Ballina

Autor: Adelina Ahmeti

  • Në operacionin kundër drogës, Policia gjeti edhe një veturë që dyshohet se ishte përdorur në një rast të vrasjes në tentativë

    Policia e Kosovës njoftoi se më 18.01.2025 kishte ndërmarrë një operacion kundër narkotikëve në regjionin e Prishtinës.

    Përveç narkotikëve e municionit që ishin gjetur në bastisjet që ka kryer Policia është gjetur edhe një veturë që dyshohet se ishte përdorur në një rast të vrasjes në tentativë.

    Policia ka njoftuar se në një bastisje në fshatin Suhodoll të Lipjanit në një garazh në pronësi të të dyshuarit Xh.S., është gjetur një veturë “Golf 7”, ngjyrë e kaltër, me targa vendore, e cila dyshohet se ishte përdorur në një rast të vrasjes në tentativë.

    Në operacionin e Policisë kundër narkotikëve, tre persona janë arrestuar nën dyshimin për shpërndarje të narkotikëve.

    Të dyshuarit janë dërguar në qendrën e mbajtjes për 48 orë, ndërsa rasti vazhdon të hetohet nga Anti-Droga e Policisë në Prishtinë në bashkëpunim me Prokurorinë Themelore Prishtinë.

    Në një njoftim, Policia ka dhënë detaje për aksionin i cili u realizua gjatë datës 18.01.2025.

    Një hetim disamujor i Policisë në koordinim me Prokurorinë e Prishtinës ka përfunduar deri sa janë sekuestruar narkotikë, vetura e pajisje të tjera që do të hynë në kategorinë e provave për të vërtetuar veprat penale të cilat janë hapur tashmë për blerje, posedim, shpërndarje dhe shitje e paautorizuar e narkotikëve, substancave psikotrope si dhe vepra penale mbajtja në kontroll, posedim i paautorizuar i armës.

    Zhvillimi i planit taktik kishte filluar në rrugën magjistrale Prishtinë-Ferizaj me që rast është ndaluar vetura Mercedes ngjyrë e bardhë me targa vendore me vozitës Sh.S., ku gjatë kontrollit në trup i është gjetur një qese me narkotik të llojit Kokainë me peshë 5.35 gramë. Plani ka vazhduar në rrugën ”Vicanum” ku është ndalur vetura Audi Q8 me targa vendore të cilën e drejtonte i dyshuari Xh.S., ku gjatë kontrollit të tij dhe veturës në një vend të fshehte janë gjetur 21 paketime me substancë të dyshuar narkotike të dyshuar si kokainë me peshë 20.1 gramë.

    Në të njëjtin lokacion është ndaluar edhe vetura Volvo ngjyrë hiri me targa vendore të cilën e drejtonte i dyshuari F. S., i cili është shoqëruar në stacion policor si i implikuar në rast.

    Pas veprimeve fillestare në konsultim me prokurorinë e krimeve të rënda në Prishtinë është realizuar një bastisje në shtëpitë e të dyshuarve në rrugën “Dëshmoret e Marecit” në Prishtinë ku gjatë kontrollit në një shtëpi, në banjo njësitet policore kanë gjetur, 219 qese/doza me narkotik të dyshuar si kokainë me peshë 114.4 gram të gatshme për shitje.

    Në një veturë pronë e të dyshuarit Xh.S., nën timon është gjetur një paketim me narkotikë të llojit kokainë me peshë 171.5 gramë .

    Tutje policia ka njoftuar se kanë gjetur, dy revole me dy karikatorë dhe nëntë fishekë, një granatë dore model F1 dhe 29 fishekë kalibrash të ndryshëm.

    Përveç armëve e narkotikëve, policia ka sekuestruar tri vetura të dyshuara që dyshohet se janë përdorur në fshehje shpërndarje të narkotikëve, para të gatshme në vlerë 7900 Euro dhe 100 dollar amerikan, katër telefona dhe dy DVR.

    Sipas vlerësimeve të bëra, vlera e Kokainës së konfiskuar, nëse do të shpërndahej në treg, arrin rreth 30,000 euro.

  • Pas zjarrit në ETC në Suharekë reagon Ramiz Kelmendi

    Drejtuesi i kompanisë “Elkos Group-ETC”, Ramiz Kelmendi ka reaguar pas zjarrit që përfshiu njërën nga pikat e kompanisë së tij në Suharekë.

    Kelmendi në një postim në rrjetin e tij social Facebook, ka njoftuar se zjarri kishte nisur nga depoja e ETC-së.

    E madje ai e përmendi edhe se në tri raste të tjera ka ndodhur e njëjta gjë.

    “Fatmirësisht, nga kjo e keqe e madhe, dëme në njerëz nuk ka, ndërsa dëmet materiale janë të konsiderueshme, (mbi 3 milion), ku sipërfaqja e objektit është rreth 10 mijë metra katror. Kam një pikëpyetje se si të mbrohem nga këto dëme në vazhdimësi, si ti përballoi emocionalisht si personale ashtu edhe në familje”- ka shkruar Kelmendi.

    Kelmendi tha se mbetet me shpresën se organet e rendit do të trajtojnë këto raste.

    “Si ti përballoi dëmet financiare (e mira nga kjo fatkeqësi është se nuk ka dëme në njerëz, në të punësuarit). Mbetem me shpresë që Organet e rendit dhe sigurisë të merren me këto raste, sepse duhet larguar dyshimet e qëllimta dhe ato të paqëllimta”- ka shkruar i njëjti.

    Sipas tij është edhe papërgjegjësia e vëzhgimit.

    “Është për të ardhur keq papërgjegjësia, në tre rastet, e Monitorimit vizual qendror me mbikëqyrje 24 orë, 2 persona në vazhdimësi – (ku shihet qartë në Kamera, zanafilla dhe mundësia për intervenim). Jam në pozitë të vështirë, se si të mos ndodhin më këto raste!”- përfundon Kelmendi reagimin e tij.

    Kujtojmë se në nëntor të vitit 2023, ishte regjistruar një zjarr në ETC në Suharekë.

    Me 25.03.2023 ishte djegur edhe një pikë e ETC-së në Pejë. Në atë rast tetë persona kishin marrë trajtim mjekësor.

    https://kallxo.com/lajm/zjarr-ne-etc-ne-suhareke-2/

    https://kallxo.com/lajm/ramiz-kelmendi-deklarohet-pas-zjarrit-ne-biznesin-e-tij-demet-deri-ne-35-milione-euro/

    https://kallxo.com/lajm/8-persona-dergohen-ne-spital-pas-zjarrit-ne-peje/

     

  • Policia i gjen pushkën e gjuetisë një personi në veturë

    Një pushkë gjuetie me nëntë fishekë është gjetur brenda një veture e cila është kontrolluar nga policia.

    Më 18.01.2025, një njësi policore kishte ndaluar një veturë në fshatin Drelaj në Pejë. Gjatë kontrollit, është gjetur dhe sekuestruar një armë, pushkë gjuetie me 9 fishekë.

    Sipas personit që voziste veturën e ndaluar nga policia, pushka kishte në emër të vëllait të të dyshuarit.

    E më pas policia arriti që të siguroj edhe se leja për posedim të armës i kishte skaduar.

    Për rastin është njoftuar edhe prokurori kujdestar. Me vendim të këtij të fundit është iniciuar rasti si armëmbajtje pa leje ndërsa i dyshuari është liruar në procedurë të rregullt.

  • Policia me operacion në regjionin e Prishtinës, tre të arrestuar

    Tre persona janë arrestuar në një operacion policor të realizuar nga ekipet e njësisë për hetimin e trafikimit me narkotikë.

    Në një njoftim, policia ka dhënë detaje për aksionin i cili u realizua gjatë datës 18.01.2025.

    Një hetim disa mujor i policisë në koordinim edhe me Prokurorinë Themelore të Prishtinës ka përfunduar deri sa janë sekuestruar narkotikë, vetura e pajisje të tjera që do të hynë në kategorinë e provave për të vërtetuar veprat penale të cilat janë hapur tashmë për blerje, posedim, shpërndarje dhe shitje e paautorizuar e narkotikëve, substancave psikotrope si dhe vepra penale mbajtja në kontroll, posedim i paautorizuar i armës.

    Zhvillimi i planit taktik kishte filluar në rrugën magjistrale Prishtinë-Ferizaj me që rast është ndaluar vetura Mercedes ngjyrë e bardhë me targa vendore me vozitës Sh.S., ku gjatë kontrollit në trup i është gjetur një qese me narkotik të llojit Kokainë me peshë 5.35 gramë. Plani ka vazhduar në rrugën ”Vicanum” ku është ndalur vetura Audi Q8 me targa vendore të cilën e drejtonte i dyshuari Xh.S., ku gjatë kontrollit të tij dhe veturës në një vend të fshehte janë gjetur 21 paketime me substancë të dyshuar narkotike të dyshuar si kokainë me peshë 20.1 gramë.

    Në të njëjtin lokacion është ndaluar edhe vetura Volvo ngjyrë hiri me targa vendore të cilën e drejtonte i dyshuari F. S., i cili është shoqëruar në stacion policor si i implikuar në rast.

    Pas veprimeve fillestare në konsultim me prokurorinë e krimeve të rënda në Prishtinë është realizuar një bastisje në shtëpitë e të dyshuarve në rrugën “Dëshmoret e Marecit” në Prishtinë ku gjatë kontrollit në një shtëpi, në banjo njësitet policore kanë gjetur, 219 qese/doza me narkotik të dyshuar si kokainë me peshë 114.4 gram të gatshme për shitje.

    Në një veturë pronë e të dyshuarit Xh.S., nën timon është gjetur një paketim me narkotikë të llojit kokainë me peshë 171.5 gramë .

    Tutje policia ka njoftuar se kanë gjetur, dy revole me dy karikatorë dhe nëntë fishekë, një granatë dore model F1 dhe 29 fishekë kalibrash të ndryshëm.

    Përveç armëve e narkotikëve, policia ka sekuestruar tri vetura të dyshuara që dyshohet se janë përdorur në fshehje shpërndarje të narkotikëve, para të gatshme në vlerë 7900 Euro dhe 100 dollar amerikan, katër telefona dhe dy DVR.

    Sipas vlerësimeve të bëra, vlera e Kokainës së konfiskuar, nëse do të shpërndahej në treg, arrin rreth 30,000 euro.

  • Policia me detaje për zjarrin në ETC në Suharekë

    Tashmë ka nisur punën policia që të hetojë dhe të zbardhë zjarrin i cili shpërtheu në qendrën tregtare ETC në Suharekë.

    Sipas policisë, sot me datë 19.01.2025, rreth orës 06:17  është raportuar se ka shpërthyer një zjarr në qendrën tregtare ETC në Suharekë.

    “Zjarrfikësit, policia dhe KEDS kanë dalë në vendngjarje. Zjarri ka marrë përmasa tē mëdha. Zjarrfikësit po punojnë në shuarjen e tij. Për momentin është arrit të eliminohet rreziku që zjarri të përhapet më tutje”- tha për KALLXO.com, Zëdhënësi i Policisë në Prizren, Shaqir Bytyqi.

    Ai shtoi se si pasojë e zjarrit janë shkaktuar dëme të mëdha materiale, por nuk ka të raportuar të lënduar deri më tani.

    “Policia do ta hetojë rastin si incident zjarri”- tha tutje Bytyqi.