Ballina

Autor: Veronë Zymberi

  • Disa zona të Prishtinës të premten me reduktime të gjata të ujit

    Kompania Rajonale e Ujësjellësit “Prishtina” njofton se më 31.01.2025, nga ora 06:00 deri në orën 23:30, do të ketë ndërprerje të furnizimit me ujë të pijshëm në disa zona të Prishtinës. 

    Zona që nuk do të kenë furnizim me ujë, sipas KRU “Prishtina” janë: Lagjja Sofalia, rruga “Shpëtim Robaj”, Lagjja Taslixhe 1,2,3,4 deri tek Avalla, rruga “Xhavit Ahmeti”, rruga “Gani Balaj” dhe rruga “Sali Butka”.

    “Arsyeja e ndërprerjes bazohet në kërkesën e Komunës së Prishtinës për kyçjen e gypit fi 400 mm në rrugën ‘Xjavit Ahmeti’.” – thekson KRU “Prishtina”. 

  • FSK do të mbajë marsh stërvitor në Parkun e Gërmisë

    Komuna e Prishtinës njofton se Forca e Sigurisë së Kosovës (FSK) do të zhvillojë një marshim stërvitor në terren, sipas planit të trajnimeve. 

    Ky aktvitet do të mbahet më 07.02.2025, në Parkun e Gërmisë në Kryeqytet – thekson Komuna e Prishtinës. 

    “Lusim qytetarët për mirëkuptim dhe bashkëpunim gjatë realizimit të këtij ushtrimi.” – thuhet në njoftimin e datës 29 janar 2025. 

    Forca e Sigurisë së Kosovës (FSK) mbron sovranitetin dhe integritetin territorial, qytetarët, pronën dhe interesat e Republikës së Kosovës. Forca e Sigurisë së Kosovës (FSK) është një forcë ushtarake multietnike, profesionale, e armatosur dhe e autorizuar për të shërbyer në vend dhe jashtë vendit – në pajtim me kompetencat e dhëna kushtetuese dhe ligjore.

  • Raportohen dy vdekje të dyshimta brenda një dite

    Policia raporton për dy vdekje të dyshimta, në raste të ndryshme. 

    Në Istog, Policia thotë se dje më 28.01.2025, një person ka raportuar për një burrë se ishte pa shenja jete. 

    “Njësitë relevante kanë dalur në vendin e ngjarjes, ku mjeku kujdestar ka konstatuar vdekjen e viktimës.” – njofton Policia. 

    Ndërkaq, me vendim të Prokurorit, trupi i viktimës thuhet se është dërguar në Institutin e Mjekësisë Ligjore (IML) për ekzaminim. 

    Një vdekje e dyshimtë është raportuar edhe në Obiliq, dje më 28.01.2025. Ku një burrë është gjetur pa shenja jete.  

    Policia thotë se në vendin e ngjarjes kanë dalur Njësitë relevante, ku mjeku kujdestar ka konstatuar vdekjen e viktimës.

    Me vendim të Prokurorit, viktima është dërguar për ekzaminim në IML – thekson Policia e Kosovës. 

  • Pejë – Babai raporton se i është zhdukur vajza

    Një burrë në Pejë ka raportuar në Policinë e Kosovës se i është zhdukur vajza.

    Sipas Raportit policor, të lëshuar më 29.01.2025, prindi ka thënë se vajza është është larguar nga shtëpia më 12.01.2025, rreth orës 23:00 dhe se nuk dihet për vendodhjen e saj. 

    Policia thotë se po e heton rastin. 

     

  • KQZ drejtuar qytetarëve: Fuqia jonë qëndron në votën tuaj

    Pak javë para mbajtjes së Zgjedhjeve parlamentare në Kosovë, Komisioni Qendror i Zgjedhjeve (KQZ) u është drejtuar qytetarëve se më 09.02.2025 mund ta shfrytëzojnë të drejtën e tyre kushtetuese për të votuar. 

    Sipas KQZ-së përmes votës së lirë dëshmohet zhvillimi demokratik i shtetit të Kosovës. 

    “Komisioni Qendror i Zgjedhjeve është plotësisht i angazhuar për të siguruar një proces zgjedhor të drejtë, transparent dhe me integritet – duke garantuar të drejtën tuaj për të votuar. Mos harroni, fuqia juaj qëndron në votën tuaj. Vota Jote për Kosovën.” – shkruan KQZ, sot më 28.01.2025.

    Fushata pёr Zgjedhjet parlamentare nё Kosovё ka filluar zyrtarisht, mё 11.01.2025.

    Për njё muaj partitë politike pritet të mbajnë tubime elektorale me qytetarët, për të fituar besimin e tyre në garën për Zgjedhjet parlamentare të 9 shkurtit 2025. Për këto Zgjedhje janë certifikuar 28 subjekte politike, me 1,280 kandidatë. Këto do të jenë Zgjedhjet e para të rregullta, që Kosova mban që nga shpallja e pavarësisë më 2008.