Ballina

Autor: Veronë Zymberi

  • Pritjet e gjata në Merdarë, Policia bën thirrje që të shfrytëzohen pikat e tjera kufitare për të dalë nga Kosova 

    Për shkak të kolonave dhe pritjeve të gjata në dalje të pikës kufitare në Merdarë, Policia e Kosovës ka inkurajuar qytetarët që të përdorin edhe pikat e tjera kufitare për qarkullim. 

    Ata kanë kërkuar që për çdo informatë shtesë qytetarët të kontaktojnë në numrat e telefonit në QKMK 045198000, 045198606 dhe pa pagesë 080050095 ose duke klikuar në  në këtë link https://mpb.rks-gov.net/.

    Ndërkaq, KALLXO.com ka raportuar se pritje të gjata për të dalë nga Kosova janë regjistruar edhe sot më 04.01.2025, në pikat kufitare të Kosovës.

    Në bazë të të dhënave të Qendrës Kombëtare për Menaxhim Kufitar, në Merdarë pritjet janë deri në pesë orë për të dalë nga Kosova. 

    Në pikat kufitare te Dheu i Bardhë dhe në Muçibabë janë rreth 2 orë.

    Ndërkaq, në bazë të të dhënave të përditësuara më 04.01.2025, në orën 17:10, në Jarinjë pritjet për të dalë nga vendi janë deri në 50 minuta kurse në Mutivodë deri në një orë. Në Bërnjak, të dhënat tregojnë se pritjet janë të gjata deri në gjysmë ore. Ndërsa, në pikat tjera kufitare të vendit si në Glloboqicë, Hani të Elezit, Kullë, Qafë e Morinës, Qafë e Prushit, Staniq e Vërmicë, pritjet raportohen të jenë jo më të gjata se 5 minuta. 

    Në kohë reale gjatësinë e kolonave dhe orët e pritjes mund t’i përcillni KËTU.

  • Merdarë, deri në pesë orë pritje për të dalë nga Kosova

    Pritje të gjata për të dalë nga Kosova janë regjistruar edhe sot më 04.01.2025, në pikat kufitare të Kosovës.

    Në bazë të të dhënave të Qendrës Kombëtare për Menaxhim Kufitar, në Merdarë pritjet janë deri në pesë orë për të dalë nga Kosova. 

    Në pikat kufitare te Dheu i Bardhë dhe në Muçibabë janë rreth 2 orë.

    Ndërkaq, në bazë të të dhënave të përditësuara më 04.01.2025, në orën 17:10, në Jarinjë pritjet për të dalë nga vendi janë deri në 50 minuta kurse në Mutivodë deri në një orë. 

    Në Bërnjak, të dhënat tregojnë se pritjet janë të gjata deri në gjysmë ore. 

    Ndërsa, në pikat tjera kufitare të vendit si në Glloboqicë, Hani të Elezit, Kullë, Qafë e Morinës, Qafë e Prushit, Staniq e Vërmicë, pritjet raportohen të jenë jo më të gjata se 5 minuta. 

  • Ushtarët amerikanë të KFOR-it kryejnë patrullime ne veri të vendit (VIDEO)

    KFOR-i ka njoftuar se ushtarët amerikanë të Komandës Rajonale në Lindje, kanë kryer patrullime të monitoruara dhe të zbarkuara në veri të vendit. 

    Përmes një postimi në profilin e tyre në Facebook, ata bëjnë të ditur se këto përpjekje janë pjesë e misionit të përditshëm të KFOR-it për të garantuar një mjedis të sigurt dhe për të gjitha komunitetet që jetojnë në Kosovë.

    Tutje, KFOR-i njofton se do të vazhdojë të zbatojë mandatin e tij bazuar në Rezolutën 1244 të Këshillit të Sigurimit të OKB-së të vitit 1999 – për të kontribuar në një mjedis të sigurt për njerëzit dhe komunitetet që jetojnë në Kosovë dhe lirinë e lëvizjes.

    “KFOR-i punon në koordinim të ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX) në rolet e tyre përkatëse si reagues të sigurisë”- thuhet në njoftimin e datës 04.01.2025. 

  • Vdes 37-vjeçari në një vetaksident në Prelez të Ferizajt, Policia jep detaje

    Një 37 vjeçar ka mbetur i vdekur si pasojë e një vetaksidenti në magjistralen Ferizaj-Prishtinë, saktësisht në fshatin Prelez të Ferizajt.

    Kështu ka konfirmuar për KALLXO.com zëdhënësi i Policisë për Rajonin e Ferizajt, Kanun Vesei. Aksidenti raportohet se ka ndodhur mëngjesin e së shtunës, më 04.01.2025 dhe se në të ka qenë e përfshirë një veturë me targa vendore. 

    Sipas Veselit, nga hetimet e para, dyshohet se shoferi i veturës, derisa ishte duke qarkulluar nga Ferizaj në drejtim të Prishtinës, me të arritur të fshatin Prelez i Jerlive, ka humbur kontrollin mbi drejtimin e veturës.

    Kështuqë, i njëjti thuhet se ka kaluar në anën e majtë të rrugës duke goditur fillimisht ulësen në pikëstacionin e autobusëve dhe është ndalur në rrethojat e një autosalloni. 

    “Në vendin e ngjarjes ka dalë edhe një ekip i mjekëve nga Qendra Emergjente e Ferizajt, të cilët kanë konstatuar se shoferi F.I ( M/) i moshës 37-vjeçar është pa shenja jete”- ka shtuar Veseli më 04.01.2025. 

    Tutje, ai njofton se për të gjitha veprimet policore është njoftuar prokurori i shtetit, i cili ka dalë në vendin e ngjarjes dhe se me vendim të tij, trupi i pajetë i viktimës i është liruar familjarëve.

     

  • Ferizaj, shoqërohet në polici një 32-vjeçar për dhunë ndaj bashkëshortes

    Një 32-vjeçar është shoqëruar në polici për dhunë në familje në Ferizaj.

    Sipas Policisë së Kosovës, i dyshuari është arrestuar pas raportimit për dhunë ndaj bashkëshortes së tij.

    Raportimin organet e rendit e kanë marrë më 04.01.2025, në ora 10:50.

    “Një patrullë e policisë menjëherë është nisur në atë drejtim dhe ka shoqëruar në polici të dyshuarin mashkull, kosovar, i moshës 32 vjeç, i cili kishte shkaktuar dhunë në familje ndaj bashkëshortës së tij”- njofton Policia më 04.01.2025. 

    Policia ka njoftuar se të dyshuarit i është sekuestruar një armë zjarri (pistoletë).

    Ndërkaq, pasi është intervistuar nga hetuesit e Njësisë së Dhunës në Familje, me vendim të prokurorit kujdestar është liruar për procedurë të rregullt hetimore, thuhet në raportin policor.