Ballina

Autor: Adelina Ahmeti

  • Zjarr në ETC në Suharekë

    Në orët e mëngjesit sot (19.01.2025) ka shpërthyer një zjarr në objektin e ETC-së në Suharekë.

    KALLXO.com ka biseduar me Komandantin e Zjarrfikësve në Suharekë, Vehbi Krasniqin i cili ka njoftuar se tashmë e kanë nën kontrollë zjarrin por që objekti është kapluar i gjithi nga flakët.

    “Informata ka ardhur për zjarrin rreth orës 06:15 sot në mëngjes. Ekipet e zjarrfikësve kanë dalë në terren menjëherë. Tani e kemi nën kontroll zjarrin ndonëse nuk është shuar ende por përvec objektit të ETC afër ëshrtë edhe një objekt tjetër i cili aktualisht është i sigurtë se nuk preket nga zjarri në ETC”- tha Krasniqi për KALLXO.com.

    Ai shtoi se pëveç ekipeve të zjarrfikësve të Suharekës në ndihmë janë thirrur dhe kanë shkuar edhe ekipet nga Mamusha, Rahoveci, Malisheva dhe Prizreni.

    Deri më tani ende nuk ka ndonjë dyshim se nga erdhi zjarri por që përveç dëmeve materiale nuk raportohet për të lënduar.

    Kujtojmë se një zjarr tjetër në këtë lokacion ishte regjistruar edhe më 22.11.2023.

    https://kallxo.com/lajm/zjarr-ne-etc-ne-suhareke/

     

     

     

     

     

  • Sulmoi babain, policia arreston një person në Klinë

    Një rast i dhunës në familje është regjistruar në Klinë më 18.01.2025 ndërsa një person është arrestuar.

    Policia njoftoi se një djalë u arrestua nën dyshimin se rrahu babain e tij.

    Viktima kishte pranuar edhe tretman mjekësor. Në lidhje me rastin është njoftuar edhe prokurori kujdestar.

    I dyshuari pas intervistimit nga ana e hetuesit, me vendim të prokurorit është dërguar në mbajtje për 48 orë.

  • Policia me detaje për zjarrin në ndërtesën e banimit në Ferizaj

    Policia ka pranuar një informacion për një zjarr që kishte nisur në një ndërtesë banimi në rrugën “12 qershori” në Ferizaj.

    Ngjarja u regjistrua në orët e para të datës 18.01.2025. Pas pranimit të informacionit për zjarrin, njësitet policore kanë dalë në vendin e ngjarjes të cilën kanë bërë evakuimin e të gjithë banorëve.

    Ndërsa tutje, njësitet e zjarrfikësve kanë intervenuar duke lokalizuar zjarrin që kishte kapluar pjesën e pullazit dhe katin e fundit të ndërtesës.

    Në këtë rast, përveç dëmeve materiale, policia ka njoftuar se nuk ka pasur ndonjë person të lënduar.

    Rasti tashmë është iniciuar si incident zjarri ndërsa po hetohet për tu zbardhur rrethanat që quan deri te ky zjarr.

  • Mosmarrëveshje për pronë, kërcënohet një person në Lipjan

    Një mosmarrëveshje për një kontest pronësor ka kaluar në vepër penale pasi dyshohet se pati kërcënime.

    Ngjarja e regjistruar në Janjevë të Lipjanit më 18.01.2025 tashmë është duke u trajtuar nga policia dhe duke u hetuar për kanosje.

    Sipas njoftimit të policisë, një person është arrestuar pasi i njëjti dyshohet se kërcënoi viktimën për problemin me pronën.

    Për ngjarjen u njoftua edhe prokurori kujdestar.

    I dyshuari pas intervistimit me vendim të prokurorit është dërguar në mbajtje për 48 orë.

  • Grabitje në Gjilan, dyshohet se viktima u kërcënua me sëpatë e thikë

    Nën kërcënimin e një sëpatë dhe thike, dyshohet se u krye një grabitje në Gjilan më 18.01.2025.

    Policia ka njoftuar se ngjarja u regjistrua në orët e mbrëmjes deri sa të dyshuar deri më tani janë tre persona.

    Sipas njoftimit të policisë, tre të dyshuarit nën kërcënimin e një sëpatë dhe thike, i kishin grabitur viktimës një zingjir ari dhe një orë dore.

    Pas këtyre veprimeve, të dyshuarit sipas policisë janë larguar në drejtim të panjohur.

    Ikja e tyre u bë me një veturë me targa vendore ndërsa për rastin është njoftuar edhe prokuroria.

    Në raportin ditor nuk ka ndonjë informacion se ndonjëri nga të dyshuarit është kapur apo identifikuar ndërsa rasti është iniciuar si grabitje dhe se njësitet e hetuesisë janë duke vazhduar punën për të zbardhur ngjarjen.