Moti do të jetë kryesisht me diell dhe vranësira të shpërndara të hënën, më 27.01.2025. Sipas Institutit Hidrometeorologjik të Kosovës, në mëngjes paraqiten kushte për mjegull.
Temperaturat minimale do të lëvizin ndërmjet -1°C dhe 1°C, ndërsa maksimalet nga 12°C deri në 15°C .
“Do të fryjë erë e lehë nga jugperëndimi.” – thuhet në njoftimin e IHMK-së për motin që do të mbajë më 27.01.2025.
Gjatë kësaj jave pritet një rritje e ndjeshme e temperaturave në të dy vlerat ekstreme – duke sjellë një mot më të ngrohtë në krahasim me javën që lamë pas.
Në orët e mëngjesit do të ketë kushte për mjegull në shumë zona, veçanërisht në ultësira dhe vise urbane – gjë që mund të ndikojë negativisht në cilësinë e ajrit.
Cilësia e ajrit parashikohet të jetë e dobët, përveç ditës së mërkurë, më 29.01.2025, ku parashihen riga shiu dhe qarkullim i mirë i ajrit – duke u ndikuar nga qëndrimi i grimcave të ndotjes në atmosferë për shkak të kushteve të qeta meteorologjike.
Për këtë arsye, IHMK rekomandon që personat me probleme të frymëmarrjes, fëmijët, të moshuarit dhe ata me sëmundje kronike të kufizojnë daljet gjatë orëve me mjegull dhe të shmangin ekspozimin e panevojshëm në zonat urbane.