Ballina

Autor: Florinda Kelmendi

  • Një nënë në Mitrovicë pretendon se djali i saj po keqtrajtohet në shkollë, rasti po trajtohet nga Policia

    Nëna e një nxënësi të mitur të një shkolle fillore në Mitrovicë pretendon se djali i saj po rrahet, shantazhohet, ofendohet, kërcënohet me armë të ftohta nga nxënësit tjerë të shkollës.

    Pretendimet e saj, ajo i ka publikuar në një profil në Facebook të premten, më 31.01.2025.

    Ajo ka treguar se është nënë vetushqyese dhe se këto shqetësime për djalin e saj i ka ngritur te drejtori i shkollës, kujdestarja e klasës dhe te prindërit e fëmijëve që pretendon se po shkaktojnë dhunë ndaj tij.

    Prindi së bashku me djalin e saj të mitur thotë se është paraqitur në Policinë e Mitrovicës, më 31.01.2025, për këtë rast.

    Ajo pretendon se kujdestarja e klasës ku mëson djali i saj është në dijeni për rastin dhe se ka marrë masë ndëshkuese ndaj të miturit duke e larguar nga klasa.

    Më tej, prindi thotë se djalin e saj e kanë kaluar në një klasë paralele tjetër, dhe sipas saj, një fëmijë “problematik” dhe të tjerë kanë shkuar në atë paralele dhe kanë ushtruar dhunë fizike ndaj tij.

    Zëdhënësi i Policisë për Rajonin e Mitrovicës, Avni Zahiti në një përgjigje për KALLXO.com e ka konfirmuar se në orët e pasditës më 31.01.2025 kanë pranuar një raportim nga nëna e një nxënësi në raport me shkollën ku ai vijon mësimin.

    “Bazuar në kompetencat dhe autorizimet policore në koordinim edhe me institucionet relevante për trajtimin e të miturve Policia ka filluar të trajtojë këtë rast”- ka thënë Zahiti, më 31.01.2025.

    Kurse, drejtori i shkollës ku vijon mësimin i mituri i ka përgënjeshtruar pretendimet e prindit të nxënësit duke thënë se nuk është e vërtetë se fëmija i saj po keqtrajtohet e rrahet nga nxënësit e tjerë.

    KALLXO.com e ka pyetur edhe drejtoreshën e Arsimit në Mitrovicë, Drita Kadriu për këtë rast, por nuk ka marrë përgjigje deri në publikimin e lajmit

  • Gjatë kohës kur ishte U.D. kryeshef i ‘Trepça’ pretendohet se bëri shkelje, suspendohet nga puna Enis Abdurrahmani

    Ish-ushtruesi i detyrës së Kryeshefit Ekzekutiv i Ndërmarrjes “Trepça”, Enis Abdurrahmani është larguar përkohësisht suspenduar nga puna, me vendim të Ushtruesit aktual të Detyrës së Kryeshefit, Faton Ahmeti.

    Kështu është bërë e ditur në njoftimin e ndërmarrjes ‘Trepça’ më 31.01.2025, në të cilin thuhet se Abdurrahmani sa ka qenë në postin e u.d kryeshefit e ka keqpërdorur pozitën, duke u emëruar Epror i Lartë i Skuadrave të shpërthimit dhe kompensuar kundërligjshëm për çdo muaj.

    “Pasi duke u bazuar në Raportin e Auditimit për pasqyrat financiare vjetore të Trepça Sh.A. për vitin 2023 z.E.A. duke keqpërdorur pozitën sa ka qenë ish-KE i ‘Trepça Sh.A’ është emëruar Epror i Lartë i skuadrave të shpëtimit dhe është kompensuar kundërligjshëm për çdo muaj”- thuhet në njoftim.

    Gjithashtu siç potencohet në njoftim ish ushtrues i detyrës së kryeshefit i ka shkaktuar dëm financiar ndërmarrjes duke i vendosur shtesat në rrogën bazë.

    “Sa ka qenë KE ka nxjerr vendimin me nr.prot: 2673 të datës 18.05.2023 në kundërshtim me Rregulloren për Sistematizimin e vendeve të punës në njësinë biznesore Minierat me Flotacion Trepça Stantërg me nr.prot:2778 të datës 26.05.2023, ku në rregullore ceken paga bazë si dhe shtesat ndërsa i njëjti me këtë vendim shtesat i ka vendosur në pagën bazë, kështu i njëjti ka shkaktuar dëm financiar”- theksohet në njoftim.

    KALLXO.com kontaktoi Enis Abdurrahmanin për të marrë një qëndrim mirëpo i njejti nuk ka kthyer përgjigje.

    Në shtator të 2023-tës KALLXO.com raportoi se pas gati dy vitesh, si Ushtrues i Detyrës së Kryeshefit të “Trepçës”, Enis Abdurrahmani është shkarkuar nga kjo pozitë.

    Vendimin e kishte marr Bordi Mbikëqyrës i kësaj ndërmarrje vetëm pak minuta para se të shkarkohej nga ekzekutivi që drejtohet nga Albin Kurti.

    Në mbledhjen e Qeverisë së Kosovës, ministrja e Ekonomisë, kishte propozuar shkarkimin e Bordit Mbikëqyrës të “Trepçës”, propozim i cili mori votat e kabinetit qeveritar.

    Në anën tjetër, në mbledhjen që nisi në ora 10:00, Bordi Mbikëqyrës në krye me Bahri Hysenin pas shqyrtimit të raporteve të prodhimit, financiare e të shitjes, vendosi që të shkarkoi Abudurrahamanin.

    Në vend të tij, Bordi emëroi U.D kryeshef, Enis Muzaqin.

    “Për shkak te mos përmbushjes se detyrave te punës, neglizhencës dhe keq menaxhimit Bordi Mbikëqyrës i “Trepça”, Sh. A. vendosi njëzëri te shkarkoje nga detyra e U.D. Kryeshefit të “Trepça”, Sh. A. z. Enis Abdurrahmani” – thuhej në njoftim.

    KALLXO.com kishte raportuar edhe se Zyra Kombëtare e Auditimit (ZKA) ka gjetur se ndërmarrja publike “Trepça” gjatë vitit 2023 ka paguar pensione të parakohshme për 288 punëtorë, pa bazë ligjore.

    Sipas raportit të ZKA-së, “Trepça” kishte realizuar pagesa në emër të pensioneve të parakohshme, për mesatarisht 288 persona në vlerë totale 70 mijë e 550 euro, duke u bazuar në një vendim të menaxhmentit të vitit 2006.

    Tutje, sipas ZKA-së, rreth 240 prej tyre që kanë marrë pensione nga ndërmarrja, kanë marrë pension mujor të parakohshëm edhe nga Ministria e Punës dhe Mirëqenies Sociale.

    Zyra Kombëtare e Auditimit ka rekomanduar që bordi mbikëqyrës të sigurojë veprime konkrete pë të trajtuar çështjen e kompensimeve. Me këtë të gjetur të ZKA-së menaxhmenti i “Trepça” është pajtuar.

    Raportin e plotë të Zyrës Kombëtare të Auditimit për ndërmarrjen publike “Trepça” mund ta gjeni KËTU.

     

  • Mitrovicë e Veriut – Arrestohet 27 vjeçari pasi u kap me drogë

    27 vjeçari me iniciale M. B. është arrestuar nga Policia e Kosovës, i dyshuar për “posedim të paautorizuar të substancave narkotike”.

    Arrestimi është bërë në rrugën “Sutjeska” në Mitrovicë të Veriut, më 30.01.2025, rreth orës 00:40.

    “Arrestimi është realizuar në rrugën ‘Sutjeska’, ku zyrtarët policorë nga Stacioni Policor Mitrovicë – Veri, gjatë patrullimit, kanë ndaluar për kontroll personin e dyshuar, M. B., 27 vjeç. Gjatë kontrollit atij i është gjetur dhe sekuestruar një sasi e substancës narkotike, një mulli (grinder) dhe dy pako me letra (rizlla).” – thuhet në Raportin e Policisë së Kosovës.

    Rasti është inicuar për veprën penale “posedim i paautorizuar i narkotikëve, substancave psikotrope dhe analoge”. Teksa, me urdhër të Prokurorit, i dyshuari është liruar në procedurë të rregullt.

  • Përpjekjet e presidentit Trump për të hequr të drejtën e shtetësisë përmes lindjes

    Urdhri Ekzekutiv i presidentit Donald Trump për t’i dhënë fund të drejtës së shtetësisë përmes lindjes në Shtetet e Bashkuara ka shkaktuar një debat ligjor dhe politik rreth kompetencave të pushtetit ekzekutiv dhe Amendamentit të 14 të Kushtetutës amerikane, i cili garanton shtetësinë për këdo që lind në tokën amerikane. Ky rregull ka qenë shumë i rëndësishëm për të drejtat civile, që nga ratifikimi i tij në vitin 1868.

    Kushtetuta e Shteteve të Bashkuara, e hartuar në fund të shekullit të 18-të, ia la Kongresit pjesën më të madhe të vendimmarrjes për çështjen e imigracionit dhe shtetësisë.

    Por, presidenti Donald Trump ka nënshkruar një Urdhër Ekzekutiv që i jep fund të drejtës automatike të shtetësisë për ata që lindin në Shtetet e Bashkuara.

    “Ne jemi i vetmi vend në botë që ofrojmë këtë të drejtë në lindje. Kjo është absolutisht qesharake. Ne mendojmë se kemi baza shumë të mira dhe disa njerëz kanë dashur ta bëjnë këtë për dekada.” – tha ai.

    Kritikët e Urdhrit Ekzekutiv të presidentit Trump thonë se Amendamenti i 14 është një gurthemel i të drejtave civile dhe nuk mund të ndryshohet nga një President i Shteteve të Bashkuara.

    “Fillimisht, synimi i Amendamentit ishte që skllevërit afrikano-amerikanë të merrnin shtetësinë dhe më pas kjo e drejtë u çimentua me një Vendim të Gjykatës së Lartë. Amendamentet e Kushtetutës dhe të drejtat kushtetuese nuk mund të hiqen nga një President. Ato mund të hiqen vetëm nga Kongresi dhe për këtë arsye Urdhri Ekzekutiv është i paligjshëm.” – thotë Tuyet Duong nga Forumi Kombëtar i Grave Amerikane të Azi-Paqësorit.

    Megjithatë, mbështetësit e Urdhrit Ekzekutiv argumentojnë se është e nevojshme të rivendoset drejtësia në Sistemin e imigracionit.

    “Presidenti Trump e ka bërë të qartë se rivendosja e drejtësisë në sistemin tonë të imigracionit dhe mbrojtja e qëllimit të vërtetë të Amendamentit të 14 janë thelbësore për vizionin e tij, për ta bërë Amerikën sërish madhështore. Urdhri i tij Ekzekutiv historik për t’i dhënë fund të drejtës së shtetësisë përmes lindjes, përbën një hap kritik përpara.” – thotë ligjvënësi republikan nga Teksasi, Brian Babin.

    Urdhri Ekzekutiv përballet me sfida të mëdha ligjore – përfshirë shumë padi për bllokimin e tij. Prokurorët e përgjithshëm demokratë nga 22 shtete kanë ngritur një padi – duke argumentuar se Urdhri shkel Amendamentin e 14 të Kushtetutës amerikane.

    “Gjykata e Lartë e rikonfirmoi atë në një rast që përfshinte një grup të madh emigrantësh kinezë – duke pohuar se Amendamenti i 14 vlente edhe për këta njerëz dhe ata më pas ishin në gjendje të merrnin shtetësinë.” – thotë Tuyet Duong nga Forumi Kombëtar i Grave Amerikane të Azi-Paqësorit.

    Një gjykatës federal në Siatëll e ka bllokuar përkohësisht zbatimin e Urdhrit të Presidentit Trump për shtetësinë përmes lindjes. Nëse çështja arrin në Gjykatën e Lartë, Vendimi i saj mund të krijojë bazën ligjore në vend për çështjen e shtetësisë. Nëse Urdhri lejohet të hyjë në fuqi, të sapolindurit dhe ata që nuk kanë marrë çertifikatat e lindjes dhe numrat e sigurimeve shoqërore do të ndikoheshin menjëherë nga zbatimi i tij./ VOA

  • Punime në rrjet, KEDS tregon se ku do të ketë ndërprerje të rrymës të enjten

    Kompania për Distribuimin e Energjisë Elektrike në Kosovë (KEDS) bën të ditur se të enjten, më 30.01.2025, do të kryhen punime të domosdoshme për siguri të sistemit energjetik.

    Si rezultat i kësaj, në disa lokalitete do të ketë ndërprerje të rrymës.

    Ky është orari sipas rajoneve:

    Prishtinë

    1.

    Nga TS 35/10kV Mazgit do të ndërprehet:

    LP 35kV Koliq  (H04) pa tension mbesin daljet 35kV – bizneset Koliq  prej orës 10:00  deri në ora 13:00.

    Vendet: SH.P.K.-LLC”APOLLONIA”  Fabrikë e Tjegullave dhe Europlast-Siqevë.

    Arsyeja: Ndërprerje për siguri, përforcimi i urave në shtylla.

    Pejë

    1.

    Nga Stabilimenti 10[kV] Klina do të ndërprehet:

    Dalja  10[kV] Volljaku( kodi: 52000102 ) nga ora 11:00 deri në ora 13:00

    Vendet: fshatrat: Deiq (një pjesë), Volljakë dhe Zajm.

    Arsyeja: Ndërprerje për siguri – pastrim traseje, lokacioni  Grabonicë.

    Prizren

    1.

    Nga NS 110/35/10 kV Theranda do të ndërprehet:

    Dalja 10kV  Rruga e Reçanit (kodi: 32000005) nga ora 10:00 deri 15:30

    Vendet: pjesët periferike të Therandës (rr.Reçani); Banesat e Benafit, Banesat e Inxhinieringut, Banesat te Viva, lagjja Hoxha I dhe II.

    Arsyeja: Ndërprerje për siguri – bartja e rrjetit në shtylla të reja  të tensionit të mesëm, rr. Xhavit Syla -Therandë.

    1.

    Nga NS 110/35/10 [kV] Prizreni 1 do të ndërprehet:

    Dalja 10 [kV] Bodrumi (kodi: 30000014) prej ores 09:00 deri 09:30  dhe nga ora 15:00 deri 17:00

    Vendet: fshatrat: Atmaxhë, Gjonaj, Karashëngjegji, Kojushë, Mazrek, Nashec dhe Zym i Hasit.

    Arsyeja: Krijimi i kushteve të punës pa tension, largimi i urave të tensionit të mesëm.

    2.

    NS 110/35/10 [kV] Prizreni 1

    Nga Dalja 10 [kV] Bodrumi do të ndërprehen prej ores 09:00 deri 17:00

    NS 10/0.4[kV]TS -Nasheci 2 (kodi: 30000014004)

    NS 10/0.4[kV] TS -Pompat e ujit (kodi: 30000014005)

    Vendet: fshatrat: Atmagjë, Gjonaj, Karashëngjegji, Kojushë, Mazrek, Nashec dhe Zym i Hasit.

    Arsyeja: Punime ne projektet e Lot 16 Nasheci 2, ndërrimi i konzollave, izolatorëve dhe përçuesit të tensionit të mesëm.

    1.

    Nga NS 35/10 [kV] Zhuri do të ndërprehet:

    Dalja 10[kV] Dobrusht Gorozhup (kodi: 30035008) nga ora 12:00 deri në ora 16:00

    Vendet: fshatrat: Dobrushtë, Gorozhup dhe Planejë.

    Arsyeja: Ngritja e shtyllës nen tension me të gjitha pajisjet përcjellëse.

    Ferizaj

    1.

    Nga NS 35/10[kV] Ferizaj II do të ndërprehet:

    Dalja 10 [kV] Sillosi (kodi: 40041001) nga ora 09:00 deri 13:00

    Vendet: rrugët: Reçaku, Driton Islami, Xhevë Lladrovci, 28 Nentori, Ramadan Rexhepi, Epopeja e Jezercit.

    Arsyeja: Punët që duhen të kryhen, sipas pëlqimit elektro-energjetik dhe projektit të aprovuar.

    Mitrovicë

    1.

    Nga NS 110/10 [kV] Vushtrria 2 do të ndërprehet:

    Dalja 10[kV] J08  Qytet e Fshatra  (Kodi: 73000003) prej orës 09:00 deri në ora 17:00

    Vendet: Rrugët: Adnan Shyti, Ahmet Selaci, Arsim Tahiri (njëpjesë), Avni Rrustemi, Basri Beqiri (njëpjesë), Drini i Bardhë (njëpjesë), Ganimete Terbeshi (njëpjesë), Gjergj Kastrioti Skenderbeu, Hamdi Gashi (njëpjesë), Haxhi Zeka (njëpjesë), Faruk Beqiri (njëpjesë), Sahit Avdyli (njëpjesë) dhe Shote Galica. Fshatrat: Banjska, Dobërllukë, Kçiç i Madhë, Pasomë, Sllatinë, Smrekonicë dhe Tërllabuç.

    Arsyeja: Projekte investive, demontim i rrjetit te vjetër,  vendosja e rrjetit të ri në shtylla ekzistuese, ngritja e shtyllave nën tension.

    2.

    Nga NS 110/10(20) [kV] Skenderaj do të ndërprehet:

    Dalja 10[kV] Qirezi (kodi: 74000004) prej orës 08:30 deri 17:00

    Vendet: fshatrat: Baks, Dashevc (një pjesë), Gllanasellë, Godanc, Godanc- lagjet: Berbatovci dhe Gërguri,  Gradicë, Gradicë – Lagjet: Bardhi, Dervisholli, Fazliu, Muja, Selmani, Sukaj dhe Uka, Kozhicë, Krasaliq, Krasmirovc, Prelloc, Qirez, Polac – lagjet: Gruda, Gucati, Hoti, Kabashi, Kerolli, Koca, Makolli, Myftari, Uka, Veliu, Xami dhe Koca si dhe Likoshani – lagjet: Avdulli, Gjeli, Hasani, Miftari, Neziri, Zukaj dhe Zymeri.

    Arsyeja: Projekte investive.

    Gjakovë

    1.

    Nga NS 35/10 [kV] Malishevë  do të ndërprehet:

    Dalja 10[kV] J06 Malisheva (kodi: 82082004) prej orës 08:00 deri në ora 17:00

    Vendet: rrugët: 535 Prof.Hamdi Berisha, 554 Viliam Voker, 601 Sheshi i Dëshmorëve, 602 Gjergj Kastrioti – Skënderbeu, 603 Adem Jashari, 604 Imer Krasniqi, 605 Rilindja Kombëtare, 606 Pavarësia, 608 Hamdi Berisha, 610 Hizri Mazreku, 611 Jahir Mazreku. 612 Uiliam Uoker; fshatrat: Burim, Carallukë (një pjesë), Dardania, Gërmiz, Lubizhdë (1 konsumator) dhe Senik (1 konsumator).

    Arsyeja: Projekte investive, montimi i TS Keku, montimi i kthinave, montimi i ormanit të tensionit të ulët, punimi i lidhëseve, punimi i kokave, energjizimi në rrjet të ri si dhe punime tjetra elektrike në kuadër të Lot 20-Malishevë.

    1.

    Nga NS 35/10[kV]  Xërxa do të ndërprehet:

    Dalja 10 [kV] Podrumi (kodi: 82081008) nga ora 09:00 deri 14:00

    Vendet: fshatrat: Bellacërkë (një pjesë), Berjakë dhe Sapniq (një pjesë).

    Arsyeja: Ngritja e shtyllës në nivelin e duhur, sipas pëlqimit elektro-energjetik dhe projektit të aprovuar.