NS 10/0.4[kV] Livoç i Ulët -Xhamia(kodi:63000018075)

    4.NS 10/0.4[kV] Livoç i Ulët -Robaqepësi(kodi:63000018076)

    5.NS 10/0.4[kV] Muhaxherët e Livoçit(kodi:63000018077)

    6.NS 10/0.4[kV] Shpk KEMI (kodi:63000018078)

    7.NS 10/0.4[kV] Livoçi i Ulët (DIFIDI)(kodi:63000018080)

    8.NS 10/0.4[kV] Livoçi i Ulët (te Restorani)(kodi:63000018082)

    9.NS 10/0.4[kV] Bllacët e reja(kodi:63000018083)

    10.NS 10/0.4[kV] Te OSCE-Blind(kodi:63000018086)

    1. NS 10/0.4[kV] Riza Trans-Betonjerka(kodi:63000018088)

    12.NS 10/0.4[kV] SH.P.K. “ASK FOODS”  Erton Sefedin Namoni(kodi:63000018437)

    13.NS 10/0.4[kV] Livoç i Ulët(kodi:63000018438)

    14.NS 10/0.4[kV] TS-privat, ”Rino-Pack”, Faton Vebi Demaj (kodi:63000018470)

    Vendet: Livoç i Poshtëm, një pjesë e Gjilanit.

    Arsyeja: Ndërprerje për siguri- rritja e fuqisë së transformatorit nga 630kVA ne 1000kVA dhe adaptimi i blindës nga ekipi e inxhinieringut  TS-083 Bllacët.

     * * * 

     Punime nga pala e tretë

    1.

    Nga TS 35/10[kV] Gjilani IV do të ndërprehet:

    LP 10kV Arbëria (kodi: 60063012) nga ora 10:00 deri 16:00

    Vendet: Konsumatorë pjesërisht në rrugët:Arben Ramadani, Hysen Tërpeza, Arbëri, Lidhja e Prizrenit dhe Velikinca te Vishnjet).

    Arsyeja: Punët që duhet të kryhen sipas pëlqimit elektro-energjetik dhe projektit të aprovuar.

  • Protestat në Serbi, bllokohet rruga në Kralevë, qytetarët e Kosovës inkurajohen të shmangin kalimet në pikën kufitare në Jarinjë 

    Qendra Kombëtare për Menaxhim Kufitar e Kosovës njofton se rruga në Kralevë, në Serbi, është bllokuar nga protestuesit, të cilët nuk po lejojnë qarkullimin e automjeteve. 

    Andaj, lidhur me këtë, ata u kanë bërë thirrje qytetarëve që të shmangin rrugën që të shpie në pikën kufitare në Jarinjë dhe të ë shrytëzojnë pikat e tjera kufitare për qarkullim. 

     “Me qëllim të evitimit të kësaj rruge dhe pengesave në rrugë që shpiejnë në PKK Jarinje, inkurajojmë udhëtarët që të shfrytëzojnë PKK tjera, deri në njoftim tjetër. Ju falënderojmë për bashkëpunim. Për më shumë kontaktoni në numrat 045198000, 045198606 dhe në numrin pa pagesë 080050095”- thuhet në njoftimin e datës, 28.01.2025. 

    Ndryshe, mijëra studentë dhe qytetarë në Serbi, janë duke protestuar duke kërkuar përgjegjësi penale dhe politike për tragjedinë në qytetin e Novi Sadit, ku më 1 nëntor të vitit të kaluar 15 persona humbën jetën nga shembja e strehës në Stacionin Hekurudhor.

    Ndërkaq, si pasojë e këtyre zhvillimeve, kryeministri i Serbisë, Millosh Vuçeviq njoftoi të martën (28.01.2015) dorëheqjen nga posti.

    Dorëheqja vjen pas valës së protestave që kanë përfshirë Serbinë për më shumë se dy muaj.

    Presidenti i Serbisë, Aleksandar Vuçiq, tha sot, më 28.01.2o25, se është i hapur “edhe për qeveri të re, edhe për zgjedhje të reja”.