Policia e Kosovës ka arrestuar një person në Prizren, pasi dyshohet se më 20.01.2025 ka shtënë me armë zjarri – duke dëmtuar xhamin e dritares së një zyreje të Inspektoratit Komunal në Prizren.
Sipas Policisë së Kosovës, pas një pune hetimore Njësitë policore në vendin e ngjarjes kanë arritur të identifikojnë të dyshuarin, i cili kishte shtënë me armë.
Rasti është duke u hetuar dhe është iniciuar, si: “shkaktim i rrezikut të përgjithshëm”.