Hetuesi policor Idriz Gashi është rikthyer në punë pas suspendimit që iu bë nga Policia e Kosovës, gjatë kësaj jave.
Lajmin e ka bërë të ditur avokati i Gashit, Arianit Koci.
“Drejtësia gjithmonë triumfon dhe kësaj here fatmirësisht pa vonesë. Hetuesi policor Idriz Gashi nuk ka marrë pjesë në asnjë tubim elektoral. Si rezultat, siç kam parashikuar, rreshteri Gashi rikthehet në detyrat e tij policore.” – ka shkruar Koci në Facebook.
KALLXO.com raportoi gjatë ditës së sotme se do të bëhet kallëzim penal, në lidhje me pretendimet se Gashi mori pjesë në një aktivitet politik në kuadër të Partisë Demokratike të Kosovës.
Kallëzimi nuk është dorëzuar ende – i ka thënë avokati Koci Kallxo.com.
https://kallxo.com/lajm/suspendimi-i-hetuesit-te-task-forces-qe-hetoi-rastin-e-rezervave-shteterore-e-nagip-krasniqin-paralajmerohet-kallezim-penal/