Ballina

Autor: Ernesa Aliu

  • Xhaferi krenohet me shërbimin e “Arkitektit të Kryeqytetit”, kritikon Ministrinë e Infrastrukturës

    Kandidati për deputet nga LDK-ja, Krenar Xhaferi, gjatë emisionit “Debat Përnime” ka shpalosur planet për investime kapitale të parapara me programin e tyre zgjedhor dhe me këtë rast ka folur edhe për shërbimin e “Arkitektit të Kryeqytetit”.

    Xhaferi përmendi një varg projektesh që ka projektuar “Arkitekti i Kryeqytetit”, që sipas tij, janë shumë të rëndësishme për Prishtinën.

    “Arkitekti i Kryeqytetit e ka mbyllë projektin e platformës Pallati i Rinisë me Arbërinë, e cila është kontraktuar dhe i kemi filluar punimet, Është nënkalimi te [rruga] Agim Ramadani, i cili është në fazën e fundit të kontraktimit. Po ashtu e kemi sheshin ‘Xhorxh Bush’ edhe shumë projekte të tjera të cilat janë përmbyllë në kuadër të ‘Arkitektit të Kryeqytetit’”- tha ai.

    Pa u diskutuar nuk kaloi as aplikimi i shpeshtë i kontratave për punët shtesë, që është 10%-shi i shumës totale të kostos së projektit.

    Lidhur me këtë çështje, Xhaferi tha së të tilla kontrata janë shumë evidente në Ministrinë e Infrastrukturës. Sipas tij, Komuna e Prishtinës qëndron më mirë në këtë aspekt.

    “Prishtina ka më së paku 10%-sha në krahasim me krejt nivelet tjera. Është fakt kjo që po e përmend. Së paku në Ministrinë e Infrastrukturës, 10%-shët janë shumë evident”- tha Xhaferi.

    Mirëpo, për evitimin e një praktike të tillë, sipas tij, duhet të ketë më shumë profesionistë të fushës në menaxhimin  e kontratave, përfshirë këtu inxhinierë e mbikëqyrës të kontratave.

    “Përderisa në Komunën e Prishtinës një kontratë mbikëqyret prej 6 inxhinierëve, është mbikëqyrësi i menaxherit, menaxheri dhe janë ekipi profesional i secilës fushë, në ministri është një menaxher për krejt kontratat. Po flasim këtu për mbikëqyrje të asfaltit dhe investimeve infrastrukturore dhe besoj që edhe ajo frymë do të përcjellët edhe në nivelin qendror, sepse duhet të ketë ekip më të madh profesional që secili jep të jep përgjegjësi për fushën e vetë”- tha ai.

    “Debat Përnime” është format i cili do të transmetohet për një muaj rresht deri një ditë para Zgjedhjeve parlamentare të 09 shkurtit 2025. Kandidatët për deputetë nga partitë politike garuese përveç që prezantojnë Programin e tyre, përballen me pyetjet e Jeta Xharrës, kryeredaktorit të KALLXO.com, Kreshnik Gashi dhe Visar Prebrezës nga “Krypometër”.

    Lëvizja Vetëvendosje (LVV) ka zgjedhur që gjatë fushatës për Zgjedhjet e 9 shkurtit të mos marrë pjesë në disa nga mediat në Kosovë. Kjo parti e ka arsyetuar mospjesëmarrjen në emisionet politike të shfaqura në mediume të caktuara, me pretendimin se gjoja ato media janë në pronësi të oligarkëve.

    RTV Dukagjini është në listën e këtyre mediave të “piketuara” nga LVV, e pikërisht në këtë televizion transmetohet emisioni “Debat Përnime” – prodhim i KALLXO.com.

    Mirëpo, për dallim nga partia në pushtet, partitë e tjera opozitare kanë pranuar të marrin pjesë në këtë Debat dhe t’u përgjigjen pyetjeve të gazetarëve të Kallxo-it.

    Jeta Xharra, drejtuese e “Debat Përnime” në nisje të debatit për infrastrukturë, ambient dhe bujqësi tha se: “Rrugët nuk janë mbërri me u ndreq, mirëpo nashta i kishim falë diqysh nëse e kishin ndreq bile ambientin. Për fat të keq Deponia e Mirashit dhe deponitë e mbeturinave janë në gjendje katastrofale sot e kësaj dite në Kosovë. Asnjëri prej impianteve të ujërave të zeza që ka pasë me u kry nuk është përfundu”.

    Për më shumë lexoni në tekstin në vijim:

    https://kallxo.com/gjate/planet-e-ldk-se-per-bujqesine-infrastrukturen-dhe-ambientin-aviokompani-central-me-gaz-dhe-mbeshtetje-per-bujqit/

  • LDK zotohet për heqjen e akcizës së naftës për bujqit dhe për zgjerim të sistemit të ujitjes në Kosovë

    Lidhja Demokratike e Kosovës (LDK) në programin e saj zgjedhor për sektorin e bujqësisë ka paraparë sigurime bujqësore, heqjen e akcizës së naftës për bujqit, heqjen e normës së interesit të kredive për bujqit dhe zgjerimin e sistemit të ujitjes në Kosovë.

    Kandidati për deputet nga kjo parti, Alban Zogaj, mungesën e sigurimeve bujqësore e sheh si një nga problemet më të mëdha që po ndikon në zhvillimin e bujqësisë në vend.

    Në “Debat Përnime” më 31.01.2025, ai tha se përmes një komunikimi serioz me kompanitë e sigurimeve dhe Bankën Qendrore të Kosovës, do të mundësohet që të ofrohet sigurimi bujqësor, mirëpo garantues i këtyre sigurimeve, sipas tij, do të jetë vetë Qeveria.

    “Duhet një komunikim dhe një qasje serioze me kompanitë e sigurimit edhe Bankën Qendrore të Kosovës. Ne duhet me kërku prej kompanive të sigurimit që produktet bujqësore me i fut në gamën e tyre të shërbimeve dhe në qoftë se ka problem, ne si Qeveri me i garantu këto sigurime”- tha ai.

    Ndërsa, kandidati Xhafer Tahiri për jetësimin e sigurimeve bujqësore tha se duhen edhe reforma në kuadrin ligjor.

    “Fillimisht për këtë çështje duhet të bëhen reforma ligjore, duhet të ndryshohet korniza aktuale ligjore”- tha ai.

    Në planet e LDK-së është edhe heqja e akcizës së naftës për bujqit.

    “Kemi propozuar edhe heqjen e akcizës për naftën e krejt firmave bujqësore. Pra, nafta që shkon në drejtim të bujqësisë- akciza do të jetë e hequr. Kjo e bënë lëndën e parë për bujqësinë të jetë më e lirë dhe kështu i jep mundësi bujqësisë më u zhvillu edhe me pasë produktivitet dhe profit më të lartë”- tha Alban Zogaj.

    LDK planifikon gjithashtu të subvencionoj edhe normën e interesit për kredit që i marrin bujqit.

    Për këtë, kandidati Xhafer Tahiri tha se “do të krijohet një fond i veçantë nga Qeveria e Kosovës që garanton normën e interesit”.

    “Bujqit do të kthejnë vetëm atë që e kanë marrë, [ndërsa] normën e interesit do ta mbuloj Qeveria përmes këtij fondi”- tha ai.

    Në vazhdën e këtyre planeve dhe projekteve pritet të punohet edhe në aspektin e formalizmit të bujqve, e për një gjë të tillë, LDK parasheh që bujqit të stimulohen edhe përmes subvencioneve.

    “Me të vërtetë në duhet të punojmë më bujqit në disa drejtime që ata më u formalizu në tërësi. Firmat e mëdha bujqësore veçse janë krejtësisht të formalizuara, por ne duhet të punojmë edhe më bujqit e vegjël. Pra me i stimulu përmes subvencioneve. Me ju ofru subvencione atyre që formalizohen dhe që e rrisin qarkullimin edhe bëhen të aftë me pasë qasje në kredi”- tha Zogaj.

    Ndërsa, kandidati Xhafer Tahiri tha se formalizimet nuk do të behën si ato që janë bërë në Qeverinë aktuale, por përmes një sistemi të rregulluar.

    Për zhvillimin e bujqësisë, LDK parasheh investime edhe në zgjerimin e sistemit të ujitjes.

    “Aktualisht në Kosovës kemi vetëm rreth 20 mijë hektarë nën sistemin e ujitjes, apo vetëm 4.8% e tokës bujqësore. Programi ynë parasheh investime të menjëhershme në rehabilitim, fillimisht në sistemin aktual të ujitjes së tokave bujqësore dhe pastaj në ndërtimin e kapaciteteve të reja”- tha Xhaferi.

    “Debat Përnime” është format i cili do të transmetohet për një muaj rresht deri një ditë para Zgjedhjeve parlamentare të 09 shkurtit 2025. Kandidatët për deputetë nga partitë politike garuese përveç që prezantojnë Programin e tyre, përballen me pyetjet e Jeta Xharrës, kryeredaktorit të KALLXO.com, Kreshnik Gashi dhe Visar Prebrezës nga “Krypometër”.

    Lëvizja Vetëvendosje (LVV) ka zgjedhur që gjatë fushatës për Zgjedhjet e 9 shkurtit të mos marrë pjesë në disa nga mediat në Kosovë. Kjo parti e ka arsyetuar mospjesëmarrjen në emisionet politike të shfaqura në mediume të caktuara, me pretendimin se gjoja ato media janë në pronësi të oligarkëve.

    RTV Dukagjini është në listën e këtyre mediave të “piketuara” nga LVV, e pikërisht në këtë televizion transmetohet emisioni “Debat Përnime” – prodhim i KALLXO.com.

    Mirëpo, për dallim nga partia në pushtet, partitë e tjera opozitare kanë pranuar të marrin pjesë në këtë Debat dhe t’u përgjigjen pyetjeve të gazetarëve të Kallxo-it.

    Jeta Xharra, drejtuese e “Debat Përnime” në nisje të debatit për infrastrukturë, ambient dhe bujqësi tha se: “Rrugët nuk janë mbërri me u ndreq, mirëpo nashta i kishim falë diqysh nëse e kishin ndreq bile ambientin. Për fat të keq Deponia e Mirashit dhe deponitë e mbeturinave janë në gjendje katastrofale sot e kësaj dite në Kosovë. Asnjëri prej impianteve të ujërave të zeza që ka pasë me u kry nuk është përfundu”.

    Për më shumë lexoni në tekstin në vijim:

    https://kallxo.com/gjate/planet-e-ldk-se-per-bujqesine-infrastrukturen-dhe-ambientin-aviokompani-central-me-gaz-dhe-mbeshtetje-per-bujqit/

  • LDK premton zgjerimin e kapaciteteve të Aeroportit të Prishtinës

    Kandidati i LDK-së për deputet, Alban Zogaj, në emisionin ”Debat Përnime”, teksa ka shpalosur planet e partisë për zhvillimin e infrastrukturës në vend, ka përmendur edhe zgjerimin e kapaciteteve të Aeroportit Ndërkombëtar të Prishtinës.

    Me zgjerimin e kapaciteteve të këtij aeroporti, sipas tij, do të rritet oferta dhe do të shtohet kërkesa nga pasagjerët. Një gjë e tillë, siç ka thënë ai, do të ndikojë edhe në uljen e çmimit të biletave për udhëtarët e këtij aeroporti.

    “Prishtina është një prej aeroporteve me fluksin me të madh. Kjo nënkupton që ne duhet t’i zgjerojmë kapacitetet e aeroportit. Zgjerimi i kapaciteteve e rritë ofertën dhe kështu i zvogëlon çmimet e biletave sepse këtu flasim për kërkesë- ofertë”- tha Zogaj.

    LDK në programin e saj për aviacionin ka paraparë edhe themelimin e një aviokompanie, që sipas Zogajt, do të ketë po ashtu ndikim në uljen e çmimeve të biletave për udhëtim.

    “Gjithashtu ulja e çmimeve vjen edhe si rezultat i idesë tonë për ‘aviokompaninë kosovare’ e cila pastaj natyrisht që jep mundësi me lëviz me çmime edhe me ju ofru çmime më të mira”- tha ai.

    Diskutimi u ngrit edhe rreth çështjes së monopolit për furnizim me karburant për aeroplanë e që rrjedhimisht ndikon që çmimet e biletave të jenë të larta.

    Kandidati Zogaj për këtë tha se monopolet nuk duhet të ekzistojnë në ekonominë e tregut të lirë dhe se do të ketë analiza për raste të tilla.

    “Në parim qasja jonë është që monopolet nuk duhet më ekzistu në ekonominë e tregut të lirë të Kosovës. Pastaj, kontratat duhet me i analizuar. Nëse një kontratë është nënshkruar dhe e ka një afat skadimi nuk mundet me ardhë një qeveri e re edhe me fillu tani me i rrënu krejt kontratat e reja. Andaj do t’i analizojmë kontratat, do të merremi me to dhe në qoftë se ka shkelje, i orientojmë kah organet përgjegjëse”- tha ai.

    “Debat Përnime” është format i cili do të transmetohet për një muaj rresht deri një ditë para Zgjedhjeve parlamentare të 09 shkurtit 2025. Kandidatët për deputetë nga partitë politike garuese përveç që prezantojnë Programin e tyre, përballen me pyetjet e Jeta Xharrës, kryeredaktorit të KALLXO.com, Kreshnik Gashi dhe Visar Prebrezës nga “Krypometër”.

    Lëvizja Vetëvendosje (LVV) ka zgjedhur që gjatë fushatës për Zgjedhjet e 9 shkurtit të mos marrë pjesë në disa nga mediat në Kosovë. Kjo parti e ka arsyetuar mospjesëmarrjen në emisionet politike të shfaqura në mediume të caktuara, me pretendimin se gjoja ato media janë në pronësi të oligarkëve.

    RTV Dukagjini është në listën e këtyre mediave të “piketuara” nga LVV, e pikërisht në këtë televizion transmetohet emisioni “Debat Përnime” – prodhim i KALLXO.com.

    Mirëpo, për dallim nga partia në pushtet, partitë e tjera opozitare kanë pranuar të marrin pjesë në këtë Debat dhe t’u përgjigjen pyetjeve të gazetarëve të Kallxo-it.

    Jeta Xharra, drejtuese e “Debat Përnime” në nisje të debatit për infrastrukturë, ambient dhe bujqësi tha se: “Rrugët nuk janë mbërri me u ndreq, mirëpo nashta i kishim falë diqysh nëse e kishin ndreq bile ambientin. Për fat të keq Deponia e Mirashit dhe deponitë e mbeturinave janë në gjendje katastrofale sot e kësaj dite në Kosovë. Asnjëri prej impianteve të ujërave të zeza që ka pasë me u kry nuk është përfundu”.

    Për më shumë lexoni në tekstin në vijim:

    https://kallxo.com/gjate/planet-e-ldk-se-per-bujqesine-infrastrukturen-dhe-ambientin-aviokompani-central-me-gaz-dhe-mbeshtetje-per-bujqit/

  • Zogaj (LDK): Kemi filluar komunikimin me kompanitë amerikane për ndërtimin e centralit me gaz

    Në programin zgjedhor të LDK-së është paraparë ndërtimi i një centrali me gaz, kostoja e të cilit parashihet të jetë rreth 500 milionë euro.

    Kandidati për deputet nga kjo parti, Alban Zogaj, tha se për ndërtimin e këtij centrali tashmë i kanë nisur komunikimet me kompanitë amerikane.

    “Ne veçse i kemi filluar linjat e para të komunikimit me kompani të mëdha amerikane të cilat do të investojnë në Centralin me gaz, 500 MW, 500 milionë euro”- tha Zogaj në “Debat Përnime”, më 31.01.2025.

    Mjetet për ndërtimin e këtij centrali, sipas tij, priten të sigurohen përmes Bankës Europiane për Ndërtim dhe Zhvillim, Bankës Botërore dhe Fondit Monetar- me kredi afatgjate.

    Me ardhjen e LDK-së në pushtet priten të merren hapa edhe për mbylljen e Termocentralit “Kosova A” dhe rindërtimin e Termocentralit “Kosova B”.

    “Në projektin tonë e kemi mbylljen e ‘Kosovës A’ dhe rindërtimin e ‘Kosovës B’. Kurse rindërtimit të ‘Kosovës B’ me ia shtu edhe Centralin me gaz, plus me hap dritare të reja për energji të ripërtritshme në bashkëpunim me sektorin privat”- tha ai kur u pyet nëse janë “pro” ose “kundër” thirrjes së fundit të Korporatës Energjetike të Kosovës për rindërtimin e dy njësive të të termocentraleve.

    “Debat Përnime” është format i cili do të transmetohet për një muaj rresht deri një ditë para Zgjedhjeve parlamentare të 09 shkurtit 2025. Kandidatët për deputetë nga partitë politike garuese përveç që prezantojnë Programin e tyre, përballen me pyetjet e Jeta Xharrës, kryeredaktorit të KALLXO.com, Kreshnik Gashi dhe Visar Prebrezës nga “Krypometër”.

    Lëvizja Vetëvendosje (LVV) ka zgjedhur që gjatë fushatës për Zgjedhjet e 9 shkurtit të mos marrë pjesë në disa nga mediat në Kosovë. Kjo parti e ka arsyetuar mospjesëmarrjen në emisionet politike të shfaqura në mediume të caktuara, me pretendimin se gjoja ato media janë në pronësi të oligarkëve.

    RTV Dukagjini është në listën e këtyre mediave të “piketuara” nga LVV, e pikërisht në këtë televizion transmetohet emisioni “Debat Përnime” – prodhim i KALLXO.com.

    Mirëpo, për dallim nga partia në pushtet, partitë e tjera opozitare kanë pranuar të marrin pjesë në këtë Debat dhe t’u përgjigjen pyetjeve të gazetarëve të Kallxo-it.

    Jeta Xharra, drejtuese e “Debat Përnime” në nisje të debatit për infrastrukturë, ambient dhe bujqësi tha se: “Rrugët nuk janë mbërri me u ndreq, mirëpo nashta i kishim falë diqysh nëse e kishin ndreq bile ambientin. Për fat të keq Deponia e Mirashit dhe deponitë e mbeturinave janë në gjendje katastrofale sot e kësaj dite në Kosovë. Asnjëri prej impianteve të ujërave të zeza që ka pasë me u kry nuk është përfundu”.

    Për më shumë lexoni në tekstin në vijim:

    https://kallxo.com/gjate/planet-e-ldk-se-per-bujqesine-infrastrukturen-dhe-ambientin-aviokompani-central-me-gaz-dhe-mbeshtetje-per-bujqit/

  • LDK premton realizimin e 120 projekteve kapitale brenda një mandati qeverisës

    Kandidati për deputet nga Lidhja Demokratike e Kosovës, Alban Zogaj, në emisionin “Debat Përnime” ka prezantuar disa nga projektet kapitale që LDK-ja i ka paraparë me programin zgjedhor.

    Nëse pas 9 shkurtit 2025, LDK-ja ia del të rikthehet në pushtet, sipas Zogajt, do të realizohen 120 projekte kapitale, kostoja e të cilave parashihet të jetë rreth 5 miliardë euro.

    “Në programin tonë i kemi 120 projekte kapitale të cilat do të arrijnë shumën prej 5 miliardë eurosh në mandatin tonë të parë. Kjo nënkupton që në çdo vit do të investojmë mbi 1 miliard euro në investime kapitale të cilat kryesisht janë investime infrastrukturore”- tha Zogaj, më 31.01.2025.

    Me urgjencë, sipas tij, do të trajtohet edhe përfundimi i rrugëve që lidhin Prishtinën me qytetet e mëdha të Kosovës, e më theks të veçantë përfundimi i autostradës së Gjilanit.

    Në kuadër të debatit u dhanë zotime edhe për nisjen e autostradave të reja si dhe ndërtimin e unazës së jashtme të Prishtinës, projekt ky që sipas parallogarive të LDK-së pritet të kushtojë rreth 350 milionë euro.

    “E kemi në programin tonë, andaj ne zotohemi që do ta ndërtojmë me urgjencë të madhe autostradën e Gjilanit, e cila ka mbetur e papërfunduar në këtë mandat. Do ta ndërtojmë magjistralen Prishtinë- Pejë, Unazën e Jashtme me vlerë 350 milionë euro, do ta përfundojmë magjistralen Prishtinë- Mitrovicë, magjistralen Prishtinë- Podujevë, pjesën e projektit Gjakovë-Klinë, dhe gjithashtu ndërtimin e 200 stacioneve në krejt Kosovën”- tha Zogaj.

    Në kuadër të kësaj u diskutua edhe për çështjen e taksës rrugore nëse duhet të ketë ose jo siç është praktik edhe në vendet e rajonit.

    Për këtë, kandidati Zogajt tha se “meqë rrugët janë ndërtuar prej buxhetit të Kosovës, ideja deri vonë ka qenë mos me ngarku qytetarin edhe me një pagesë shtesë”. “Por në të ardhmen, për me i mirëmbajt këto rrugë të mëdha nacionale, sidomos autostradat, ne medoemos duhet me ardhë deri tek ai vendim”- është shprehur Zogaj.

    Ndërsa për jetësimin e këtyre projekteve kapitale të parapara me programin “Rruga e Re”, ai tha se do të instalohet modeli i kredive afatgjata.

    Ndërsa, kandidati Krenar Xhaferi në emër të LDK-së u zotua se brenda 2 viteve të para të mandatit do të përfundohet autostrada e Gjilanit.

    “Autostrada e Gjilanit do të përmbyllet brenda dy vitesh. Brenda mandatit të parë deri te Dheu i Bardhë”- tha Xhaferi.

    “Debat Përnime” është format i cili do të transmetohet për një muaj rresht deri një ditë para Zgjedhjeve parlamentare të 09 shkurtit 2025. Kandidatët për deputetë nga partitë politike garuese përveç që prezantojnë Programin e tyre, përballen me pyetjet e Jeta Xharrës, kryeredaktorit të KALLXO.com, Kreshnik Gashi dhe Visar Prebrezës nga “Krypometër”.

    Lëvizja Vetëvendosje (LVV) ka zgjedhur që gjatë fushatës për Zgjedhjet e 9 shkurtit të mos marrë pjesë në disa nga mediat në Kosovë. Kjo parti e ka arsyetuar mospjesëmarrjen në emisionet politike të shfaqura në mediume të caktuara, me pretendimin se gjoja ato media janë në pronësi të oligarkëve.

    RTV Dukagjini është në listën e këtyre mediave të “piketuara” nga LVV, e pikërisht në këtë televizion transmetohet emisioni “Debat Përnime” – prodhim i KALLXO.com.

    Mirëpo, për dallim nga partia në pushtet, partitë e tjera opozitare kanë pranuar të marrin pjesë në këtë Debat dhe t’u përgjigjen pyetjeve të gazetarëve të Kallxo-it.

    Jeta Xharra, drejtuese e “Debat Përnime” në nisje të debatit për infrastrukturë, ambient dhe bujqësi tha se: “Rrugët nuk janë mbërri me u ndreq, mirëpo nashta i kishim falë diqysh nëse e kishin ndreq bile ambientin. Për fat të keq Deponia e Mirashit dhe deponitë e mbeturinave janë në gjendje katastrofale sot e kësaj dite në Kosovë. Asnjëri prej impianteve të ujërave të zeza që ka pasë me u kry nuk është përfundu”.

    Për më shumë lexoni në tekstin në vijim:

    https://kallxo.com/gjate/planet-e-ldk-se-per-bujqesine-infrastrukturen-dhe-ambientin-aviokompani-central-me-gaz-dhe-mbeshtetje-per-bujqit/