Ballina

Autor: Shqipron Xhema

  • Tre të vdekur nga aksidenti në Çubrel të Skenderajt

    Një aksident trafiku me fataliet ka ndodhur në fshatin Çubrel të Skenderajt, në rrugën Mitrovicë-Pejë.

    Policia ka konfirmuar se nga aksidenti mbetën të vdekur tre persona.

    Sipas njoftimit të Policisë, janë përfshirë dy vetura në aksident, njëra nga to veturë e Policisë.

    Tre persona kanë humbur jetën dhe pesë të tjerë kanë mbetur të lënduar, katër prej tyre zyrtarë policorë- thekson Policia.

    “Njësitë policore dhe stafi menaxhues kanë dalur në vendin e ngjarjes, ndërsa për hetimet dhe shkaqet e aksidentit po merren hetuesit e njësitit rajonal të trafikut rrugor” – thuhet mes tjerash në njoftimin e Policisë.

    Kryetari i Skenderajt Fadil Nura ka shprehur ngushëllime për familjarët e viktimave.

  • Ngrohtë por me mjegull – parashikimi i motit për javën që vjen

    Instituti Hidrometeorologjik i Kosovës parasheh se gjatë javës që vjen (27-31.01.2025) pritet të rriten temperaturat në vend.

    Kushte për mjegull pritet të ketë në mëngjes, gjë e cila sipas IHMK-së mund të ndikojë në cilësinë e ajrit por që moti në përgjithësi do jetë më i ngrohtë se këtë javë.

    Cilësia e ajrit, përveç të mërkurën, pritet të jetë e dobët. Për këtë arsye IHMK rekomandon që personat me probleme të frymëmarrjet, fëmijët, të moshuarit, personat me sëmundje kronike të kufizojnë daljet gjaë orëve me mjegull dhe të shmangin zonat urbane.

    Të hënën pritet mot me diell e vranësira të shpërndara dhe me temperatura minimale mes -1 dhe 1 gradë Celsius kurse maksimalet mes 12 dhe 15.

    Të martën pritet po ashtu me diell dhe vranësira të shpërndara. Temperaturat minimale mes 0 dhe 3 gradë Celsius kurse me ato maksimale mes 13 dhe 16.

    E mërkurja pritet të jetë me shi dhe vranësira e me temperatura minimale 3 deri në 5 gradë Celsius dhe me maksimale 9 deri në 11.

    Mot i vranët pritet të enjten dhe me intervle të shkurtëra me diell. Minimalet priten mes 2 dhe 4 gradë Celsius kurse temperaturat maksimale mes 10 dhe 12.

    Vranësirat dhe periudhat e shkurtëra me diell priten edhe të premten. Në mëngjes parashihet të ketë kushte për mjegull. Temperaturat minimale do të lëvizin nga 0 deri në 3 gradë Celsius kurse maksimalet nga 10 në 12.

  • Osmani udhëton për Poloni, merr pjesë në ceremoninë e 80-vjetorit të çlirimit të Aushvicit

    Presidentja e Kosovës, Vjosa Osmani ka udhëtuar për në Poloni, në ceremoninë përkujtimore të 80-vjetorit të çlirimit të kampit nazist gjerman të përqëndrimit në Aushvic.

    Në këtë ceremoni kanë marrë pjesë edhe liderë të vendeve tjera të botës.

    “Gjatë ceremonisë, në përkujtim të viktimave të Holokaustit, me pjesëmarrësit do të ndahen rrëfimet prekëse të dy të mbijetuarve nga kampi i Aushvicit, duke rikujtuar një nga kapitujt më të errët të historisë njerëzore” – thuhet mes tjerash në komunikatën e Presidencës.

    Në vitin 2005, Kombet e Bashkuara kanë shpallur 27 janarin – Ditë Ndërkombëtare të Përkujtimit të Holokaustit.

    “Aushvici është simbol i Holokaustit dhe mizorive të Luftës së Dytë Botërore. Në vitin 2005, Kombet e Bashkuara shpallën 27 janarin Ditë Ndërkombëtare të Përkujtimit të Holokaustit, për t`i kujtuar viktimat dhe për ta nxitur botën që të angazhohet për të mos lejuar kurrë më përsëritjen e tmerreve të tilla” – thuhet tutje në komunikatë.

     

  • Akuzat ndaj Prokurorisë, posterët e videot në Kuvend – PZAP gjobit disa subjekte politike

    Të dielën e 26.01.2025, Paneli Zgjedhor për Ankesa dhe Parashtresa ka publikuar disa vendime për ankesat e dorëzuara aty nga disa parti politike.

    Gjoba për partitë politike janë dhënë për posterë e video të tyre në institucione publike.

    Lëvizja Vetëvendosje është gjobitur me 6 mijë euro nga Paneli Zgjedhor për Ankesa dhe Parashtresa pas ankesave së Partisë Demokratike të Kosovës.

    PDK u ankua për një video të kandidatit për deputet Haxhi Avdyli brenda Klinikës së Neurokirurgjisë. Po ashtu u ankua për një video të Albena Reshitajt në hapësirat e Kuvendit të Kosovës dhe për një foto të Agon Batushës po ashtu në Kuvend. Një ankesë tjetër u drejtua për Besim Muzaqi për një video të tij në Kuvendin e Kosovës.

    PZAP ka gjetur se u shkel neni 34, paragrafi 1 i Ligjit për Zgjedhjet e Përgjithshme.

    1 mijë e 500 euro është gjoba ndaj Koalicionit për Familjen pas ankesës së LVV-së e cila u ankua për posterin e kandidates Dorentina Kokollari në Suharekë.

    PZAP ka gjetur se kandidatja Kokollari ka shfrytëzuar jashtëligjshëm shtyllën elektrike në rrugën ‘Xhavit Bajraktari’.

    3 mijë e 500 euro është gjoba për koalicionin AAK-NISMA-Intelektualët-Konservatorët.

    LVV u ankua për posterët e Albana Bytyqit dhe Driton Maliqit. PZAP gjeti se posterët e tyre ishin vendosur pa leje nga Komuna e Suharekës.

    LVV-së iu refuzua ankesa për posterët e Doruntina Malokut në Prishtinë, kjo për shkak se PZAP gjeti se Maloku kishte pëlqim nga Parking Center Publike.

    5 mijë euro është gjoba për LVV-në pas ankesës së PDK-së se kandidatja për deputete Albena Reshitaj ka shpërndarë një fotografi në një nga tubimet e VV-së, në fotografi gjendej një parullë që mes tjerash shkruante ‘Prokuroria e Kosovës e kapur nga hajnat, Qeveria Kurti i qoi në Gjyakta 250 lëndë’.

    PZAP ia hodhi poshtë ankesën e LDK-së ndaj LVV-së, saktësisht kandidatit për deputet Hajrulla Çeku. LDK u ankua se Çeku ka përdor gjuhë nxitëse e provokuese kur në një postim në facebook ku mes tjerash shkruante ‘Lodhja demokratike nuk kalon’.

    Në vendim thuhet se pretendimet janë të pabazuara dhe nuk mund të thuhet se kandidati Çeku ka shkelur nënin 34, pika 1.11 të Ligjit për Zgjedhjet e Përgjithshme.

    3 mijë e 700 euro iu dha gjobë koalicionit AAK-NISMA-Intelektualët-Konservatorët.

    Kjo për shkak se LVV u ankua për posterë të Nuredin Lushtakut në Skenderaj. PZAP gjeti se posterët janë vendosur në hapësira publike, ndërtesa publike, në kundërshtim me nenin 34, paragrafi 1, nënparagrafi 1.2 i Ligjit për Zgjedhjet e Përgjithshme.

    PZAP ia refuzoi një ankesë LVV-së për posterë të kandidatit të PDK-së Xhevahir Geci. Sipas PZAP-së ankesa se posterët janë të vendosur në hapësira publikë, ndërtesë të banimit kolektiv, për PZAP-në është e pabazuar.

    3 mijë e 500 euro gjobë është dhënë për LDK-në për shkak të posterëve të kandidates Arjeta Salihu Abazi në sheshin e Podujevës. Pas ankesës së LVV-së, PZAP gjeti se posterët ishin vendosur në ndërtesë kolektive dhe ka gjobitur LDK-në.

    Një ankesë e Partisë Liberale Egjiptiane ndaj Iniciativës së Re Demokratike është hedhur poshtë si e palejuar.

    PLE ishte ankuar se Elbert Krasniqi, kryetar i IRDK-së kishte shpërndarë një sport politik me fëmijë nën 16 vjeç.

    PZAP thotë se IRDK veçse është dënuar me 1 mijë e 500 në një vendim të më hershëm për këtë çështje.

  • Mbajtën të mbyllur një grua – Arrestohet një person në Tiranë, disa të tjerë në kërkim – VIDEO

    Policia e Shqipërisë ka njoftuar se u arrestua një prej personave të dyshuar për mbajtjen mbyllur të qytetares S.Q., më 09.1.2025 në Astir.

    I arrestuari është E.B 36 vjeçar nga Tirana, i cili sipas Policisë ka pasur raste penale të mëherëshme.

    E.B dyshohet se së bashku me disa të tjerë, të shpallur në kërkim mbajtën të mbyllur S.Q.

    “Gjithashtu, vijojnë hetimet në bashkëpunim me Prokurorinë, për dokumentimin e plotë ligjor të ngjarjes dhe identifikimin e personave të tjerë që mund të jenë përfshirë” – thuhet mes tjerash në njoftimin e Policisë së Shtetit.

    Për veprime të mëtejme, materialet procedurale i kanë kaluar Prokurorisë.